ބޯއިން 737 ގެ ބޯޓެއް ކުއްލި ހާލަތުގައި ޖައްސައިފި

ފްލޮރިޑާ (މާޗް 27) - އެމެރިކާގެ ސައުތުވެސްޓް އެއާލައިންސްގެ ބޯއިން 737 މެކްސް މަރުކާގެ ބޯޓެއްގެ އިންޖީނަށް ދިމާވި މައްސަލައަކާ ގުޅިގެން ކުއްލި ހާލަތުގައި ފްލޮރިޑާގެ އޯލެންޑޯ އެއާޕޯޓަށް އަނބުރާ ޖައްސާފައިވާ ކަމަށް ފެޑެރަލް އޭވިއޭޝަން އެޑްމިނިސްޓްރޭޝަން އިން ބުނެފި އެވެ.

އޯލެންޑޯ އިންޓަނޭޝަނަލް އެއާޕޯޓުން ފުރިތާ މާގިނައިރެއް ނުވަނީސް ކްރޫން ވަނީ ބޯޓުގެ އިންޖީނަށް މައްސަލައެއް ދިމާވެފައިވާކަން އިއުލާންކޮށްފަ އެވެ. މައްސަލަ ދިމާވި ބޯޓުގައި އެއްވެސް ޕަސިންޖަރެއް ނެތެވެ. ބޯޓު ގެންދިޔައީ ކެލިފޯނިއާގެ ސައުތުވެސްޓް އެއާލައިންސްގެ ސްޓޯރޭޖަށެވެ.

އިތިއޯޕިއަން އެއާލައިންސްގެ ބޯއިން 737 މެކްސް 8 ގެ ބޯޓެއް ވެއްޓުމާ ގުޅިގެން މި މަރުކާގެ ހުރިހާ ބޯޓެއް މިހާރު ވަނީ ގްރައުންޑް ކޮށްފަ އެވެ. އޭގެ ކުރިން ވަނީ އިންޑޮނީޝިއާގެ ލަޔަން އެއާގެ މެކްސް 8 ގެ ބޯޓެއް ވެސް ވެއްޓިފަ އެވެ. މި ދެ ބޯޓުން ވަނީ 346 މީހުން މަރުވެފަ އެވެ.