ނިދުމަށް ހާއްސަ ރޫޓިންއެއް މުހިންމު

ރަނގަޅަށް ނިދުމަށްޓަކައި ނިދުމުގެ ދުޅަހެޔޮ އާދަތަކެއް ހިފަހައްޓަން ޖެހެ އެވެ. ދުޅަހެޔޮ ސިއްހަތެއްގައި ހުރުމަށް ނިދި ވަރަށް މުހިންމެވެ. ނިންޖަކީ މީހާގެ ނަފުސާނީ އަދި ޖިސްމާނީ ބާރު ވަރުގަކޮށްދިނުމުގައި ވެސް މުހިންމު ދައުރެއް އަދާކުރާ ކަމެކެވެ.

އާންމު ދިރިއުޅުމުގައި ގެންގުޅޭ ބައެއް ނޭދެވޭ އާދަތަކުގެ ސަބަބުން ނިންޖަށް ވަރަށް ބޮޑަށް އަސަރު ކުރެ އެވެ. އޭގެ ތެރޭގައި؛

- ކެއިންބުއިމަށް ހިޔާރުކުރާ ތަކެތި.

- ދުވަހުގެ ޝެޑިއުލް.

- ރޭގަނޑުގެ ރޫޓިން.

ނިދުމަށް ހާއްސަ ތާވަލެއް ހެދުން

ކޮންމެ ދުވަހަކު ވެސް ނިދުމަށާއި ހޭލުމަށް ހާއްސަ ގަޑިއެއް ކަނޑައެޅުން މުހިންމެވެ. ހަފުތާ ބަންދު ދުވަސްތައް ވެސް ހިމަނައިގެންނެވެ. މި ތާވަލާ އެއްގޮތަށް ނިދާ ނަމަ، ދުވާލު ގަޑީގައި ނިދި އަންނަ މިންވަރު މަދުކޮށްދޭނެ އެވެ. މީހާ އަބަދުވެސް ތާޒާކޮށް ބަހައްޓައިދޭނެ އެވެ. ނިދާ ގަޑި ކަނޑައަޅާއިރު، ހަތް ގަޑިއިރު ނުވަތަ އަށް ގަޑިއިރުގެ ނިދި ހަމަވޭތޯ ބަލަން ވާނެ އެވެ.

ރިލްކްސިން ބެޑް ޓައިމް ރޫޓިން

ބޭދް ޓައިމް ރޫޓިން އަކުން ނިދުމަށް އިތުރު ފަސޭހަ އަކަށް ވާނެ އެވެ. ނިދަން އޮށޯތުމުގެ 30-60 މިނެޓް ކުރިން ނިދުމަށް ތައްޔާރު ވާން ވާނެ އެވެ. ރިލެކްސް ކުރުމަށް ހޫނު ފެނުން ފެންވަރާލެވި ދާނެ އެވެ. އަދި ޔޯގާ ފަދަ ކަސްރަތެއް ކޮށްލުން ވެސް ރަނގަޅެވެ. ނުވަތަ މެޑިޓޭޓް ކޮށްލުމަށް ވަގުތު ކޮޅެއް ހުސްކޮށްލުން ވެސް ގޯހެއް ނުވާނެ އެވެ. މަޑުމައިރި ރާގެއް ޖަހާލައިގެންނެވެ. މީގެ އިތުރުން ފޮތެއް ކިޔާލުން ވެސް ރަނގަޅު ވާނެ އެވެ. ނަމަވެސް އިލެކްޓްރޯނިކް އެއްވެސް ޑިވައިސް އެއް ބޭނުން ނުކޮށެވެ.

އިލެކްޓޯރިނިކް ޑިވައިސްތަކާ ދުރުވޭ

ބައެއް ފަހަރު ފޯނު ކަހަލަ އިލެކްޓޯރިނިކް ޑިވައިސްތަކުގައި ހުންނަ އަލީގެ ސަބަބުން މީހާގެ ނިދި ފިލުވައިދެ އެވެ. ފޯނުގެ ބްލޫ ލައިޓުން ހަށިގަނޑުގައި ހުންނަ މެލަޓޮނިން މަދުކޮށްދެ އެވެ. މެލަޓޮނިން އަކީ ނިދުމާއި ނިދިން ހޭލުން ކޮންޓްރޯލް ކޮށްދޭ، ހަށިގަނޑުގައި ހުންނަ މާއްދާއެކެވެ.

ގަވާއިދުން ކަސްރަތުކުރުން

ދުޅަހެޔޮ ސިއްހަތެއްގައި ހުރުމަށް ކަސްރަތު ބޭނުންވާ ފަދައިން ދުޅަހެޔޮ ނިިންޖަކަށް ވެސް މަދުވެގެން 30 މިނެޓްގެ އެއިރޮބިކް ކަސްރަތެއް ބޭނުން ވެ އެވެ. ރަނގަޅީ ގުދުރަތީ އަލި ލިބޭ ހިސާބެއްގައި ހުރެގެން ކަސްރަތު ކުރުމެވެ. ބޭރަށް ނުނިކުމެވޭ ނަމަ، ގޭތެރޭގައި ވިޔަސް ކޮންމެ ދުވަހަކު ވެސް ކަސްރަތުކުރުން މުހިންމެވެ.