07 ސެޕްޓެމްބަރ 2023
އިންޑިއާ އިން ނަގާފައިވާ ދަރަނިތަކަށް ލުއި ލިބޭ ގޮތަށް ހދ. ހަނިމާދު އާއި ލ. ގަމުން ބިންތަކެއް ދޭން ދިވެހި ސަރުކާރުން އެއްބަސްވެފައިވާ ކަމަށް ބުނެ ދައުރު ކުރަމުން ދަނީ ފޭކު ސިޓީއެއް ކަމަށް ފޮރިން މިނިސްޓްރީން މިއަދު ބުނެފި އެވެ.
އިންޑިއާ އިން ނަގާފައިވާ ދަރަނިތަކަށް ލުއި ލިބޭ ގޮތަށް ހދ. ހަނިމާދު އާއި ލ. ގަމުން ބިންތަކެއް ދޭން ދިވެހި ސަރުކާރުން އެއްބަސްވެފައިވާ ކަމަށް ބުނެ ދައުރު ކުރަމުން ދަނީ ފޭކު ސިޓީއެއް ކަމަށް ފޮރިން މިނިސްޓްރީން މިއަދު ބުނެފި އެވެ.
އެމްއެންޑީއެފްގެ ވަސީލަތްތައް އުތުރާއި ދެކުނުގައި ވަރުގަދަ ކުރުމަށް ދެ ގައުމުގެ މެދުގައި ކުރި މަޝްވަރާތަކަކާ ހަވާލާދީ، އިންޑިއާގެ ފޮރިން މިނިސްޓަރު ޑރ. އެސް. ޖައިޝަންކަރު، ފޮރިން މިނިސްޓަރު އަބްދުﷲ ޝާހިދަށް ފޮނުއްވި ކަމަށް ބުނާ އެ ސިޓީގައި ވަނީ ކުރިން އެއްބަސްވެފައިވާ "އަންމޭންޑް އޭރިއަލް ވެހިކަލް" (ޔޫއޭވީ)ގެ އިތުރުން ޖުމްލަ 11 ޔޫއޭވީ 550 މިލިއަން ޑޮލަރުގެ އިތުރު ލައިން އޮފް ކްރެޑިޓެއްގެ ދަށުން ފޯރުކޮށްދޭނެ ކަމަށެވެ. މިހާރު ވެސް އަމަލުކުރަމުންދާ ގޮތަށް، އެ އުޅަނދުތައް ވެސް އޮޕަރޭޓުކުރާނީ ގާބިލުކަން ހުރި މިންވަރުން އެމްއެންޑީއެފުން ކަމަށް ސިޓީގައި ބުންޏެވެ.
އެމްއެންޑީއެފްގެ ގާބިލުކަން އިތުރުކުރަން އިންޑިއާ އިން ވަމުންދާ އެހިތެރީކަން ފުޅާކުރުމަށްޓަކައި، ހަނިމާދު އާއި ލ. ގަމުން މަދުވެގެން 15 ހެކްޓަރުގެ ބިން 99 އަހަރަށް އިންޑިއާ ސަރުކާރަށް ދޭން އެއްބަސްވެފައިވާ ކަމަށް ސިޓީއާ ހަވާލާދީފައި ވެ އެވެ. އޭގެ ބަދަލެއްގެ ގޮތުގައި މިހާރު އިންޑިއާ އިން ދޫކޮށްފައިވާ ލައިން އޮފް ކްރެޑިޓްތައް 1.94 ބިލިއަން ޑޮލަރާ ހަމައަށް އިތުރުކޮށްދޭން އިންޑިއާ ސަރުކާރުން އެއްބަސްވާ ކަމަށް ބުނެފައި ވެ އެވެ.
އަލަށް ވާ އެއްބަސްވުމުގެ ދަށުން، އެ ސިޓީގައި ބުނެފައިވާ ގޮތުން ނަމަ ދިވެހި ސަރުކާރުގެ ސަވަރިން ޑެޓް މާފުކޮށްދޭނެ އެވެ. އޭގެ ސަބަބުން ދިވެހި ދައުލަތުގެ ދަރަނީގެ ހާލަތަށް ވަރަށް ބޮޑަށް ލުޔެއް ލިބޭނެ ކަމަށް ސިޓީގައި ބުންޏެވެ.
