ކެލިފޯނިއާ އަނދާ ހުލިވަނީ

ކެލިފޯނިއާ (އޮކްޓޯބަރު 31) - އެމެރިކާގެ ކެލިފޯނިއާ ސްޓޭޓުގައި ރޯވެފައިވާ ބޮޑު އަލިފާންގަނޑު ކޮންޓްރޯލް ނުވެ ބޮޑު ސަރަހައްދެއް އަނދާ ހުލިވެއްޖެ އެވެ.

އޮފިޝަލުން ލަފާކުރާ ގޮތުގައި 1،500 އޭކަރު (526 ހެކްޓަރު) ގެ ސަރަހައްދަކަށް އަލިފާންގަނޑު ވަނީ ފެތުރިފަ އެވެ. އަލިފާނުގެ ނުރައްކާ ބޮޑުވެގެން 7،000 ގެ އަކުން މީހުން ހުސްކުރަން ވަނީ ޖެހިފަ އެވެ. އަދި 30،000 އަށް ވުރެ ގިނަ މީހުންނަށް ވަނީ އަލިފާނުގެ ގެއްލުން ފޯރައިފަ އެވެ. އަލިފާނުގެ ނުރައްކާ އޮތް ސަރަހައްދުގައި 18 މިލިއަން މީހުން ދިރިއުޅެ އެވެ.

ކެލިފޯނިއާގެ ގަވަރްނަރު ގެވިން ނިއުސަމް ވަނީ ސްޓޭޓުގައި ކުއްލި ހާލަތު އިއުލާންކޮށްފަ އެވެ.

ކެލިފޯނިއާގެ އަލިފާނުގައި މިދިޔަ އަހަރު 86 މީހުން މަރުވެފައިވާ އިރު 2017 ވަނަ އަހަރު ވަނީ 44 މީހުން މަރުވެފަ އެވެ.