06 އޯގަސްޓް 2024
ޗައިނާގެ ބޭންކެއް ރާއްޖޭގައި ހުޅުވުމުގެ މަސައްކަތް ފަށާފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު މިއަދު ވިދާޅުވެއްޖެ އެވެ.
ޗައިނާގެ ބޭންކެއް ރާއްޖޭގައި ހުޅުވުމުގެ މަސައްކަތް ފަށާފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު މިއަދު ވިދާޅުވެއްޖެ އެވެ.
ރާއްޖޭގައި ހުރި ވިޔަފާރީގެ ފުރުސަތުތަކާ ގުޅޭ ގޮތުން މައުލޫމާތު ދޭން މިއަދު ކުރިއަށްދާ "މޯލްޑިވްސް-ސެޗުއަން ޓްރޭޑް އެންޑް އިންވެސްޓްމެންޓް ކޯޕަރޭޝަން ކޮންފަރެންސް" ފައްޓަވައި ދެއްވަމުން މިނިސްޓަރު ވިދާޅުވީ، ޗައިނާގެ ބޭންކެއް ހުޅުވުމަށްޓަކައި ވަރަށް މުހިއްމު މަސައްކަތްތަކެއް ފަށާފައިވާ ކަމަށެވެ.
އޭނާ ވިދާޅުވި ގޮތުގައި ބޭންކެއް ހުޅުވުމުގެ އިތުރުން ޗައިނާއާ އެކު ހަދާ ފްރީ ޓްރޭޑް އެގްރީމެންޓްގެ ތެރެއިން، ގައުމަކަށް ހޯދޭނެ ހުރިހާ ފައިދާއެއް ރާއްޖެއަށް ލިބޭނެ އެވެ. ފްރީ ޓްރޭޑް އެގްރީމަންޓަށް އަމަލު ކުރަނީ އަންނަ މަހުން ފެށިގެންނެވެ.
މިނިސްޓަރު ވިދާޅުވީ އެކަމާ ގުޅޭ ގާނޫނުތައް ވެސް ހަދާފައިވާ ކަމަށެވެ.
ފްރީ ޓްރޭޑްގެ ތެރެއިން، މިނިސްޓަރު ވިދާޅުވި ގޮތުގައި، ދިވެހި ރުފިޔާ އާއި ޗައިނާގެ ޔުއާން ހިމެނޭ "ލޯކަލް ކަރެންސީ ސެޓުލްމެންޓެ"އް ހެދުމުން ރާއްޖޭގެ ވިޔަފާރިވެރިންނަށް ޑޮލަރުގެ ބަދަލުގައި ދިވެހި ރުފިޔާ ބޭނުންކޮށްގެން ޗައިނާ އިން ތަކެތި ގެނެވޭނެ އެވެ.
ރާއްޖެ އާއި ޗައިނާއާ ދެމެދު ބޭއްވި ކޮންފަރެންސްގެ ބައިވެރިން. -- ފޮޓޯ: ނިޝާން އަލީ | މިހާރު
"ދެ ގައުމުގެ ވިޔަފާރިވެރިންނަށް ދެ ގައުމުގެ ފައިސާ ބޭނުންކޮށްގެން ވިޔަފާރި ކުރެވޭނެ އިންތިޒާމު ހަމަޖެއްސުމަކީ މިހާރު އެންމެ ބާރަށް ކުރިއަށްދާ މަސައްކަތް. އެ މަސައްކަތް ވެސް ޕީޕަލްސް ބޭންކް އޮފް ޗައިނާ އާއި އެމްއެމްއޭއާ އެކު ވާން ޖެހޭ އެއްބަސްވުމުގެ މަސައްކަތްތައް މިހާރު ވެސް އެބަ ކުރިއަށްދޭ،" އޭނާ ވިދާޅުވި އެވެ.
ސައީދު ވިދާޅުވި ގޮތުގައި ޑޮލަރަށް އޮތް ޑިމާންޑް ދިވެހި ރުފިޔާ އާއި ޔުއާނަށް ބަދަލު ކުރެވޭނެ އެވެ. އަދި ތަރުކާރީ އާއި މޭވާ އަދި ކޮންސްޓްރަކްޝަން މެޓީރިއަލް އާއި ޓެކްނޮލޮޖީ ދާއިރާއާ ގުޅޭ ތަކެތި ގެންނަން ފަސޭހަވާނެ ކަމަށް ވެސް ވިދާޅުވި އެވެ.
ރާއްޖެއަށް ޗައިނާ އިން އަހަރަކު 700 މިލިއަން ޑޮލަރުގެ މުދާ އެތެރެ ކުރެ އެވެ.
"ހަމައެކަނި ޝިޖުއަން ޕްރޮވިންސް އިން ވެސް 19 މިލިއަން ޑޮލަރު އެތެރެ ކުރޭ. ނުވަތަ އެވަރުގެ ވިޔަފާރި ވޮލިއުމް އެބަހުރި،" އޭނާ ވިދާޅުވި އެވެ.
މިނިސްޓަރު ސައީދާއި ކެބިނެޓުގެ ބައެއް ވަޒީރުން މިއަދުގެ ކޮންފަރެންސްގައި ބައިވެރިވެވަޑައިގަންނަވަނީ. -- ފޮޓޯ: ނިޝާން އަލީ / މިހާރު
މި ކޮންފަރެންސްގައި ޝިޖުއަން ޕްރޮވިންސް އާއި ރާއްޖޭގެ 100 އަށް ވުރެ މީހުން ބައިވެރިވެ އެވެ. އެއް ދުވަހަށް ކުރިއަށް ގެންދާ ކޮންފަރެންސްގެ ބޭނުމަކީ، ރާއްޖެ އާއި ޗައިނާގެ ކުންފުނިތަކުގެ ވިޔަފާރި ގުޅުންތައް އިތުރުކޮށް، ރާއްޖޭގައި ހުރި އިންވެސްޓްމެންޓްތަކާ ގުޅޭ މައުލޫމާތުތައް ޗައިނާގެ ކުންފުނިތަކަށް ދިނުމެވެ.
ޗައިނާގެ އެފްޓީއޭއަށް އަންނަ އަހަރު އަމަލުކުރަން ފަށަނީ
އެފްޓީއޭއިން ފައިދާވާނެ، ދައްކަނީ ހުސް ވާހަކަ: ސައީދު
އެފްޓީއޭ ތަންފީޒުނުވަނީ "ޕަވަސްޓްރަގުލް"އާ ހެދި:ސައީދު
ޗައިނާއާ އެކު ހެދި އެފްޓީއޭ މަރެއް ނުވޭ: ސައީދު
އެފްޓީއޭ ހަދަން ޖެހުނީ އެކަށީގެންވާ އަގު ނުލިބޭތީ
މިނިވަން ވިޔަފާރީގެ އެެއްބަސްވުމުގައި ރާއްޖެ-ޗައިނާ ސޮއިކޮށްފި
އެފްޓީއޭއަކީ "ހަމައެއްލަމައެއްނެތި" ދޭ ހުއްދައެއް ނޫން
ފްރީ ޓްރޭޑާއެކު އިތުރު ބޭންކުތައް ރާއްޖެ ގެނެވޭނެ
ފްރީޓްރޭޑް އެއްބަސްވުމުން ގެއްލުން ލިބޭނީ ރާއްޖެ އަށް
އެފްޓީއޭ ގައި ޗައިނާއާއެކު ރާއްޖެ ސޮއިކުރަން ނިންމައިފި