ރައީސް މ. އަތޮޅުގެ ދަތުރުފުޅު ފައްޓަވައިފި

ރައީސް އިބްރާހިމް މުހައްމަދު ސޯލިހު މ. އަތޮޅުގެ ބައެއް ރަށްތަކަށް ކުރައްވާ ދަތުރުފުޅު މިއަދު ފައްޓަވައިފި އެވެ.

އެ އަތޮޅުގެ ފަސް ރަށަކަށް އަންނަ ހޯމަ ދުވަހުގެ ނިޔަލަށް ކުރައްވާ ދަތުރުފުޅުގައި އެ މަނިކުފާނު ފުރަތަމަ ވަޑައިގަންނަވާނީ ރަތްމަންދު އަށް ކަމަށް ރައީސް އޮފީހުން ބުންޏެވެ. އަށެވެ. ދެން ވަޑައިގަންނަވާނީ މަޑުއްވަރި އާއި ދިއްގަރާއި ވޭވަށް އަދި އެ އަތޮޅުގެ އަތޮޅުވެރިކަން ކުރާ ރަށް، މުއްޔަށް ކަމަށް އެ އޮފީހުން ބުނެ އެވެ.

"މި ދަތުރުފުޅުގައި، ރައީސުލްޖުމްހޫރިއްޔާ، އެ ރަށްރަށުގެ ކައުންސިލްތަކާއި އަންހެނުންގެ ތަރައްގީ އަށް މަސައްކަތް ކުރާ ކޮމިޓީތަކާ ބައްދަލުކުރައްވާނެ އެވެ. އަދި ބައެއް ރަށްރަށުގެ ރައްޔިތުންނާ ވެސް ބައްދަލުކުރައްވާނެ އެވެ،" ރައީސް އޮފީހުގެ ވެބްސައިޓްގައި ވެ އެވެ.

މ. އަތޮޅުގެ ފަސް ރަށުގެ އުމްރާނީ ތަރައްގީއާ ގުޅޭ މަޝްރޫއުތައް ހިނގާ ގޮތް ވެސް ރައީސް އިބްރާހިމް މުހައްމަދު ސޯލިހު ބައްލަވާނެ އެވެ.

ރައީސްގެ ދަތުރުފުޅުގައި ވޭވަށުގެ ބަނދަރާއި އެ ރަށުގައި އަލަށް އިމާރާތްކުރި އިންޖީނުގެ ހުޅުއްވައި ދެއްވާނެ ކަމަށް ރައީސް އޮފީހުން ބުންޏެވެ. އަދި ދިއްގަރުގެ ގޮނޑުދޮށް ހިމާޔަތްކުރުމުގެ މަޝްރޫއު ނިންމުމުގެ ރަސްމިއްޔާތުގައި އެ މަނިކުފާނު ބައިވެރިވެވަޑައިގަންނަވާނެ އެވެ.