ކާޑު ގަންނަން 2.6 ބިލިއަން ރުފިޔާގެ ކްރެޑިޓް ދީފި

ތެލާއި ކާޑު ގަންނަން އެސްޓީއޯ އަށް 2.6 ބިލިއަން ރުފިޔާގެ ކްރެޑިޓް ދީފި

02 ޖޫން 2022

ތެލާއި ކާޑު ގަންނަން އިންޓަނޭޝަނަލް އިސްލާމިކް ޓްރޭޑް ފައިނޭންސިން ކޯޕަރޭޝަން (އައިއައިޓީއެފްސީ) އިން އެސްޓީއޯ އަށް 175 މިލިއަން ޑޮލަރު (2.6 ބިލިއަން ރުފިޔާ)ގެ ކްރެޑިޓް ދޭން އެއްބަސްވެއްޖެ އެވެ.

ފާތިމަތު ޝަނާ މުހައްމަދު

މި އެއްބަސްވުމުގައި އެސްޓީއޯގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު ހުސެއިން އަމްރެވެ. އަދި އައިއައިޓީއެފްސީގެ ފަރާތުން ސޮއިކުރެއްވީ އެ ކުންފުނީގެ ސީއީއޯ ހާނީ ސާލެމް އެވެ.

A US$175 million #Murabaha Trade Financing Facility has been signed between ITFC & @stoplc - Maldives today to facilitate the import of essential commodities including; petroleum products, staple food and medicine and medical equipment.#ITFCImpact #TradeDevelopment pic.twitter.com/gOjvIIrCVr
— ITFC (@ITFCCORP) June 1, 2022

މިދިޔަ އަހަރު ވެސް އައިއައިޓީއެފްސީން ވަނީ ކާޑާއި ތެލާއި ގަތުމަށް 75 މިލިއަން ޑޮލަރު (1.1 މިލިއަން ރުފިޔާ) ގެ ކްރެޑިޓް ފެސިލީޓެއް ދީފަ އެވެ. މި އަހަރުގެ ކްރެޑިޓް ފެސިލިޓީ ބޮޑު ކުރީ އެސްޓީއޯގެ މާލީ ހާލަތު ރަނގަޅުވެ، އެސްޓީއޯ އަށް އޮތް އިތުބާރު ބޮޑުވުމުން ކަމަށް އެ ކުންފުނިން ބުންޏެވެ.

މި ފެސިލިޓީއަކީ އިސްލާމިކް ފައިނޭންސިންގެ މުރާބަހާ ފައިނޭންސިން ފެސިލިޓީއެކެވެ. މި ފެސިލިޓީ ބޭނުންކުރާނީ ތެލާއި ކާޑުގެ ބާވަތްތައް ގަތުމަށް އެކަނި ކަމަށް އެސްޓީއޯއިން ބުންޏެވެ. މި ސްކީމުގައި އެސްޓީއޯ އިން ބޭނުންވާ މުދަލަށް ފައިސާ ދައްކާނީ އައިއައިޓީއެފްސީންނެވެ. އަދި އެ މުދަލަށް ވާ ފައިސާ އައިއައިޓީއެފްސީ އަށް ދައްކާނީ އެސްޓީއޯ އިންނެވެ.

Comments