05 އޯގަސްޓް 2024
ރާއްޖޭގެ އެކި ހިސާބުތަކަށް ކުރިއަށް އޮތް 24 ގަޑިއިރު މޫސުން ގޯސްވާނެ ކަމަށް މެޓް އޮފީހުން މިއަދު ލަފާކޮށްފި އެވެ.
ރާއްޖޭގެ އެކި ހިސާބުތަކަށް ކުރިއަށް އޮތް 24 ގަޑިއިރު މޫސުން ގޯސްވާނެ ކަމަށް މެޓް އޮފީހުން މިއަދު ލަފާކޮށްފި އެވެ.
މެޓް އޮފީހުން ބުނީ ކުރިއަށް އޮތް 24 ގަޑިއިރު ވެސް ރާއްޖޭގެ އެކި ހިސާބުތަކަށް، ހާއްސަކޮށް އުތުރާއި މެދު ރާއްޖެ ތެރޭގެ ރަށްތަކަށް ބޯކޮށް ވާރޭވެހި، ގުރުގުރުން ވެސް އެކަށީގެންވާ ކަމަށެވެ.
"ކަނޑުތައް އާދައިގެ ވަރަކަށް ގަދަވާނެ،" މެޓް އޮފީހުން ބުންޏެވެ.
މާލެ އާއި ވިލިމާލެ ދަތުރުކުރާ ފެރީއެއް މޫސުން ގޯސް ދުވަހެއްގައި ދަތުރުކުރަނީ.-- ފޮޓޯ: ނިޝަން އަލީ | މިހާރު
ދެކުނުގެ އަތޮޅުތަކަށް ވައިޖެހޭނީ ދެކުނާއި ހުޅަނގުދެކުނުން އަދި އެހެން ހިސާބުތަކަށް ވައިޖެހޭނީ ހުޅަނގާއި ހުޅަނގުއުތުރުން ގަޑިއަކު އަށް މޭލާއި 18 މޭލާ ދެމެދުގެ ބާރުމިނުގަ އެވެ. ވިލާގަނޑުގައި ގާތްގަނޑަކަށް 40 މޭލަށް ވައިގަދަވުން އެކަށީގެންވެ އެވެ.
އިއްޔެ އިން ފެށިގެން ރާއްޖޭގެ ބޮޑު ބަޔަކަށް ވިއްސާރަކުރަމުން ދާއިރު، ކަނޑުމަތީގެ ހަ ހާދިސާއެއް ރޭ އެކަނިވެސް އެމްއެންޑީއެފަށް ވަނީ ރިޕޯޓްކޮށްފަ އެވެ.
އެމްއެންޑީއެފުން ބުނީ އެތަނުން ތިން ހާދިސާއެއް ހިނގި ސަރަހައްދަށް ކޯސްޓްގާޑު ދިޔަ ކަމަށެވެ.
މި ހާދިސާތަކުގައި މީހަކަށް އަނިޔާއެއް ނުވެ އެވެ.
މެޓުން އާންމުކޮށްފައިވާ ހިސާބުތަކުން އެނގޭ ގޮތުގައި، ރޭ އެންމެ ގިނައިން ވާރޭވެހުނީ ފުވައްމުލަކަށެވެ. އެ ރަށަށް 68 މިލިމީޓަރުގެ ވާރޭވެހިފައިވެ އެވެ. ދެން އެންމެ ގިނައިން ވާރޭވެހުނު ގދ. ފަރެސްމާތޮޑާއަށް 45.6 މިލިމީޓަރުގެ ވާރޭ ވެހިފައިވެ އެވެ.
ވާރޭ ވެހި އައްޑޫގެ ބައެއް ހިސާބުތަކުގައި ފެންބޮޑުވެއްޖެ
ކޮޅިގަނޑުގެ ބާރުގަދަވެ ތޫފާނަކަށް ބަދަލުވެއްޖެ
މިރޭ ރާއްޖޭގެ ބޮޑު ސަރަހައްދަކަށް މޫސުން ގޯސް
ރާއްޖޭގެ ބޮޑު ބަޔަކަށް މިއަދު ވިއްސާރަކުރާނެ
މި ވެހޭ ބޯ ވާރެޔާއި އޭގެ ސައިންސް
މޫސުން: ހަފުތާ ބަންދު ވެސް އޮތީ ގަދަކޮށް
މިއަދު ވައިގަދަ، ކަނޑުތައް ވަރަށް ގަދަވާނެ
މާލެއަށް އިއްޔެ 89 މިލިމީޓަރުގެ ވާރޭ ވެހުނު
ބޯ ވިއްސާރާގައި މާލޭގެ މަގުތަކުގައި ފެންބޮޑުވެއްޖެ
24ގަޑިއިރު އެންމެ ބޯކޮށް ވާރޭވެހުމުގެ ރެކޯޑު ކެލައަށް