އޭއައިގެ އެހީގައި އީޖާދުކުރި ބޭހެއް ޓެސްޓްކުރަނީ

އޭއައިގެ އެހީގައި އީޖާދުކުރި ބޭހެއް ޓެސްޓްކުރަން ތައްޔާރުވެއްޖެ

01 ފެބުރުއަރީ 2020

އާޓިފިޝަލް އިންޓެލިޖެންސް (އޭއައި) ބޭނުންކޮށްގެން އުފައްދާފައިވާ ބޭހެއް ތަޖުރިބާކާރުންގެ ޓީމަކުން އީޖާދުކޮށް އެ ޓެސްޓްކުރަން ތައްޔާރުވެއްޖެ އެވެ.

އަހުމަދު އަދްޝަން

އިނގިރޭސިވިލާތުގެ ސްޓާޓަޕެއް ކަމަށްވާ އެކްސައިންޝާ އާއި ބޭސް އުފައްދާ ޖަޕާނުގެ ކުންފުނި ސުމިޓޯމޯ ޑެއިނިޕޮން ފާމާ ގުޅިގެން އީޖާދުކުރި މި ބޭހަކީ އޮބްސެސިވް-ކޮމްޕަލްސިވް ޑިސްއޯޑާ (އޯސީޑީ) ހުންނަ މީހުންގެ ފަރުވާ އަށް ބޭނުންކުރެވިދާނެ ބޭހެކެވެ. އެގޮތުން މި ބޭހުގެ ފުރަތަމަ ޓެސްޓް ޖަޕާނުގައި ކުރިއަށް ގެންދަން ނިންމާފައިވާ އިރު، މީތި ކާމިޔާބު އެއްޗަކަށްވެއްޖެ ނަމަ، ދުނިޔޭގެ އެކި ހިސާބުތަކުގައި ޓެސްޓްކުރަން ވެސް ވަނީ ނިންމައިފަ އެވެ.

Following a year of incredible growth, we’ve appointed Dr. David Hallett as our Chief Operating Officer and Head of Drug Discovery, responsible for delivering all of our #AI drug discovery operations. Read more about David's extensive experience here: https://t.co/PV8goXwju3 pic.twitter.com/sOTDozFiRn
— Exscientia (@exscientialtd) January 21, 2020

އޭއައިގެ އެހީގައި ތައްޔާރުކުރި ހާއްސަ އަލްގަރިދަމް "މޮލެކިއުލް" ގެ އެހީގައި "ޑޫއެސްޕީ-1181" އުފައްދަން ނެގީ އަހަރެއްހާ ދުވަސް ކަމަށް ވެސް މިކަން ކުރި ޓީމުން ބުންޏެވެ. އާންމުކޮށް ބޭހެއް އީޖާދުކޮށް، އެ ޓެސްޓްކުރުމާ ހަމައަށް ފަސްވަރަކަށް އަހަރުވަރު ނަގަ އެވެ. ނަމަވެސް އޭއައިގެ އެހީގައި 12 މަސް ދުވަހުގެ ތެރޭގައި ބޭހެއް ވުޖޫދަށް ގެނައުމަކީ ފާހަގަކޮށްލެވޭ ވަރުގެ ކާމިޔާބީއެއް ކަމަށް ބުންޏެވެ.

We have reached a critical milestone in the development of #AI and medicine. With Sumitomo Dainippon Pharma, we have developed the first drug created by #AI to enter human clinical trials. Read more here: https://t.co/vQF95x3Nk6
— Exscientia (@exscientialtd) January 30, 2020

މިކަމާ ބެހޭ ގޮތުން އެކްސައިންޝާގެ ޗީފް އެކްޒެކެޓިވް އަދި ޕްރޮފެސަރު އެންޑްރޫ ހޮޕްކިންސް ވިދާޅުވީ ކުރު މުއްދަތެއްގެ ތެރޭގައި ބޭހެއް އުފެއްދުމަކީ ހަގީގަތުގައި ވެސް ވަރަށް ބޮޑު ކާމިޔާބީއެއް ކަމަށެވެ. އަދި މިކަމުން ސިއްހީ ދާއިރާ އަށް އޭއައި ބޭނުންކުރެވިދާނެ މިންވަރު ދައްކުވައިދޭ ކަމަށް ވިދާޅުވި އެވެ.

We start 2020 with the first novel drug designed by #AI entering human clinical trials. By the end of this new decade, we expect all drugs will be developed using AI. Read @madhumita29’s piece about this critical milestone https://t.co/CRDBTnqS9G
— Exscientia (@exscientialtd) January 30, 2020

"މިކަމަށް ބޭނުންވީ ބޭސް ތައްޔާރުކުރަން އެންމެ އެކަށޭނެ މޮލެކިއުލްއެއް ހޯދުން. އެހެންވީމަ ހަގީގަތުގައި ވަރަށް ޓެކްނިކަލް އަދި ޗެލެންޖިން ބޮޑު މަސައްކަތެއް،" ޕްރޮފެސަރު ވިދާޅުވި އެވެ.

އެކްސައިންޝާ އިން މިހާރު އަންނަނީ ކެންސަރާއި ހިތުގެ ބަލިތަކަށް ވެސް ހާއްސަ ބޭހެއް އޭއައި ބޭނުންކޮށްގެން އީޖާދުކުރަން މަސައްކަތްކުރަމުންނެވެ. އަދި މިހާރު މަސައްކަތްދާ ގޮތަށް ބަލާ އިރު އެ ބޭހުގެ ކްލިނިކަލް ޓްރައިލްތަކެއް މި އަހަރުގެ ފަހުކޮޅު ފެށޭނެ ކަމަށް އަންދާޒާކޮށްފައިވެ އެވެ.

"ހަގީގަތުގައި މި އަހަރު މި ލިބުނު ކާމިޔާބީ އަކީ އޭއައިގެ އެހީގައި މުޅިން އަލަށް އިންސާނީ ތާރީހުގައި ބޭހެއް އުފެއްދުން. އޭގެ މާނަ އަކީ ބޭސް އުފެއްދުމުގެ ދާއިރާގައި ކުރިއަށް އޮތް ދިހަ އަހަރު އޭއައި އަދާކުރާ ދައުރު ވަރަށް ބޮޑަށް ފުޅާވެގެންދާނޭ،" ހޮޕްކިންސް ވިދާޅުވި އެވެ.

Comments