މާލެ އަންނަން 24 ގަޑިއިރު ތެރޭ 454 މީހަކު އެދެފި

02 މެއި 2020

ކޮވިޑް-19 ފެތުރޭތީ މާލެ ސަރަހައްދު ބަންދުކުރުމުން، ރަށްރަށުގައި ތިބި މާލެ ނާދެވިފައި ތިބި މީހުންގެ ތެރެއިން 454 މީހަކު މާލެ އަންނަން ބޭނުންވެގެން މި ދިޔަ 24 ގަޑިއިރު ތެރޭ ހުށަހަޅާފައިވާ ކަމަށް މާލެ ސިޓީ ކައުންސިލުން މިއަދު އެދެފި އެވެ.

ލަމްޔާ އަބްދުﷲ

މިދިޔަ މަހުގެ 15 ވަނަ ދުވަހު މާލެ ސަރަހައްދު 14 ދުވަހަށް ލޮކްޑައުންކޮށް އެ މުއްދަތު އިއްޔެ އަނެއްކާ 14 ދުވަހަށް ވަނީ އިތުރުކޮށްފަ އެވެ. އެހެންވެ މާލެ ނާދެވިފައި ތިބި މީހުން ހޯދަން މާލޭ ސިޓީ ކައުންސިލުން ވަނީ އިއުލާނުކޮށްފަ އެވެ.

24 hours to this Notice, we have recieved more than 454 messages from people who are stuck in islands because of lockdown and want to be back to Male’.
Mayor @SifaMohammed have shared the details with @PoliceMv and requested to Make it possible for those people to Travel back. https://t.co/VQaZyiTteD
— Male' City Council (@MaleCitymv) May 1, 2020

މާލެ ސިޓީ ކައުންސިލުން މިއަދު ކުރި ޓްވީޓެއް

ސިޓީ ކައުންސިލުން އިއްޔެ ކުރި އިއުލާނުގައި، މާލެ ނާދެވި، އެކި ރަށްރަށުގައި ތާށިވެފައި ތިބި މީހުން އެކަން ކައުންސިލަށް އަންގަން، އަންނަ އާދިއްތަ ދުވަހުގެ މެންދުރު 2:00 އާ ހަމަ އަށް ވަނީ ފުރުސަތު ދީފަ އެވެ. މާލެ އަންނަން ބޭނުންވާ ނަމަ 9955788 އަށް ގުޅައި އެކަން އަންގަން އެދިފައިވެ އެވެ.

ސިޓީ ކައުންސިލުން މިއަދު ކުރި ޓްވީތެއްގައި ބުނީ، އެ އިއުލާނު ކުރިތާ 24 ގަޑި އިރު ތެރޭގައި 454 މީހަކު މާލެ އަންނަން ބޭނުންވާކަން ކައުންސިލަށް އަންގާފައިވާ ކަމަށެވެ. އަދި މާލޭގެ މޭޔަރު ޝިފާ މުހައްމަދު މިހާރު ވަނީ މި މައުލޫމާތު ފުލުހުންނާ ހިއްސާކުރައްވައި، އެ މީހުންނަށް މާލެ އާދެވޭނެ ގޮތް ހަމަޖައްސައިދޭން އެދިވަޑައިގެންފައި ކަމަށް އެ ޓްވީޓްގައިވެ އެވެ.

Lockdown ge sababun Male' ah naadhevifai thibi meehun Council ah anngan edhefi

The most trusted news source in the Maldives

Mihaaru

ރާއްޖެއިން މިހާތަނަށް 480 އަށް ވުރެ ގިނަ މީހުން ކޮވިޑް-19 އަށް ޕޮޒިޓިވްވެފައިވާ އިރު، ގިނައީ މާލެ ސަރަހައްދުން ފެނިފައިވާ މީހުންނެވެ. އޭގެ ތެރެއިން ވެސް ގިނައީ ތޮއްޖެހިފައިވާ ތަންތަނުގައި ދިރިއުޅެމުން ދިޔަ ބިދޭސީންނެވެ.

Comments