26 އޮކްޓޯބަރ 2022
ކުޅުދުއްފުށީގައި ހުންނަ ޖަލާލުއްދީން ސްކޫލުގެ ސްޕެޝަލް އެޑިޔުކޭޝަން (ސެން) ޔުނިޓަށް ދިރާގުން އެހީވެއްޖެ އެވެ.
ކުޅުދުއްފުށީގައި ހުންނަ ޖަލާލުއްދީން ސްކޫލުގެ ސްޕެޝަލް އެޑިޔުކޭޝަން (ސެން) ޔުނިޓަށް ދިރާގުން އެހީވެއްޖެ އެވެ.
ދިރާގުން ބުނީ އެ ކުންފުނީގެ ސީއެސްއާރު ޕްރޮގުރާމުގެ ދަށުން އެ ސްކޫލަށް ހަދިޔާކުރި ވަސީލަތްތަކުގެ ތެރޭގައި ހިމެނެނީ ކޮމްޕިއުޓަރު ސިސްޓަމްތަކާއި ފަރުނީޗަރާއި ޖިމް ބޯޅައިގެ އިތުރުން އެ ޔުނިޓަށް ބޭނުންވާ އެކި ފޮތްތަކާއި ޕަޒްލްތަކެކެވެ.
ދިރާގުން އެ ތަކެތި ހަދިޔާ ކުރުމަށް ބޭއްވި ރަސްމިއްޔާތް ޝަރަފުވެރި ކޮށްދެއްވީ ކުޅުދުއްފުށީ ސިޓީގެ މޭޔަރު މުހައްމަދު އާތިފެވެ. އަދި އެ ރަސްމިއްޔާތުގައި ދިރާގުގެ ޑިރެކްޓަރު، ބްރޭންޑް އެންޑް މާކެޓިން ކޮމިއުނިކޭޝަންސް، މުހައްމަދު މިރްޝާން ހަސަން، ޖަލާލުއްދީން ސްކޫލްގެ ޕްރިންސިޕަލް އައިމިނަތު މުހައްމަދާއި އެ ސްކޫލް މެނޭޖްމަންޓާއި ދަރިވަރުންނާއި ބެލެނިވެރިންގެ އިތުރުން ދިރާގު ކުޅުދުއްފުށީ އޮޕަރޭޝަން ސެންޓަރުގެ މުވައްޒަފުން ވެސް އެ ރަސްމިއްޔާތުގައި ބައިވެރިވި އެވެ.
ތަކެތި ހަވާލުކުރުމަށް ބޭއްވި ރަސްމިއްޔާތުގައި ދިރާގުގެ ޑައިރެކްޓާ ބްރޭންޑް އެންޑް މާކެޓިން ކޮމިއުނިކޭޝަންސް މުހައްމަދު މިރްޝާން ހަސަން ވަނީ ކުޑަކުދިންނަށް ހާއްސަކޮށް ތައުލީމީ ދާއިރާއިން އެހީތެރިކަން ފޯރުކޮށްދިނުމަށް އެ ކުންފުނިން އިސްކަން ދޭ ކަމަށް ވިދާޅުވެފަ އެވެ. އަދި ތައުލީމީ ދާއިރާއަށް އެހީތެރިކަން ފޯރުކޮށްދިނުމަކީ، އެ ކުންފުނިން އަހައްމިޔަތުކަން ދޭ ކަމަށް ވެސް ވިދާޅުވި އެވެ.
އެ ރަސްމިއްޔާތުގައި މޭޔަރު އާތިފް ވިދާޅުވީ، ތައުލީމަށް ކުރާ ކޮންމެ ހޭދައަކީ މުސްތަގުބަލަށް ކުރާ އިންވެސްޓްމެންޓެއް ކަމަށެވެ. އަދި ދިރާގުން ހަދިޔާކުރި ވަސީލަތްތަކުގެ ސަބަބުން ދަރިވަރުންނާއި ޓީޗަރުންނަށް ދެމެހެއްޓެނިވި ފައިދާވާނެ ކަމަށް ވެސް ވިދާޅުވި އެވެ.
އެ ރަސްމިއްޔާތުގައި އެ ސްކޫލްގެ ޕްރިންސިޕަލް އައިމިނަތު މުހައްމަދު ވެސް ވަނީ އެ ވަސީލަތްތަކާއި އެކު އެ ސްކޫލުގެ ސެން ޔުނިޓު އިތުރަށް ތަރައްގީވެގެން ދާނެ ކަމަށް ވިދާޅުވި އެވެ.
ދިރާގުން ދަނީ އެ ކުންފުނީގެ ސީއެސްއާރު ޕްރޮގްރާމުގެ ދަށުން ތަކެތި ހަދިޔާކުރުމާއި މާލީ އެހީތެރިކަން ރާއްޖޭގެ އެކި ސްކޫލުތަކަށް ފޯރުކޮށްދެމުންނެވެ.
ކުޅުދުއްފުށީގައި "ގާލްސް ޓު ކޯޑު" ޕްރޮގްރާމް ފަށައިފި
ކުޅުދުއްފުށި ހޮސްޕިޓަލްގެ ޓެލެފޯން ވިއުގަ ވަރުގަދަކުރަނީ
ދިރާގު ޓީވީ އާއި ފައިބާ ބްރޯޑްބޭންޑް ކުޅުދުއްފުޓަށް
ރީޖަނަލް ޔޫތު ލީޑާޝިޕް ޕްރޮގްރާމް ކުޅުދުއްފުށީގައި
ކުޅުދުއްފުށިން ފެނުނު މީހާގެ ހަށިގަނޑު މިއަދު ވަޅުލަނީ
ކުޅުދުއްފުށީގައި އާއްމުންނަށް ލައިބްރަރީއެއް ހުޅުވައިފި
ދިރާގުން މިފަހަރު ދެނީ ލޯންޗެއް
ރީލޯޑުކޮށްގެން ކޮންމެ ހަފްތާއަކު އައިފޯން 15 ޕްރޯއެއް
މަރުވެފައި އޮއްވައި ފެނުނު މީހާގެ ޕޯސްޓްމޯޓަމް ހަދަނީ
އީއޭއެފްސީ މިނީ ސީރީޒްގެ ޗެމްޕިއަންކަން "ދަ ލޮޖް"އަށް