މިއީ އާދައިގެ ސައިކަލެއް ނޫން

ވެހިކަލްތައް އެކި ގޮތްގޮތަށް މޮޑިފައިކޮށްގެން ދުއްވާ މީހުން މިހާރު ބައިވަރެވެ. އިންޑިއާގެ އުއްތަރް ޕްރަދޭޝްގެ ބެރިލީން ފެންނަ ރަތް ކުލައިގެ މި ސައިކަލަކީ ވެސް މޮޑިފައިކުރިލެއް ބޮޑުކަމުން، ބަޔަކު ހީވެސް ނުކުރާހާ ބޮޑަށް ތަފާތުކޮށްލާފައިވާ ސައިކަލެކެވެ.

އަހުމަދު އަދްޝަން

17 އޮކްޓޯބަރ 2019

އުމުރުން 70 އަހަރުގެ މުހައްމަދު ސައީދުގެ ސައިކަލުގެ އާދަޔާހިލާފު ފީޗާތަކާ އެކު އެއަށް އޭނާ ދީފައި ވަނީ ވެސް ވަރުގަދަ ނަމެކެވެ. އެއީ "ޓާޒަން" އެވެ. މިއީ ވޮއިސް ކޮމާންޑާއި އޭޓީއެމް ވެސް ހިނަމާފައިވާ ސައިކަލެކެވެ.

ސްޓާޓްކުރުމާއި ނިއްވުމާއި ސައިކަލްގެ ލައިޓްތައް ވެސް ދިއްލުން އޮންނާނީ ސައީދު ދޭ ވޮއިސް ކޮމާންޑްގެ މައްޗަށެވެ. ސައިކަލުގެ ކުރިމަތީގެ ދެ ފަރާތުގައި ކުޑަ ދެ ފޮށިގަނޑު ހަރުކޮށް އޭގައި އޭޓީއެމް ޖަހާފައި ހުރެ އެވެ.

Meet Bareilly’s Chacha Sayed

Only GOD knows what technology he’s using?

His bike hs coin ATM works on voice command

His bike gets on-off centerstand itself over motion command

His bike starts on voice command

What a great example of desi engineering??? pic.twitter.com/wR6vCbJKId
— Rishi: (@RationalRishi) October 12, 2019

ފައިސާ ބޭނުންވީމާ އަދަދު ކިޔައިލުމުން އެ "އޭޓީއެމް" ތަކުން ފައިސާ ނުކުންނާނެ އެވެ. އަދި ލަވައެއް ޖަހާލާށޭ ބުނުމުން ސައިކަލުން ލަވަ ވެސް ޖަހައިދޭނެ އެވެ.

ސައީދުގެ މި އާދަޔާލާފު ސައިކަލުގެ ވީޑިއޯ ސޯޝަލް މީޑިއާގައި ވައިރަލްވެ، މީގެ ވާހަކަ ދައްކާ މީހުން ވަރަށް ބޮޑަށް އިތުރުވެއްޖެ އެވެ. އަދި ސައީދަށް ލިބުނު ސަމާލުކަން ވެސް އެހާ ބޮޑެވެ.

"ޓާޒަން" އާ ބެހޭ ގޮތުން ސައީދު ބުނީ ސައިކަލުން ފެންނަން ހުރި މޮޑިފިކޭޝަންތަކަކީ އަމިއްލަ މަސައްކަތް ކަމަށެވެ. އަމިއްލަ މީހާ އޭނާ ސިފަކުރަނީ އިލެކްޓްރިޝަނެއް، ސްޓަންޓް މޭނެއް، ސޭލްސް މަނެއް އަދި މީހުންގެ ސަމާލުކަން އަތުލައިގަންނަން ކުޅަދާނެ މީހެއްގެ ގޮތުގަ އެވެ.

Comments