ކައިލީ، ދަރިފުޅަށް ޖަވާހިރު އަނގޮޓިއެއް ދިނުން މައްސަލައަކަށް

ކައިލީ، އެއް އަހަރުގެ ދަރިފުޅަށް ޖަވާހިރު އަނގޮޓިއެއް ދިނުމުން މައްސަލަ އަކަށް ވެއްޖެ

28 ޑިސެމްބަރ 2019

އެންމެ އަހަރެއްވީ އަންހެން ދަރިފުޅު ސްޓޯމީ ވެބްސްޓާ އަށް އެމެރިކާގެ މަޝްހޫރު ވިޔަފާވެރިޔާ ކައިލީ ޖެނާ އަގު ބޮޑު ޖަވާހިރު އަނގޮޓިއެއް ދިނުމުން ގިނަ ބައެއްގެ ފާޑުކިޔުންތައް އަމާޒުވެއްޖެ އެވެ.

އަހުމަދު އަދްޝަން

މި އަހަރުފެ ކްރިސްމަސް ހަދިޔާއެއްގެ ގޮތުން، ދަރިފުޅުގެ އިނގިލީގައި އެޅުވި އަނގޮޓީގެ ވީޑިއޯއެއް އިންސްޓަގްރާމް ސްޓޯރީގައި ވެސް ކައިލީ ވަނީ ހިއްސާކޮށްފަ އެވެ. އެ ވީޑިއޯ އާއި އޭގެ ކެޕްޝަން ކޮޕީކޮށް ބައެއް މީޑިއާ އާއި ބައެއް މީހުންގެ އިންސްޓަގްރާމްގައި ވެސް ހިމަނާފައިވެ އެވެ.

މިކަމާ ގުޅިގެން ވަރަށް ގިނަ ބަޔަކު ވަނީ ކައިލީ އާއި އޭނާ ނިސްބަތްވާ ކައިލީ/ކާޑޭޝަން އާއިލާ އަށް ވެސް ވަރަށް ބޮޑަށް ފާޑުކިޔައިފަ އެވެ.

View this post on Instagram

#PressPlay: Okay! Baby #Stormi got some ice this Christmas too ??

A post shared by The Shade Room (@theshaderoom) on Dec 25, 2019 at 8:36pm PST

ބައެއް މީހުން ބުނީ އެންމެ އަހަރެއްވީ ކުއްޖަކަށް ޖަވާހިރު އަނގޮޓިއެއް ދޭން ޖެހޭ ސަބަބެއް ނެތް ކަމަށާއި އެފަދަ އަގުބޮޑު އެއްޗެހި ކުދިންނަށް ދިނުމަކީ ކުދިން ހަލާކުކުރަން ކުރާ ކަމެއް ކަމަށެވެ. އަދި ކައިލީގެ އެ އަމަލަކީ ދަރިފުޅު މާއްދިއްޔަތަށް ލޯބި ޖެއްސުމަށް ކޮށްފައިވާ ކަމެއް ކަމަށް ވެސް ބައެއް މީހުން ބުންޏެވެ.

Kylie is so slow. She really got a one year old a diamond ring. The Kardashian/Jenner clan really go out their way to buy stupid expensive gifts ?
— Nae ? (@piercehearts) December 26, 2019

އަނެއް ބަޔަކު ބުނިގޮތުގައި ކާޑޭޝަން/ޖެނާ އާއިލާގެ މީހުން މުއްސަނދި ދިރިއުޅުމެއްގައި އުޅޭތީ އެ މީހުން އުޅެނީ ފައިސާ އަށް ކުރާނެ ކަމެއް ނޭނގިގެންނެވެ. އެހެންވެ، ބޭކާރު އަދި ތާކުންތާކު ނުޖެހޭ ކަންކަން ކުރުމުގެ ބަދަލުގައި މީހަކަށް އެ ފައިސާ އިން ކާ އެއްޗެހި ގަނެދިނުން ނުވަތަ މީހެއްގެ ހޮސްޕިޓަލް ބިލް ދައްކައިލަ ދިނުން ފަދަ ކަމެއް ކުރިޔަސް މާ ރަނގަޅު ވާނެ ކަމަށް ސޯޝަލް މީޑިއާގައި ފާޑުކީ ބައެއް މީހުން ބުނެފައި އެވެ.

These people are the most vapid & empty on the planet. Its not surprising we elect an idiot like Trump, when the Kardashians are famous for absolutely no redeeming qualities whatsoever, and have no altruistic qualities, except making and spending money on themselves. Zero.
— L Franklin Young (@CASeminole) December 26, 2019

ނަމަވެސް ބައެއް މީހުން ކައިލީގެ ދިފާއުގައި ވެސް ވާހަކަ ދެއްކި އެވެ. އެ މީހުން ފާހަގަކޮށްފައިވާ ގޮތުގައި ދަރިއަކަށް މަޔަކު ޖަވާހިރު އަނގޮޓިއެއް ގަނެދިނުމަކީ އެއްވެސް މައްސަލައެއް ނޫނެވެ. އަދި އެކަން ކުރީ ކައިލީ އަމިއްލަ އަށް ހޯދި ފައިސާ އިން ކަމަށާއި އެއީ އެހެން ބަޔަކާ ބެހޭ ކަމެއް ނޫން ކަމަށް ވެސް ބައެއް މީހުން ބުންޏެވެ.