ދިރާގު ރޯޑް ރޭހުގެ ބިބް އަންގާރަ ދުވަހުގެ ނިޔަލަށް ލިބޭނެ

އަންނަ ހުކުރު ދުވަހު އޮންނަ ދިރާގު ރޯޑް ރޭހުގެ ބިބް އަދި ރޭސް ކިޓުތައް މިހާރު ދޫކުރަމުން އަންނަ ކަމަށާއި އަންގާރަ ދުވަހުގެ ނިޔަލަށް މި ތަކެތި ދޫކުރާނެ ކަމަށް ދިރާގުން ބުނެފި އެވެ.

އެ ކުންފުނިން ބުނީ މެންދުރު ފަހު 2 އިން ހަވީރު 6 އަށް އަދި ރޭގަނޑު 8 އިން 10 އަށް ދިރާގު ހެޑް އޮފީހުގެ ގްރައުންޑް ފްލޯގައި ހަދާފައިވާ ބިބް އެކްސްޕޯ ސެންޓަރުން ކިޓާއި ބިބްތައް ލިބެން ހުންނާނެ ކަމަށެވެ. މި ތަކެތި ދޫކުރުމަށް ހަމަޖެހިފައި ވަނީ އަންގާރަ ދުވަހުގެ ނިޔަލަށެވެ.

މި ތަކެތި ނެގުމަށް ދުވުންތެރިޔާގެ އައިޑީކާޑާއި ބިބް ނަމްބަރު ހުށަހަޅަން ޖެހޭނެ އެވެ.

ދިރާގު ރޯޑް ރޭހަށް ދޫކުރާ ރޭސް ކިޓުތަކުގައި ޓައިމިން ޗިޕަކާއި ބިބް، ރޭސް ޓީޝާޓު، ސްޓްރިންގް ބޭގް އަދި ހަތަރު ނަރުދަތި ހިމެނޭނެ އެވެ.

ރާއްޖޭގައި ބާއްވާ އެންމެ ބޮޑު ދުވުން ކަމަށްވާ ދިރާގު ރޯޑް ރޭހަކީ ދުޅަހެޔޮ ސިއްހަތެއް ޕްރޮމޯޓުކޮށް، ރާއްޖޭގައި ދުވުންތެރިން އުފެއްދުމަށް ހިތްވަރުދިނުމުގެ މަގުސަދުގައި ދިރާގުން ކޮންމެ އަހަރަކު ވެސް ބާއްވާ ދުވުމެކެވެ.