ރައީސްގެ ދަތުރު މިފަހަރު ށ. އަތޮޅާއި ރ. އަތޮޅުގެ އަށް ރަށަކަށް

ސަރުކާރުން ހިންގާ މަޝްރޫއުތައް ބައްލަވާލައްވައި ރައްޔިތުންގެ ކަންބޮޑުވުން އޮޅުންފިލުއްވުމަށް ރައީސް އިބްރާހިމް މުހައްމަދު ސޯލިހް ކުރައްވާ ސިލްސިލާ ދަތުރުތަކުގައި މާދަމާ ށ. އަތޮޅާއި ރ. އަތޮޅަށް ވަޑައިގަންނަވާ ގޮތަށް ހަމަޖައްސަވައިފި އެވެ.

ރައީސްގެ ތަރުޖަމާން މުހައްމަދު މަބްރޫކް އަޒީޒް ވިދާޅުވީ ށ. އަތޮޅުން ފުނަދު އާއި ޅައިމަގާއި ފޯކައިދު އާއި މާއުނގޫދު އަށް ވަޑައިގަންނަވާނެ ކަމަށެވެ. ރ. އަތޮޅުން ވާދު އާއި އަލިފުއްޓާއި ރަސްގެތީމާއި އަނގޮޅިތީމަށް ވަޑައިގަންނަވާނެ ކަމަށް ރައީސް އޮފީހުން ބުންޏެވެ.

ދެ އަތޮޅުގެ އަށް ރަށުގައި ރައީސް ތިން ދުވަސް ހޭދަކުރައްވާނެ އެވެ.

މި ދަތުރުފުޅުގައި ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކާ ބައްދަލުކުރައްވާނެ އެވެ.

ރައީސް އަތޮޅުތަކަށް ދަތުރުކުރައްވަން މި ފެއްޓެވީ ކޮވިޑާ ހެދި އަހަރެއްހާ ދުވަހުގެ މެދުކެނޑުމަކަށް ފަހު އެވެ. ކުރިއަށް އޮތް ތަނުގައި ވަގުތު އޮތް މިންވަރަކުން އެކި އަތޮޅުތަކަށް ވަޑައިގަންނަވަން ރައީސް ނިންމަވާފައިވާ ކަމަށް ރައީސް އޮފީސް އޮފީހުންނެވެ.