ދިރާގުން 5ޖީ ޓާބޯ 749 އިން މަތީގެ ޕްލޭންތަކަށް ހިލޭ ރައުޓަރު ދެނީ

ދިރާގުން "ލިމިޓަޑް ޓައިމް އޮފާ"އެއްގެ ގޮތުގައި ކުރިއަށް ގެންދާ ހިލޭ 5ޖީ ރައުޓަރެއް ލިބޭ ޕްރޮމޯޝަންގެ މުއްދަތު ޑިސެމްބަރު މަހުގެ ނިޔަލަށް އިތުރުކޮށްފި އެވެ.

މި އޮފާގެ ދަށުން 5ޖީ ޓާބޯ 749 ޕްލޭން އިން ފެށިގެން މަތީގެ ޕްލޭންތަކަށް ސަބްސްކްރައިބް ކުރާ ހުރިހާ ކަސްޓަމަރުންނަށް ހިލޭ 5ޖީ ރައުޓަރެއް ލިބޭނެ އެވެ.

ދިރާގުގެ މެނޭޖަރު އެކުއިޒިޝަންސް އެންޑް ސީއެލްއެމް ޖަނާ އިބްރާހިމް މި ޕްރޮމޯޝަނާ ގުޅޭ ގޮތުން ވިދާޅުވީ އެ ކުންފުނިން މަސައްކަތް ކުރަމުން އަންނަނީ ކަސްޓަމަރުންނަށް ތަފާތު ހިތްގައިމު، އާ އޮފާތާކެއް ތައާރަފް ކޮށްދިނުމަށް ކަމަށެވެ. އެގޮތުން ދިރާގު 5ޖީ ޓާބޯ ވައިފައިއާ އެކު ކަސްޓަމަރުންނަށް ތަފާތު އަގުތަކާއި ޑޭޓާ އެލަވަންސްތަކުގެ ޕޯސްޓްޕެއިޑް އަދި ޕްރީޕެއިޑް ޕްލޭންތައް ހިޔާރުކުރެވޭނެ ކަމަށް ވިދާޅުވި އެވެ.

އޭނާ ވިދާޅުވީ މި އޮފާ އިން ކަސްޓަމަރުންގެ ހުރިހާ ސްޓްރީމިން، ބްރައުސިން އަދި ގޭމިން ބޭނުންތަކަށް 500 އެމްބީޕީއެސްއާ ހަމައަށް ފަސޭހަކަމާ އެކު އިންޓަނެޓް ސްޕީޑް ތަޖުރިބާކޮށްލުމުގެ ފުރުސަތު ލިބޭނެ ކަމަށެވެ.

ދިރާގު 5ޖީ ޓާބޯ ވައިފައި ޕްލޭންތަކާ އެކު ކަސްޓަމަރުންނަށް އިތުބާރު ކުރެވޭ، 5ޖީ ސްޕީޑްގެ ހަލުވި އިންޓަނެޓް ކޮންމެ ތަނެއްގައި ހުރެގެން ވެސް ބޭނުން ކުރެވޭނެ ކަމަށް ބުންޏެވެ. އަދި 5ޖީ ޓާބޯ ޕޯސްޓްޕެއިޑް ޕްލޭންތައް ނަގާ ކަސްޓަމަރުންނަށް ޑޭޓާ ރޯލްއޯވާއާ އެކު ބޭނުން ނުކުރާ ޑޭޓާ އެއް މަސް ދުވަހަށް ކުރިއަށް ގެންދެވޭނެ އެވެ. އަދި މި ޕްލޭންތަކާ އެކު ހާއްސަ 5ޖީ ބޫސްޓާތަށް ވެސް ކަސްޓަމަރުންނަށް ނެގޭނެ އެވެ.