02 އެޕްރީލް 2024
މާލޭގެ މިސްކިތެއްގައި ރޭ ދަމުނަމާދަށް ހުރި އަންހެނެއްގެ ފޯނާއި ދަބަސް ވަގަށް ނެގި ދެ މީހަކު މިއަދު ހައްޔަރުކުރި އެވެ.
މާލޭގެ މިސްކިތެއްގައި ރޭ ދަމުނަމާދަށް ހުރި އަންހެނެއްގެ ފޯނާއި ދަބަސް ވަގަށް ނެގި ދެ މީހަކު މިއަދު ހައްޔަރުކުރި އެވެ.
ފުލުހުންގެ ތަރުޖަމާން އަހުމަދު ޝިފާން މިއަދު ވިދާޅުވީ، އަލިކިލެގެފާނު މަގު ނުވަތަ ކުރީގެ ބާ އިންޖީނުގޭގެ މަގުގައި ހުންނަ ސަލާހުއްދީން މިސްކިތުގައި ދަމުނަމާދަށް ހުރި އަންހެނެއްގެ ފޯނާއި ވޮލެޓުގައި އޮތް 700ރ. ވަގަށް ނެގި މައްސަލައެއްގެ ރިޕޯޓު ލިބުނީ ރޭ މެންދަމު ތިނެއް ޖަހާކަންހާއިރު ކަމަށެވެ.
އެ މައްސަލައާ ގުޅިގެން މިއަދު ހެނދުނު ހަތެއް ޖަހާކަންހާއިރު، ދެ މީހަކު ހައްޔަރު ކޮށްފައިވާ ކަމަށް ވެސް ޝިފާން ވިދާޅުވި އެވެ. އެއީ އުމުރުން 36 އަހަރުގެ ދެ ފިރިހެނުންނެވެ.
އާންމުކޮށް ކޮންމެ ރޯދަމަހަކު ވެސް ވައްކަމުގެ މައްސަލަ ގިނަވާއިރު، މި ރޯދަމަހު މިސްކިތަކުން ވައްކަން ކުރުމުގެ މައްސަލަތައް ވަނީ ވަރަށް ބޮޑަށް އިތުރުވެފަ އެވެ.
އަމީނީ މަގުގައި ހުންނަ ވިޔަފާރިވެރިންގެ މިސްކިތުން މިއަދު ފަންކާއެއް ވަގަށް ނަގާފައި ވާއިރު، އިއްޔެ ވަނީ ތަގުވާ މިސްކިތުން ތިން ރޭ މަތިން ހަތް ފަންކާ ވަނީ ވަގަށް ގެންގޮސްފަ އެވެ. އެ މައްސަލާގައި ވެސް މީހަކު ވަނީ ހައްޔަރުކޮށްފަ އެވެ.
ދަރުމަވަންތަ މިސްކިތުގެ ފާރުގައި ހަރުކޮށްފައި ހުރި ދެ ފަންކާ ވެސް މިދިޔަ ހަފުތާގައި ވަނީ ވަގަށް ގެންގޮސްފަ އެވެ.
ފުލުހުންގެ ތަފާސްހިސާބުތައް ދައްކާ ގޮތުން މި ރޯދަމަހުގެ 15 އާ ހިސާބަށް މާލެ ސަރަހައްދުން އެކަނި ވެސް ވަނީ 110 ވައްކަމުގެ މައްސަލަ ހުށަހަޅައިފަ އެވެ.
ވަގަށް ނެގި އަގުބޮޑު ގަޑިއެއް ވިއްކި މީހަކު ޖަލަށް
"ސޮރީ ބޯއީސް" ފަޅާލައިފި، ވަގަށްނެގި ތަކެތި ފެނިއްޖެ
މިލިއަނަކަށް ވުރެ ގިނަ ރުފިޔާ ފޭރުނު މީހަކު ޖަލަށް
ކުށްކުރާ ވަރު މި އަހަރު ދަށް: ފުލުހުން
ރަހީނުކޮށް، ފޭރުނު މައްސަލައެއްގައި ދެ މީހަކު ހައްޔަރު
މީހުން ހައްލާލައިގެން ހިޔާ ފްލެޓަށް ގެންގޮސް ފޭރެނީ!
ޓޫރިސްޓުގެ އަތުން ފޭރުނު މައްސަލާގައި ދެމީހަކު ހައްޔަރު
މިސްކިތުން ފަންކާ ވަގަށް ގެންދިޔަ މީހާ ހައްޔަރުކޮށްފި
ރޯދަ މަސް ދެބައިވި އިރު ވައްކަންތައް ގިނަ
ޖާބިރުގެ ގެއިން ވައްކަން ކުރި ދެ މީހަކު ހައްޔަރުކޮށްފި