04 އޯގަސްޓް 2024
ރާއްޖެ ތަރައްގީވަމުން އަންނަ ސްޕީޑުން، ގައުމުގެ ކުރިއެރުމާއި ތަރައްގީއަށް އިލްމީ ދިރާސާތަކުން ހައްލުތައް ހޯދުން މުހިއްމު ކަމަށް ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ މިއަދު ވިދާޅުވެއްޖެ އެވެ.
ރާއްޖެ ތަރައްގީވަމުން އަންނަ ސްޕީޑުން، ގައުމުގެ ކުރިއެރުމާއި ތަރައްގީއަށް އިލްމީ ދިރާސާތަކުން ހައްލުތައް ހޯދުން މުހިއްމު ކަމަށް ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ މިއަދު ވިދާޅުވެއްޖެ އެވެ.
ވިލާ ކޮލެޖެން މިއަދު ވަނީ އާ ދެ ކޯހެއް ތައާރަފްކޮށްފަ އެވެ. އެއީ، ބެޗެލާ އޮފް ކުއަންޓިޓީ ސާވޭ އިން އާއި ބެޗެލާ އޮފް ޕޮލިޓިކަލް ސައިންސް އެންޑް އިންޓަނޭޝަނަލް ރިލޭޝަންސް ޕްރޮގުރާމެވެ.
މި ރަސްމިއްޔާތު ޝަރަފްވެރިކޮށްދެއްވައި މަޖިލިސް ރައީސް އަބްދުއްރަހީމް ވިދާޅުވީ ގައުމުގެ އެކި ކަންކަން ހަމައަކަށް އެޅުއްވުގެ މަސައްކަތްޕުޅު ކުރައްވަމުން ގެންދަވާ ރައީސް ޑރ. މުހައްމަދު މުއިއްޒަކީ އިލްމީ ދިރާސާތަކުގެ މައްޗަށް ކަންކަމުގައި ގޮތް ނިންމަވާ ބޭފުޅެއް ކަމަށެވެ. އެމަނިކުފާނު އަމަލުކުރައްވާ އުސޫލުން، ގައުމުގެ ތަރައްގީ އާއި ކުރިއެރުމުގައި އިލްމީ ދިރާސާތައް މުހިއްމު ކަމަށް އަބްދުއްރަހީމް ވިދާޅުވި އެވެ.
އެމަނިކުފާނު ވިދާޅުވި ގޮތުގައި ކުރިއަށް އޮތް ތަނުގައި އެކި ކަންކަމުގެ ހައްލު ހޯދާއިރު، އިލްމީ ދިރާސާތައް ކުރުމުގެ މަގު ރައީސް ފަހިކޮށްދެއްވާނެ އެވެ. މި ގޮތަށް ގައުމުގެ ކަންކަމުގައި ހައްލު ހޯދާނެ މީހުން ބޭނުންވާ ކަމަށް އަބްދުއްރަހީމް ވިދާޅުވި އެވެ.
ކަށިމާ ޝާކިރު ލިއުއްވާފައިވާ ފޮތެއް، ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ މިއަދު ނެރެދެއްވަނީ. -- ފޮޓޯ: ފަޔާޒް މޫސާ | މިހާރު
އަބްދުއްރަހީމް ވިދާޅުވި ގޮތުގައި ވިލާ ކޮލެޖުން ތައާރަފްކުރި ޕޮލިޓިކަލް ސައިންސް ޕްރޮގްރާމް، ރާއްޖެއަށް ވަރަށް ބޭނުންތެރި އެވެ. ސިޔާސީ ދާއިރާއަށް އޭގެ ރަނގަޅު އަސަރުތަކެއް ކުރާނެ ކަން ޔަގީންކުރައްވާ ކަމަށް ވެސް ވިދާޅުވި އެވެ.
"މިއީ ވެރިކަމުގެ ނިޒާމް އެކުލެވިގެންވާ ގޮތާއި ސަރުކާރުގެ އޮނިގަނޑުތައް ބެހިގެންވާ ގޮތާއި ބާރުތައް ބެހިގެންވާ ގޮތާއި ރައްޔިތުންނާއި ގުޅުން ހުރި ސިޔާސަތުތައް އެކުލަވާލުމާއި އިންސާނީ ހައްގުތަކާ ބެހޭ ކަންކަން ދެނެގަތުމާއި ހާރިޖީ ގުޅުން ބަދަހިވާނެ ގޮތްތައް ދަސްކުރުން. މިއީ، އެ އިލްމަކާ ނުލާ ގައުމެއް ތަރައްގީކުރަން އުނދަގޫވާނެ ދާއިރާއެއް. މިއީ ސިޔާސީ މުސްތަގުބަލަށް ރަނގަޅު އަސަރެއް ކުރާނެ ކަމެއް،" އޭނާ ވިދާޅުވި އެވެ.
