16 އޯގަސްޓް 2021
ބޮލީވުޑްގެ ބަތަލާ ކަންގަނާ ރަނާވަތާއި ހޮލީވުޑްގެ މަޝްހޫރު ތަރި ރަސަލް ކްރޯ އެކީގައި ފިލްމަކުން ފެންނަން ބޭނުންވާ ކަމަށް ބުނެ ޓްވިޓާގައި އެ ވާހަކައިގެ އަޑު ގަދަކުރަން ފަށައިފި އެވެ.
ބޮލީވުޑްގެ ބަތަލާ ކަންގަނާ ރަނާވަތާއި ހޮލީވުޑްގެ މަޝްހޫރު ތަރި ރަސަލް ކްރޯ އެކީގައި ފިލްމަކުން ފެންނަން ބޭނުންވާ ކަމަށް ބުނެ ޓްވިޓާގައި އެ ވާހަކައިގެ އަޑު ގަދަކުރަން ފަށައިފި އެވެ.
މި ވާހަކަ ހިލުނީ ސޯމިއާ ކިޔާ މީހެއްގެ ޓްވީޓަކާ އެކީގަ އެވެ. އޭނާގެ ޓްވީޓްގައި ވަނީ އޮސްކާ އެވޯޑް ހޯދާފައިވާ އެކްޓަރާއި ހަތަރު ނެޝަނަލް އެވޯޑް ހޯދާފައިވާ ބަތަލާ އެކީގައި ފިލްމަކުން ފެނުމަކީ ކިހާ ވަރުގަދަ ކަމަކަށް ވެދާނެތޯ ސުވާލުކޮށްފަ އެވެ. އަދި ކަންގަނާ އާއި ރަސަލް އަކީ ދެ އިންޑަސްޓްރީގެ ވަރަށް ހުނަރުވެރި ދެ ތަރިންނަށްވާތީ އެ ދެ މީހުން އެކީގައި ފިލްމަކުން ފެނިދާނެތޯ ސުވާލުކޮށްފައިވެ އެވެ.
ސޯމިއާގެ މި ޓްވީޓްގެ ރައްދުގައި ވަރަށް ގިނަ ބަޔަކު ޓްވީޓްކޮށް އެ ދެ ތަރިން އެކީގައި ފިލްމަކުން ފެނުމަކީ ހަމަ ހަގީގަތުގައި ވެސް ވަރަށް ޝައުގުވެރި ކަމަށް ވާނެ ކަމަށް ބުނެފައިވެ އެވެ. މި ވާހަތަކުގެ ތެރެއިން އެންމެ ބޮޑަށް ފާހަގަކުރެވުނު އެއް ކަމަކީ ސޯމިއާގެ ޓްވީޓް ރަސަލް ވެސް ރިޓްވީޓްކުރުމެވެ. އަދި އެކަން ގިނަ ބަޔަކު ސިފަކުރީ ކަންގަނާއާ އެކީގައި ފިލްމެއް ކުޅެން އޭނާ ޝައުގުވެރިކަން އޮތް ކަމެއްގެ ގޮތުގަ އެވެ.
How great it would be if two great actors from two different film industries, Academy award winner @russellcrowe and 4 times National Awards winner #KanganaRanaut make a movie together ? pic.twitter.com/cLFFfcBGpF
— Soumya (@AnshCherr) August 13, 2021
ނިއު ޒީލެންޑަށް އުފަން ރަސަލް، 57، އަކީ 2000 ވަނަ އަހަރުގެ "ގްލޭޑިއޭޓާ" އިން މޮޅު އެކްޓަރުގެ އޮސްކާ ހޯދި ތަރިއެކެވެ. އޭނާގެ ކެރިއަރުގައި މިހާތަނަށް ކާމިޔާބު އެތައް ފިލްމެއް ކުޅެފައިވެ އެވެ. އޭގެ ތެރޭގައި "އަ ބިއުޓިފުލް މައިންޑް" އާއި "އިންސައިޑާ" އާއި "އެލްއޭ ކޮންފިޑެންޝަލް" އަދި "ނޯއާ" ފަދަ ފިލްމުތައް ހިމެނެ އެވެ.
I’d watch.
— Mary Kay? (@MaryKayH188) August 13, 2021
Russell is global.
I mean one of the things I have in common with friends in Turkey, Slovakia, Australia and Europe is a deep admiration for the man and his work.
Retweeting means he’s interested? ??
