ވަރިވިޔަސް މަަލައިކާ އާއި އަރްބާޒަކީ ބެލެނިވެރިންނަށް ނަމޫނާއެއް

ބޮލީވުޑްގެ ބަތަލާ މަލައިކާ އަރޯރާ އާއި އަރްބާޒް ހާން، އެ މީހުންގެ 19 އަހަރުވީ ކައިވެނި، 2017 ގައި ރޫޅައިލިއިރު ފިރިހެން ކުއްޖަކު ލިބިފައިވެ އެވެ. މިހާރު ދެ މީހުން ވަކިން ދިރިއުޅެމުން އަޔަސް، ދަރިފުޅު ބެލުމުގެ ކަންކަމުގައި އެއީ ނަމޫނާއެއް ކަމަށް ގިނަ ބަޔަކު ދެކެ އެވެ.

ވަރިވިޔަސް މަަލައިކާ އާއި އަރްބާޒަކީ ނަމޫނާއެއް

މި ފަހުން ސޯޝަލް މީޑިއާގައި އާންމުވި ވީޑިއޯއަކުން ފެންނަނީ އިންޑިއާ އިން ބޭރުގެ ޔުނިވާސިޓީއެއްގައި ކިޔަވަން އުޅޭ އެ މީހުންގެ ދަރިފުޅު އަރްހާން ހާން، ފުރުވަން ދެ މީހުން މުމްބާއީގެ އެއާޕޯޓަށް ގޮސް ތިބޭ ތަނެވެ.

އެއާޕޯޓަށް ވަނުމުގެ ކުރިން، މަންމަ އާއި ބައްޕައާ ވާހަކަ ދައްކައިލުމަށް ފަހު، ކައިރީގައި ހުރި އެހެން މީހަކާ އޭނާ ވާހަކަ ދައްކަން ފަށަ އެވެ. އެކަމަކު އޭރު މަލައިކާ އާއި އަރްބާޒު، ދަރިފުޅާ ގުޅޭ ކޮންމެ ވެސް ވާހަކަތަކެއްގެ މަޝްވަރާއެއްގައި ތިބި ތަން ވެސް ފެނެ އެވެ.

Arbaaz Khan & Malaika Arora get captured having some serious conversation as they drop their son Arhaan Khan at the Mumbai airport.

We will always appreciate the gesture of Arbaaz-Malaika towards their son as doting parents even if they have parted ways. @arbaazSkhan pic.twitter.com/gIQXZKgvAC
— BombayTimes (@bombaytimes) February 6, 2022

އެ ވީޑިއޯ ގިނަ ބަޔަކަށް ކަމުދިޔައީ އެ މީހުން ވަރިވި ނަމަވެސް ދެ މީހުން ގުޅިގެން ދަރިފުޅުގެ ކަންކަން ކުރިއަށް ގެންދާ މަންޒަރު ފެނުމުންނެވެ. އެއީ އާންމުކޮށް ވަރިވުމަށް ފަހު، ބެލެނިވެރިން ގުޅިގެން ދަރިންގެ ކަންކަން ބަލާ މަންޒަރު ނުފެންނާތީ ކަމަށް ބުނެފައި ވެ އެވެ.

މަލައިކާ މިހާރު އުޅެނީ އެކްޓަރު އަރްޖުން ކަޕޫރާ ރައްޓެހިވެގެންނެވެ. އަދި އަރްބާޒު ވެސް އެހެން މީހަކާ ރައްޓެހިވެގެން އުޅޭއިރު، ލޯބީގެ ގުޅުން އެއް ފަރާތްކޮށް، ދަރިފުޅުގެ ކަންކަމުގައި އެ ދައްކަނީ ނަމޫނާއެއް ކަމަށް އެތައް ބަޔަކު ގަބޫލުކުރެ އެވެ.

Comments