އިންޑިއާއަކީ ހަގީގީ އެކުވެރިއެއްކަން ދައްކައިދީފި:ރައީސް

އިންޑިއާ އަކީ ހަގީގީ އެކުވެރިއެއްކަން ދައްކުވައި ދީފި: ރައީސް

12 މެއި 2020

ކޮވިޑް-19 ކުރިމަތިވެފައިވާ މިވަގުތު އިންޑިއާ އަކީ ރާއްޖޭގެ ހަގީގީ އެކުވެރިއެއްކަން ދައްކުވައި ދީފައިވާ ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.

އާސިމާ ނިޒާރު

ރާއްޖެ އަށް ވެސް ކޮވިޑް-19 ފެތުރި ހާލަތު ގޯސްވެފައިވާ މިވަގުތާ ދިމާކޮށް، އެ ގައުމުން ދިން އެހީތަކަށް ޝުކުރު އަދާކުރައްވައި އެ މަނިކުފާނު ކުރެއްވި ޓްވީޓެއްގައި ވިދާޅުވީ އިންޑިއާއިން މި ފަހުން ހަދިޔާކުރި އަސާސީ ކާބޯތަކެއްޗަކީ ވެސް މިހާރަށް ބޮޑު އެހީއެއް ކަމަށެވެ.

"ބަހައްޓަމުން އަންނަ ރަހުމަތްތެރިކަމާއި ތެދުވެރިކަމަށް ބޮޑުވަޒީރު މޯދީ އަދި އިންޑިއާގެ ރައްޔިތުންނަށް ވަރަށް ބޮޑަށް ޝުކުރު އަދާކުރަން،" ރައީސްގެ ޓްވީޓުގައި ވިދާޅުވި އެވެ.

During the Covid19 crisis, India has been a true friend to Maldives. India’s recent gift of essential food supplies is particularly helpful during these challenging times. Our sincere thanks to PM @narendramodi and the people of India for their friendship and generosity.
— Ibrahim Mohamed Solih (@ibusolih) May 12, 2020

ކޮވިޑް-19 ގައި ރާއްޖެ އަށް ދިމާވެފައިވާ މި ދަތިތަކުގައި އެންމެ ބޮޑު އެހީއެއް ދީފައިވާ އެއް ގައުމަކީ އިންޑިއާ އެވެ. އެގޮތުން އެ ގައުމުން މިއަދު ވަނީ ރާއްޖެ ހަދިޔާކުރި 580 ޓަނުގެ ކާބޯތަކެތި ގެނެސްފަ އެވެ. އިންޑިއާގެ ކަނޑުގެ ސިފައިންގެ މަނަވަރެއްގައި ގެނައި ތަކެތީގައި ހިމެނެނީ ކާޑާއި ރީނދޫ މުގާއި އަލުވި އަދި ފިޔާ އެވެ.

ކޮވިޑް-19 ޖެހޭ މީހުންނަށް ފަރުވާ ދިނުމަށް ބައެއް ގައުމުތަކުގައި ބޭނުންކުރާ މެލޭރިޔާގެ 50،000 ގުޅަ ވެސް އިންޑިއާއިން ވަނީ މިދިޔަ މަހު ހަދިޔާކޮށްފަ އެވެ.

India inn 580 tonne ge kaaboathakethi raajje genesfi

The most trusted news source in the Maldives

Mihaaru

އަސާސީ މެޑިކަލް ސާމާނު ހަދިޔާ ކުރުމުގެ އިތުރުން، އެ ގައުމު ލޮކްޑައުން ކުރުމުގެ ކުރިން އެސްޓީއޯ އިން އޯޑަރުކުރި ބޭސްތަކެއް އިންޑިއާގައި ތާށިވުމުން އެ ތަކެތި ގެންނަން ހާއްސަ އޮޕަރޭޝަނެއް ވެސް ހިންގި އެވެ.

Comments