ރަސަލްގެ ކުރިއަށް އޮތް ފިލްމުތަކުގެ ތެރޭގައި "ދަ ޖޯޖްކްރައުން ޕްރޮޖެކްޓް" އާއި "ތޯ: ލަވް އެންޑް ތަންޑާ" ހިމެނެ އެވެ.
މި ހަފުތާގައި ހަންގޭރީގައި އެކްޝަން ތުރިލާ "ދާކަޅް" ގެ ޝޫޓިން ނިންމައިލި ކަންގަނާ، 34، އަކީ ބޮލީވުޑްގެ އެންމެ ހުނަރުވެރި އެއް ބަތަލާ އެވެ. އޭނާ އަށް ހަތަރު ވަނަ ނެޝަނަލް އެވޯޑް ލިބުނީ މި އަހަރު އެވެ. އެއީ މިދިޔަ އަހަރުގެ ފިލްމު "ޕަންގާ" އާއި 2019 ގެ "މަނިކަރްނިކާ: ދި ކްއީން އޮފް ޖާންސީ" އިންނެވެ.
It's really about the story, if she's as versatile as he is
— Phantomopoulos (@paulalatida) August 13, 2021
and the story's great, oh, what movie magic they would make.
ކާމިޔާބު އެތައް ފިލްމެއް ކުޅެފައިވާ ބަތަލާ އަދި މިހާތަނަށް އިންޓަނޭޝަނަލް ޕްރޮޖެކްޓެއްގައި މަސައްކަތެއް ނުކުރެ އެވެ. ކަންގަނާ އަކީ އަބަދު ވެސް ފިލްމުތަކަށް އެއްބަސްވާ އިރު، އޭނާ އަށް ކުޅެން ލިބޭ ކެރެކްޓާގެ ވަރުގަދަކަމާއި ހާއްސަ ކަމަށް ބަލައިފައި ފިލްމުތަކަށް ސޮއިކުރަން އިސްކަންދޭ ބަތަލާއެކެވެ. އެހެންވެ ފިލްމަކަށް އޭނާ ގެނައުމަކީ ޑައިރެކްޓަރުންނާއި ޕްރޮޑިއުސަރުންނަށް މާ ފަސޭހަކަމެއް ވެސް ނޫނެވެ.
އެހެންވެ އަދި ހުޅަނގުގެ ފިލްމަކުން ފުރުސަތު ލިބުނަސް އޭނާ އާދައިގެ އެއްޗަކަށް އެއްބަހެއް ނުވާނެކަން ޔަގީނެވެ. އެކަމަކު ރަސަލް ކަހަލަ މޮޅު އެކްޓަރަކާ އެކީ ކަންގަނާ ފަދަ އިންޑިއާގެ މޮޅު ބަތަލާ އަކު ފެނުމަކީ ހަމަ ކުރެވިދާނެ އުންމީދެކެވެ.
ކަންގަނާގެ ކުރިއަށް ހުރި ފިލްމުތަކުގެ ތެރޭގައި "ދާކަޅް" ގެ އިތުރުން "ތަލައިވީ" އަދި "ތޭޖާސް" ހިމެނެ އެވެ.
ރޯލެއް ކުޑަވުމަކީ މައްސަލައެއް ނޫން: ޕްރިޔަންކާ
"މެޓްރިކްސް 4" ގައި ޕްރިޔަންކާގެ 10 މިނެޓް
ޑިޝާ އަށް ވެސް ހޮލީވުޑްގެ ޕްރޮޖެކްޓެއް
ސަމަންތާ އަށް އިނގިރޭސި ޑައިރެކްޓަރެއްގެ ފިލްމެއް
ޕްރިޔަންކާ އެމެރިކާގެ ޕްރޮޑިއުސާސް ގިލްޑްގެ މެމްބަރަކަށް
ފިލްމަށް ޖަޔަލަލީތާ ބޭނުންވީ އައިޝްވާރިއާ
ހޮލީވުޑުން ލިބުނު ބޮޑު ފިލްމެއް ދޫކޮށްލިން: ޝިޕްލާ
އިންދިރާގެ ރޯލު ކަންގަނާ ކުޅޭ ފިލްމަކީ "އިމަޖެންސީ"
މާވެލްގެ "މިސް މާވެލް" ގެ ރޯލެއް ފަވާދަށް
ކްރޫޒްގެ "މިޝަން އިމްޕޮސިބަލް 7" ގައި ޕްރަބާސް؟