ފުވައްމުލަކުގައި ދެ އެކްސިޑެންޓެއް، އެކަކުގެ ހާލު ސީރިއަސް

ފުވައްމުލަކުގައި ދެ އެކްސިޑެންޓެއް ހިނގައި، އެ ތަނުން އެކަކަށް ސީރިއަސް އަނިޔާތަކެއް ރޭ ވެއްޖެ އެވެ.

ފުލުހުންގެ މީޑިއާ އޮފިޝަލަކު ވިދާޅުވީ ދެ ސައިކަލެއް ޖެހިގެން ހިނގި އެކްސިޑެންޓެއްގައި ތިން މީހަކަށް އެކި ވަރުގެ އަނިޔާވި ކަމަށެވެ. އެ ތަނުން އެކެއްގެ ހާލު ސީރިއަސް ވުމުން އައިސީޔޫގައި ފަރުވާ ދެމުން އަންނަ ކަމަށް އޭނާ ވިދާޅުވި އެވެ.

"ދެން ތިބި ދެ މީހުންނަށް ވެސް އެކި ވަރުގެ އަނިޔާ ލިބުނު،" އޮފިޝަލް ވިދާޅުވި އެވެ.

ފުލުހުން ބުނީ އަނެއް އެކްސިޑެންޓު ހިނގީ ފުވައްމުލަކުގެ އެއާޕޯޓު ސަރަހައްދުގައި ކަނޑައިގެން ގޮސްފައި ހުރި ގިޑިގެއަކުން ނެއްޓިގެން ދާން އުޅުމުގެ ތެރޭގައި ސައިކަލް ކައްސާލައިގެން ކަމަށެވެ.

އޭނާގެ ބޮލަށް ވެސް އެކި އަނިޔާތައް ވަނީ ވެފަ އެވެ.

އޮފިޝަލް ވިދާޅުވީ އެ އެކްސިޑެންޓު ހިނގި އިރު މަގުތައް ވަރަށް އަނދިރި ކަމަށެވެ. އެހެންވެ، ދުއްވާ އެއްޗިއްސަށް ވެސް ދަތިތައް ކުރިމަތިވި ކަމަށް އޭނާ ވިދާޅުވި އެވެ.