ސްޕައިސް ޖެޓްގެ ބޭރުގައި ސޯނޫގެ ފޮޓޯ

22 މާޗް 2021

މިދިޔަ އަހަރު ކޮވިޑް-19 އާ ދިމާކޮށް އިންޑިއާގެ އެކްޓަރު ސޯނޫ ސޫދު އިންސާނިއްޔަތަށް ވާން ފެށި އެހީތަކުގެ ސަބަބުން އޭނާގެ މަސައްކަތަށް ހިތްވަރުދީ އެކަމުގެ އަގުވަޒަންކުރުމުގެ ގޮތުން އިންޑިއާގެ ބަޖެޓް އެއާލައިން ސްޕައިސް ޖެޓުން ސޯނޫ އަށް ޓްރިބިއުޓެއް ދީފި އެވެ.

އަހުމަދު އަދްޝަން

މިކަން ކޮށްފައި ވަނީ އެ އެއާލައިންގެ ފްލީޓްގައި ހިމެނޭ 737 ބޮއިން ބޯޓެއްގެ ބޭރުގައި ސޯނޫގެ ތަސްވީރު ހިމަނައިގެންނެވެ. އެއާ އެކު ލިޔެފައި ވަނީ "އަ ސެލިއުޓް ޓު ދަ ސޭވިއާ ސޯނޫ ސޫދު" އެވެ. އެކަމަށް ކުރި މަސައްކަތް ސްޕައިސް ޖެޓުން ވީޑިއޯއަކުން ޓްވިޓާގައި ދައްކާލާފައިވެ އެވެ.

"ތިއީ ހަމަ އެތައް ބަޔަކަށް އިންސްޕިރޭޝަނެއް. ސޯނޫއަށްޓަކައި ފަހަރުވެރިން،" އެއާލައިނުން ބުންޏެވެ.

މިކަމާ ގުޅިގެން ސޯނޫ ވަނީ ސްޕައިސް ޖެޓަށް ވަރަށް ބޮޑަށް ޝުކުރުއަދާކޮށްފަ އެވެ.

އޭނާ ބުނީ އެ އެއާލައިނުން ދިން ޝަރަފާ އެކު ހަނދާނަށް އަންނަނީ ޕަންޖާބްޖް މޯގާ އިން މުމްބާއީ ރިޒާވް ނޫން ޓިކެޓެއްގައި ދަތުރުފެށި ދުވަސް ކަމަށެވެ.

The phenomenally-talented @SonuSood has been a messiah to lakhs of Indians during the pandemic, helping them reunite with their loved ones, feed their families and more. (1/3) pic.twitter.com/8wYUml4tdD
— SpiceJet (@flyspicejet) March 19, 2021

"މިއީ އަނެއްކާ ވެސް މައިންބަފައިން މަތިން ވަރަށް ބޮޑަށް ހަނދާން އާކޮށްދިން ކަމެއް،" ސޯނޫ ބުންޏެވެ.

Thank you for everything, Sonu! You are an inspiration to us and many others, and we are proud to be your partners in your deeds of extraordinary compassion. (3/3)
— SpiceJet (@flyspicejet) March 19, 2021

އޭނާ އަށް ދިން ޓްރިބިއުޓާ ބެހޭ ގޮތުން ސްޕައިސް ޖެޓުން ބުނީ ސޯނޫ އަކީ އިންސާނިއްޔަތަށް ހިދުމަތްކުރުމުގައި ދެވަނައެއް ނެތް ފަދަ މީހެއް ކަމަށެވެ. އަދި އެންމެ އުފާކުރާ ކަމަކީ ކޮވިޑްގެ ބަލިމަޑުކަމުގެ ތެރޭގައި އާއިލާތަކާ ދުރުގައި ތިބި އެތައް ހާސް ބަޔަކު އެ މީހުންގެ އާއިލާތަކާ ގުޅުވައިދޭން ކުރި މަސައްކަތް ކަމަށް ބުންޏެވެ.

Remember coming from Moga to Mumbai on an unreserved ticket.
Thank you everyone for all the love. Miss my parents more. @flyspicejet pic.twitter.com/MYipwwYReG
— sonu sood (@SonuSood) March 20, 2021

ސޯނޫ އަމިއްލަ ޖީބުން ހަރަދުކޮށްގެން އިންޑިއާގެ އެތަންމިތަނުގެ އިތުރުން ގައުމުގައި ބޭރުގައި ތިބި ގިނަ ބަޔަކު ވެސް އާއިލާއާ ހަމައަށް ގެންގޮސް ދިފައިވެ އެވެ. އެކަން އޭނާ ކުރީ ބަހާއި ރޭލާއި ޗާޓަރު ފްލައިޓް ބޭނުންކޮށްގެންނެވެ.

ސޯނޫ އިންސާނިއްޔަތަށް ވާން ފެށި އެހީއާ ގުޅިގެން އެކަން ފާހަގަކޮށް މިހާތަނަށް އޭނާ އަށް އެތައް އެވޯޑަކާއި ހަނދާނީ ލިޔުމާއި އެތައް ޝަރަފެއް ދީފައިވެ އެވެެ. ސޯނޫ އަންނަނީ އެކި ގޮތްގޮތުން އިންޑިއާގެ ރައްޔިތުންނަށް އެހޯވަމުންނެވެ. އެގޮތުން ތައުލީމީ ފުރުސަތުތައް ފަހިކޮށް ދިނުމާއި ބޭސް ފަރުވާ އަށް އެހީ ދިނުމާއި ވިޔަފާރި ފަށަން އެހީ ދިނުން ފަދަ އެހީތައް ހިމެނެ އެވެ.