ވަން ޕްލަސް އިން ގޭމިން އަށް ހާއްސަ ފޯނެއް

އަންނަ އަންގާރަ ދުވަހު ވަން ޕްލަސްގެ ސީރީޒް 9 ގެ ފޯނު ނެރެން ތައްޔާރުވަމުން އަންނަ އިރު އެ ދުވަހު ލޯންޗްކުރާ އެ ސީރީޒްގެ ފޯނުތަކުގެ ތެރެއިން ގޭމިން އަށް ހާއްސަ ފޯނެއް ވެސް ލޯންޗްކުރަން ނިންމައިފި އެވެ.

ވަން ޕްލަސްގެ ސީއީއޯ ޕީޓް ލައު ނިއުސް 18 އަށް ދެއްވި އިންޓަވިއުއެއްގައި ވިދާޅުވީ އެ ފޯނު އެންމެ ފުރަތަމަ ނެރޭނީ އިންޑިއާގެ މާކެޓަށް ހާއްސަކޮށްގެން ކަމަށާއި ފޯނުގެ ނަމަކީ ވަންޕްލަސް 9އާރް 5ޖީ ކަމަށެވެ. މާނަ އަކީ 5 ނެޓްވޯކާ އެކު ވީޑިއޯ ގޭމް ކުޅޭ މީހުންނަށް ވަރަށް ހާއްސަ ކަންތައްތަކެއް އެ ފޯނުގައި ހުންނާނެ ކަމެވެ.

އަންގާރަ ދުވަހު ބާއްވާ އިވެންޓްގައި ލޯންޗްކުރަން ހަމަޖެހިފައިވާ ކަމަށް ކުރިން އިއުލާންކޮށްފައި ވަނީ ސީރީޒް 9ގެ ދެ މޮޑެލްއެކެވެ. އެއީ ވަން ޕްލަސް 9 އާއި 9 ޕްރޯ އެވެ.

ޕީޓް ވިދާޅުވި ގޮތުގައި ވަންޕްލަސް 9އާރް 5ޖީ ބޭނުންކުރަން ވެސް އެހާމެ ފަސޭހަވާ ގޮތަށް ވިސްނައިގެން ފަރުމާކޮށްފައިވާ ފޯނަކަށްވާތީ ގޭމް ކުޅޭ މީހުން ގަޔާވާނެ ވަރަށް ގިނަ ކަންކަން ފޯނުގައި ހުންނާނެ އެވެ. އެގޮތުން ފޯނު އޭނާ ސިފަކޮށް ދެއްބީ "ފާސްޓް އެންޑް ސްމޫތު" ޑިވައިސްއެއްގެ ގޮތުގަ އެވެ.

އަދި އެންމެ އުފާވެރި ޚަބަރަކީ އަންގާރަ ދުވަހު ލޯންޗްކުރާ އަނެއް ދެ މޮޑެލް އަށް ވުރެ އަގު ވެސް ހެޔޮވާނެ އެއްޗަކަށް ގޭމިން އަށް ހާއްސަ ފޯނު ވުމެވެ. ސީރީޒް 9 ގެ ފޯނުތަކުގެ އަގުތަކާއި އޭގެ ފީޗާތަކާ ބެހޭ މައުލޫމާތަށް އިންތިޒާކުރަމާ ހިނގާށެވެ.