ސޮނާކްޝީ އަދިވެސް އޮތީ ރާއްޖޭގެ "ކަނޑުއަޑީގައި"

ރާއްޖެ ދެކެވާ ލޯތްބެއްގެ ބޮޑުކަމުން އަބަދުވެސް ރާއްޖެ އަށް އަންނަ ބޮލީވުޑްގެ ތަރި، ސޮނާކްޝީ ސިންހާ ރާއްޖޭގެ ކަނޑުއަޑީގައި އޭނާ ނަގާފައިވާ މަންޒަރުތަކެއް އިންސްޓަގްރާމްގައި ފޭނުންނާ ހިއްސާކޮށްފި އެވެ.

"ދަބަންގް" ގެ ތަރި ސޮނާކްޝީ، ރާއްޖޭގައި ޑައިވްކުރާ ވީޑިއޯއެއް އާންމުކުރީ މީގެ ތިން ދުވަސް ކުރިންނެވެ. އޭގެ ފަހުން ޖެހިޖެހިގެން ތިން ދުވަހު، އޭނާ ވަނީ އެކި ފަރުތައް ކައިރީގައި ޑައިވް ކުރާ ވީޑިއޯތައް އާންމުކޮށްފަ އެވެ.

ކަނޑުއަޑީގައި ނަގާފައިވާ އޭނާގެ ތިން ފޮޓޯއެއް ޝެއާ ކުރީ، "ދަ ނޮޓް ސޯ ލިޓްލް މާމެއިޑް" ޖެހުމަށް ފަހު އެވެ. އަދި ފަހުން ތަފާތު އެކި ކަހަލަ މަސްތަކުގެ ތެރޭގައި ޑަވްކުރާ ވިޑިއޯ އާންމުކުރީ "ސަމްތިން ފިޝީ ގޮއިން އޮން ހިއާ" ޖެހުމަށް ފަހު އެވެ.

އިއްޔެ އެންމެ ފަހު ވީޑިއޯ ކަމަށް ބުނެ އޭނާ ދޫކޮށްލީ ވެލައަކާ އެކު ފީނާ ވީޑިއޯއެކެވެ. އެންމެ ބެސްޓް ވީޑިއޯ އެންމެ ފަހަށް ބޭންދީ ކަމަށް ބުނެ ސޯނާކްޝީ ލިޔުނީ ކަނޑުއަޑިއަށް ދިއުމަށް ވުރެ އޭނާ އެކްސައިޓްވާ އިތުރު ކަމެއް ނޯންނާނެ ކަމަށެވެ.

ސޮނާކްޝީގެ ޕޯސްޓުގައި ޓެގްކޮށްފައި ވަނީ ވައްކަރު މޯލްޑިވްސްގެ ވޯޓާ ސްޕޯޓްސް އިންސްޓަގްރާމްގެ ހޭންޑަލް އެވެ.

މީގެ އަހަރެއްހާ ދުވަސްކުރިން ސޮނާކްޝީ ރާއްޖެ އަށް ކުރި ދަތުރުގައި ވަނީ އޯޕަން ވޯޓާ ޑައިވިން ކޯހެއް ވެސް ހަދައި، އެއިން 100 މާކްސް ވެސް ހޯދައިފަ އެވެ. އޭގެ ފޮޓޯއަކާ އެކު އެ ވާހަކަ ވެސް އިންސްޓަގްރާމްގައި އޭނާ ހިއްސާކުރި އެވެ.

ސޮނާކްޝީ ވަނީ އަނބުރާ ގައުމަށް ގޮސް ވެސް ރާއްޖެ އަށް އޭނާގެ ހިތުގައި އޮންނަ ލޯބި ބަންޑުންކޮށްލައިފަ އެވެ.