ވިލާ ކޮލެޖުގެ ހާއްސަ މޮނިއުމަންޓެއް ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުއްﷲއަށް އަރުވަނީ. -- ފޮޓޯ: ފަޔާޒް މޫސާ | މިހާރު
އެމަނިކުފާނު ވިދާޅުވި ގޮތުގައި ވެރިކަން ކުރަމުން މި އަންނަ ނިޒާމަކީ ރާއްޖެއަށް އެންމެ ރަނގަޅު ނިޒާމުތޯ ވެސް ޔުނިވާސިޓީން އިލްމު އުނގެނިގެން ނުކުންނަ ދަރިވަރުން ދިރާސާކޮށް ބަލަން ޖެހެ އެވެ.
"ސިޔާސީ އިލްމު އުގެނިގެން ނުކުންނަ ދަރިވަރުން މިހާރު އޮތް ވެރިކަމުގެ ނިޒާމަކީ އެންމެ ރަނގަޅު ނިޒާމުތޯ, މި ނިޒާމު ބަދަލު ކުރަން ޖެހޭތޯ, ބަދަލުކުރަން ޖެހޭނަމަ ގެންނަން ޖެހޭ ބަދަލު އިލްމީ ދިރާސާގެ އަލީގައި ހޯދަން ޖެހޭ،" އަބްދުއްރަހީމް ވިދާޅުވި އެވެ.
ރައްޔިތުން މަޖިލީހުގެ ރައީސް އަބްދުއްރަހީމް އަބްދުﷲ، ވިލާކޮލެޖުގެ އާ ދެ ޕްރޮގުރާމް ލޯންޗްކޮށްދެެއްވަނީ. -- ފޮޓޯ: ފަޔާޒް މޫސާ | މިހާރު
ތައުލީމީ ރަނގަޅު ޖީލެއް ބިނާކުރަން ވިލާ ކޮލެޖުން ކުރަމުން އަންނަ މަސައްކަތްތައް ވެސް މަޖިލިސް ރައީސް ފާހަގަކުރެއްވި އެވެ.
އެމަނިކުފާނު ވިދާޅުވީ ކިޔަވައިގެން ތިބި ހުނަރުވެރި ކުދިން އެކި ދާއިރާތަކުން ނެރުމުގައި ވިލާ ކޮލެޖުން މިސާލު ދައްކަމުން އަންނަ ކަމަށެވެ. އެ ކޮލެޖަކީ ބައިނަލްއަގުވާމީ ދުނިޔެއާ ފައި ހަމަކުރަމުން އަންނަ ކޮލެޖެއްގެ ގޮތުގައި ފާހަގަކުރައްވައި ކޮލެޖުގެ ޗެއާމަން، މާމިގިލީ ދާއިރާގެ މެމްބަރު ގާސިމް އިބްރާހީމަށް ތައުރީފް ކުރެއްވި އެވެ.
"ދިވެއްސަކު ދިވެހިރާއްޖޭގެ ތައުލީމަށް އެންމެ ބޮޑު ހޭދައެއް ކުރައްވާ އެންމެ ބޮޑު ގުރުބާނީއެއް ވެވަޑައިގަންނަވާ ބޭފުޅަކީ ގާސިމް އިބްރާހިމް،" އަބްދުއްރަހީމް ވިދާޅުވި އެވެ.
ވިލާ ކޮލެޖުގައި މިއަދު އޮތް ރަސްމިއްޔާތުގައި، އަލަށް ދެ ޑިގްރީ ޕްރޮގުރާމް ތައާރަފްކުރުމުގެ އިތުރުން ރާއްޖޭގެ ތާރީހީ ކަންކަމުގައި ފާހަގަކޮށްލެވޭ ހިދުމަތްތެރިންނާ ގުޅޭ ދެ ފޮތެއް ވަނީ ނެރެފަ އެވެ.
ވިލާ ކޮލެޖުގެ ދަރިވަރުންނަށް އުރީދޫން ތަމްރީނު ދެނީ
މަޖިލިހުގެ ތިންވަނަ ދައުރު ފަށާނީ އަންނަ މަހު 7 ގައި
ވިލާ ކޮލެޖުގެ ބިޒްނަސް ފެކަލްޓީ ރީބްރޭންޑް ކޮށްފި
މުރައިދޫގޭގެ މުވައްޒަފުންގެ އަދަދު ހާމަކުރެވޭތޯ ބަލަނީ
ދަގަނޑޭ އަށް މަޖިލިސް ރައީސްގެ ގެކޮޅުގެ އިސް މަގާމެއް
އިންޓީރިއާ އާކިޓެކްޗާ އެގްޒިބިޝަން ބާއްވައިފި
"ޕީޖީގެ މަގާމަށް ގާތް މީހަކު ގެންނާކަށް ނޫޅެން"
ޔާމީނަކީ ވަރަށް ކަންނެތް މީހެއް: އަބްދުއްރަހީމް
ފާމަސީ ޑިގްރީގެ ދެ ވަނަ ބެޗުގެ ދަރިވަރުން ހުވާކޮށްފި
އިންޖިނިއަރިން އެގްޒިބިޝަނެއް ވިލާ ކޮލެޖުން ބާއްވައިފި