ކްލީކް ކޮލެޖުން ޕާސަނަލް ބްރޭންޑިން ވޯކްޝޮޕެއް ބާއްވައިފި

މުޖުތަމައަށް ބޭނުންތެރި ދާއިރާތަކުން ޒުވާނުން ތަމްރީނުކޮށް މުޖުތަމައަށް ނެރެދިނުމަށް އެހީތެރިވެދިނުމުގެ ގޮތުން "ޕާސަނަލް ބްރޭންޑިން" ނަމުގައި ކްލީކް ކޮލެޖުން ވޯކްޝޮޕެއް ބާއްވައިފި އެވެ.

ބިލަބޮންގް ސްކޫލުގެ ހޯލުގައި ހުކުރު ދުވަހު ބޭއްވި މި ވޯކްޝޮޕްގައި 100 އަށް ވުރެ ގިނަ މީހުން ބައިވެރިވި ކަމަށް އެ ކޮލެޖުން ބުންޏެވެ.

ހިލޭ ބައިވެރިވެވޭ ގޮތަށް، އާއްމުންނަށް ހުޅުވާލައިގެން ބޭއްވި މި ވޯކުޝޮޕުގައި ވަނީ އަމިއްލަ ޝަހުސިއްޔަތެއް ބިނާކުރުުމުގެ މުހިއްމުކަމާއި އެކި ސިނާއަތްތަކުގައި ޕާސަނަލް ބްރޭންޑިންގެ ބޭނުން ހިފާނެ ގޮތްތަކުގެ މައުލޫމާތު ވެސް ދީފަ އެވެ. މީގެ އިތުރުން ޕާސަނަލް ބްރޭންޑިންގެ އެހީގައި ވަޒީފާގެ ބާޒާރުގައި މީހާގެ އަގު އުފުލާނެ ގޮތާ ގުޅޭގޮތުން މައުލޫމާތު ދިން ކަމަށް ކްލީކް ކޮލެޖުން ބުންޏެވެ.

ނޭޝަނަލް ކެރިއަ ގައިޑެންސްގެ އޮފިޝަލުން ވެސް މައުލޫމާތު ދިން މި ވޯކްޝޮޕްގައި ބައިވެރިވި މީހުން އެކި ގްރޫޕުތަކަށް ބަހާލައި އެކި ތަމްރީނުތައް ދީފައިވެ އެވެ.

މި ވޯކްޝޮޕްގައި ޓްރެއިނިންތައް ދީފައިވަނީ ސްރީ ލަންކާގެ މުއާސަލަތީ މައި ކުންފުނި "ޑަައިލޮގް"ގެ އިސް ޓްރެއިނަރެއް ކަމުގައިވާ ރެކްސް ޕިޓިޔާގޭ އެވެ.

ކްލީކް ކޮލެޖަކީ 2000 ވަނަ އަހަރު ""ކްލީކް ޓްރެއިނިން ސެންޓަރު"ގެ ނަމުގައި ވުޖޫދުވި ސެންޓަރެކެވެ. ކޮލެޖަކަށް އެ ތަން ބަދަލުކުރީ 2009 ވަނަ އަހަރެވެ. އެ ކޮލެޖުން އަންނަނީ އިނގިރޭސިވިލާތުގެ މަތީ ތައުލީމުގެ އެކި ޕްރޮގްރާމްތައް ހިންގަމުންނެވެ.