އެންސިސް އަށް އެއް ދޯނިން ކިރުވި ކަންނެލީގެ ރެކޯޑު މުގުރާލައިފި

އެންސިސް އަށް، އެއް ދޯންޏަކުން އެއް ދުވަހު އެންމެ ގިނައިން ކަންނެލި ކިރުވުމުގެ ރެކޯޑް، ފ. ފިއަލީ "ބަންދަރީ" ދޯނިން މުގުރާލައިފި އެވެ.

މިދިޔަ ހޯމަ ދުވަހު އެ ދޯނިން ވަނީ 14 ޓަނަށް ވުރެ ގިނައިން ބޮޑު ކަންނެލި އެންސިސް ގުރޫޕަށް ކިރުވައިފަ އެވެ. އެއީ ގާތްގަނޑަކަށް 800،000 ރުފިޔާގެ ކަންނެއްޔެވެ. ފިއަލީ ދޯނިން މި ކިރުވީ ކުރިން އެ ރެކޯޑް އޮތް ހއ. އިހަވަންދޫ މާހޯރަ-3 ދޯންޏަށް ވުރެ އިތުރަށް ތިން ޓަނު ބަރުކޮށެވެ.

މިދިޔަ އަހަރުގެ ފަހުކޮޅު މާހޯރަ-3 އިން ވަނީ އެންސިސް އަށް 11.8 ޓަނުގެ ބޮޑު ކަންނެލި ކިރުވައިފަ އެވެ.

އޭގެ ކުރިން އއ. ރަސްދޫ "ޒޫމް ފިޝާ" ދޯނިން ވަނީ އެއް ދަތުރުން 11 ޓަނު 501 ކިލޯ ކަންނެލި އެންސިސް އަށް ކިރުވައިފަ އެވެ.

ފ. ފީއައްޔަކީ، މަސްވެރިކަމުގައި މިހާރު ވަރަަށް ގިނައިން ޒުވާނުން ވެސް ހަރަކާތެރިވަމުން އަންނަ ރަށެކެވެ.