އެކަމާ ގުޅިގެން ފޮރިން މިނިސްޓްރީން ކުރި ޓްވީޓެއްގައި ބުނީ، ބޭރު ގައުމެއްގެ ލިޑަރެއްގެ ނަމުގައި ސައްހަ ފޯޖު ކޮށްފައިވާ ސިޓީއެއް ސޯޝަލް މީޑިއާގައި ދައުރުވަމުންދާ ކަން ސަމާލުކަމަށް އައިސްފައިވާ ކަމަށެވެ.
It has come to the Ministry’s attention that a fabricated letter in the name of a foreign government’s leader is circulating on social media and published on a newspaper.
— Ministry of Foreign Affairs ?? (@MoFAmv) September 7, 2023
This letter is a forged letter. And its contents are fabricated.
"މިއީ ފޯޖުކޮށްފައެއް އޮތް ސިޓީއެއް. އަދި އޭގައި ލިޔެފައިވާ އޮތް އިބާރާތްތަކަކީ ވެސް ސައްހަ އެއްޗެއް ނޫން،" އެ ޓްވީޓުގައި ބުންޏެވެ.
ހޮނިހިރު ދުވަހު ބާއްވާ ރިޔާސީ އިންތިހާބާ ދިމާކޮށް އިންޑިޔާ ސަރުކާރާ "ނުރައްކާތެރި" އެއްބަސްވުމެއް ވާން އުޅޭ ކަމަށް ބުނެ، އެ ސިޓީ އާ ހަވާލާދީ އިދިކޮޅު ޕީޕީއެމް/ޕީއެންސީން މިއަދު ބޭއްވި ނޫސްވެރިންގެ ބައްދަލުވުމެއްގައި ވަނީ ވަރަށް ބޮޑަށް ކަންބޮޑުވުން ފާޅުކޮށްފަ އެވެ.
We have seen images of a fake letter being circulated on social media attributing them to EAM @DrSJaishankar and the Government of India.
— India in Maldives (@HCIMaldives) September 7, 2023
We unequivocally reject and condemn this malicious attempt to malign and disturb the India-Maldives relations. pic.twitter.com/E3ZL9IjneM
އެ ބައްދަލުވުމުގައި ޕީއެންސީގެ ނައިބު ރައީސް އަދި ރައްޔިތުންގެ މަޖިލީހުގެ މާވަށު ދާއިރާގެ މެމްބަރު މުހައްމަދު ސައީދު ވިދާޅުވީ ހޮނިހިރު ދުވަހު ރައްޔިތުން ވޯޓު ލާން ނުކުންނަ އިރު، އެ ސިޓީއަށް ފޮރިން މިނިސްޓަރު ޝާހިދު ސާފުކޮށް ޖަވާބު ދެއްވަންޖެހޭ ކަމަށެވެ.
އެއީ ފޭކު އެއްޗެއް ކަމަށް ސަރުކާރުން ބުންޏަސް، އެ ސިޓީގެ ސައްހަކަން އިދިކޮޅަށް ކަށަވަރު ވެފައިވާ ކަމަށް އޭނާ ވިދާޅުވި އެވެ.
"އުތުރުތިލަފަޅުގައި އޮންނާނީ އެމްއެންޑީއެފް ކޮންޓްރޯލް"
އުތުރުތިލަފަޅުގައި ބޭރުގެ ސިފައިންނެއް ނުތިބޭނެ:ޑިފެންސް
ޔޫޓީއެފް މައްސަލާގައި ޑިފެންސުން ޔާމީނަށް ރައްދު ދީފި
އިންޑިއާގެ އެއްބަސްވުންތައް ނުދައްކާ ކަމުގެ ޝަކުވާ
ކުރިއަށްދަނީ ކުރީ ސަރުކާރުގެ އެއްބަސްވުމަށް: އިންޑިއާ
ޔޫޓީއެފް މައްސަލައިގައި ހުށަހެޅި ތުހުމަތު ނުބަލަން ނިންމައިފި
ހާލަތަށް ބަލައި ސިފައިން ނިންމާނީ ރަނގަޅަށް: އާދަމް
އެއްބަސްވުން 241 ކޮމިޓީއާ ހިއްސާކުރަން އެދިއްޖެ
ބޭނުންވި ނަމަ އިންޑިއާ ސިފައިން ފޮނުވާލެވުނީސް: ޝަމާލް
އުތުރު ތިލަފަޅުގެ މައްސަލަ:ރައީސް ވަކިކުރަން ގަރާރެއް
