ޓްވިޓާ މޮބައިލް އެޕަށް މިހާރު 4ކޭ ފޮޓޯ ލެވޭނެ

ޓްވިޓާގެ އެންޑްރިޑާއި އައިއޯއެސް ވާޝަންގައި ވެސް 4ކޭ ކޮލިޓީގެ ފޮޓޯ އަޕްލޯޑްކުރެވޭ ގޮތަށް ހަދައިފި އެވެ.

މީގެ ކުރިން އެއީ ޓްވިޓާގެ މޮބައިލް ވާޝަންގައި ކުރެވޭ ކަމެއް ނޫނެވެ. ނަމަވެސް ޓްވިޓާ ބޭނުންކުރާ އެންމެންނަށްބުދަ ދުވަހުން ފެށިގެން 4ކޭ ކޮލިޓީ (ޕިކްސެލް 4،000 އިން މަތި) ގެ ފޮޓޯ އަޕްލޯޑްކުރެވޭނެ އެވެ. އެ ފީޗާ ބޭނުންކުރަން ފޯނުގެ ސެޓިން މެނޫ އިން "ޑޭޓާ ޔޫޒޭޖް" އަށް ގޮސްފައި ޓްވިޓާ އެނޭބަލްކޮށް "ހައި-ކޮލިޓީ އިމޭޖަސް" އަދި "ހައި-ކޮލިޓީ އިމޭޖް އަޕްލޯޑް" އޮންކުރަން ޖެހޭނެ އެވެ.

ޓްވިޓާގެ މޮބައިލް އެޕްގައި 4ކޭ ކޮލިޓީގެ ފޮޓޯ ލެވޭނެ ގޮތުގެ އެ ފީޗާ ޓެސްޓްކުރަމުން އަންނަ ވާހަކަ މިދިޔަ މަހުގެ ކުރީކޮޅު އިއުލާންކޮށްފައިވެ އެވެ.

ޓްވިޓާ އަކީ ސޯޝަލް ޕްލެޓްފޯމްތަކުގެ ތެރެއިން އެންމެ މަގުބޫލު އެކައްޗެވެ. އެ ބޭނުންކުރާ މީހުންގެ އަދަދު 330 މިލިއަނަށް ވުރެ ގިނަ އެވެ.