މޫސުމީ ބަދަލާ ދެކޮޅަށް ބެޒޯސް 10 ބިލިއަން ޑޮލަރުދެނީ

މޫސުމީ ބަދަލާ ދެކޮޅަށް ޖެފް ބެޒޯސް 10 ބިލިއަން ޑޮލަރު

19 ފެބުރުއަރީ 2020

މޫސުމަށް އަންނަ ބަދަލުތަކާ ދެކޮޅަށް ކުރަމުން އަންނަ މަސައްކަތްތަކަށް، ދުނިޔޭގެ އެންމެ މުއްސަނދި މީހާ އަދި އެމެޒޯންގެ ވެރިޔާ 10 ބިލިއަން ޑޮލަރުގެ ފަންޑެއް ހަމަޖައްސައިފި އެވެ.

އަހުމަދު އަދްޝަން

މިކަން އޭނާ އިންސްޓަގްރާމްގައި ހިއްސާކުރައްވަމުން ވިދާޅުވީ "ބެޒޯސް އާތު ފަންޑް" އިން ކްލައިމެޓް ޗޭންޖަށް ހޭދަކުރާ 10 ބިލިއަން ޑޮލަރަކީ މޫސުމަށް އަންނަ ބަދަލުތަކާ ދެކޮޅަށް ސައިންޓިސްޓުންނާއި އެކްޓިވިސްޓުންނާއި އެހެނިހެން ގްރޫޕްތަކުން ކުރާ މަސައްކަތްތަކަށް ދެއްވާ އެހީއެއް ކަމަށެވެ. އަދި އެކަމަށް ހާއްސަ ފަންޑެއްގެ ދަށުން އެހީތެރިކަން ފޯރުކޮށް ދެއްވުމަކީ ވަރަށް ބޮޑު އުފަލެއް ކަމަށް ވިދާޅުވި އެވެ. މި ފަންޑުގެ ދަށުން، އަންނަ މަހުގެ ތެރޭގައި ފައިސާތައް ފޯރުކޮށްދޭން ޖެހޭ ދިމަދިމާލަށް އެހީވާން ފަށާނެ އެވެ.

ބެޒޯސް ވިދާޅުވި ގޮތުގައި ކްލައިމެޓް ޗޭންޖަކީ މި ވަގުތު ދުނިޔެ އަށް ކުރިމަތިވެފައިވާ އެންމެ ސީރިއަސް އެއް މައްސަލަ އެވެ.

"އެހެންވީމަ އެންމެން ގުޅިގެން އެއް އަމާޒަކަށް މަސައްކަތްކުރާ ނަމަ މި ދުނިޔެ އަހަރެމެންނަށް ސަލާމަތްކުރެވޭނެ،" ބެޒޯސް ވިދާޅުވި އެވެ. "މީގައި ހުރިހާ ގައުމުތަމުތަކާއި ކުދިބޮޑު ކުންފުނިތަކާއި ބައިނަލްއަގްވާމީ ޖަމިއްޔާ ޖަމާއަތްތަކާއި އަދި ފަރުދީ ފެންވަރުގައި ކުރެވޭ މަސައްކަތްތައް ކުރުން ވަރަށް މުހިއްމު. ދުނިޔެ އަކީ އެންމެންގެ ތަނެއް. އެހެންވެ މިތަން ހިމާޔަތްކޮށް، ރައްކާތެރިކުރަން މަސައްކަތްކުރަން ޖެހޭނީ ވެސް އެންމެން އެއްކޮށް."

View this post on Instagram

Today, I’m thrilled to announce I am launching the Bezos Earth Fund.⁣⁣⁣ ⁣⁣⁣ Climate change is the biggest threat to our planet. I want to work alongside others both to amplify known ways and to explore new ways of fighting the devastating impact of climate change on this planet we all share. This global initiative will fund scientists, activists, NGOs — any effort that offers a real possibility to help preserve and protect the natural world. We can save Earth. It’s going to take collective action from big companies, small companies, nation states, global organizations, and individuals. ⁣⁣⁣ ⁣⁣⁣ I’m committing $10 billion to start and will begin issuing grants this summer. Earth is the one thing we all have in common — let’s protect it, together.⁣⁣⁣ ⁣⁣⁣ - Jeff

A post shared by Jeff Bezos (@jeffbezos) on Feb 17, 2020 at 10:00am PST

"ބެޒޯސް އާތު ފަންޑް" ދަށުން ކްލައިމެޓް ޗޭންޖަށް 10 ބިލިއަން ޑޮލަރު އިންވެސްޓްކުރަން ނިންމި އިރު، އެއީ އޭނާގެ މިލްކިއްޔާތުގެ 8 ޕަސަންޓެވެ. ބެޒޯސްގެ މިލްކިއްޔާތު 130 ބިލިއަން ޑޮލަރަށް އަރަ އެވެ.

މީޑިއާތަކުން ރިޕޯޓްކޮށްފައިވާ ގޮތުގައި ކްލައިމެޓް ޗޭންޖާ ދެކޮޅަށް ކުރާ މަސައްކަތްތަކަށް ބޮޑު އެހީއެއް ދެއްވަން ބެޒޯސް ނިންމެވީ އެމެޒޯންގައި މަސައްކަތްކުރާ ވަރަށް ގިނަ މުވައްޒަފުންތަކެއްގެ އެދުމާއި ޕްރެޝަރާ ހެދި އެވެ.

Comments