23 އޮކްޓޯބަރ 2024
ކުދި ގައުމުތަކުގެ މާލީ ހިންގުމުގެ އިސްލާހުތަކަށް އެއްބާރުލުންދީ، މޫސުމަށް އަންނަ ބަދަލުތަކާ ގުޅިގެން ބޭނުންވާ މާލީ އެހީތެރިކަން ހަމަހަމަ އުސޫލަކުން އަވަހަށް ލިބޭނެ ގޮތް ހަމަޖައްސައިދިނުމަށް އަދި ދަރަނި ދެއްކުމަށް ލުއިގޮތްތަކެއް ފަހިކޮށްދިނުމަށް އެ ގައުމުތަކުން މިއަދު ގޮވާލައިފި އެވެ.
ކުދި ގައުމުތަކުގެ މާލީ ހިންގުމުގެ އިސްލާހުތަކަށް އެއްބާރުލުންދީ، މޫސުމަށް އަންނަ ބަދަލުތަކާ ގުޅިގެން ބޭނުންވާ މާލީ އެހީތެރިކަން ހަމަހަމަ އުސޫލަކުން އަވަހަށް ލިބޭނެ ގޮތް ހަމަޖައްސައިދިނުމަށް އަދި ދަރަނި ދެއްކުމަށް ލުއިގޮތްތަކެއް ފަހިކޮށްދިނުމަށް އެ ގައުމުތަކުން މިއަދު ގޮވާލައިފި އެވެ.
މުސޫމީ ބަދަލުތަކުގެ އަސަރު އެންމެ ބޮޑަށް ކުރާ 70 ގައުމު ތަމްސީލުކުރާ ގްރޫޕެއް ކަމަށްވާ ވަލްނަރަބަލް ޓުވެންޓީ (ވީޓުވެންޓީ) އިން އެގޮތަށް ގޮވާލީ އެމެރިކާގެ ވެރިރަށް ވޮޝިންޓަން ޑީސީގައި މިހާރު ކުރިއަށް ގެންދާ ވޯލްޑް ބޭންކުގެ އަހަރީ ބައްދަލުވުމުގެ ހަވާސާގައި މިއަދު ބޭއްވި އެ ގްރޫޕްގެ 13 ވަނަ މިނިސްޓީރިއަލް ޑައިލޮގްގަ އެވެ.
ވީޓުވެންޓީއަކީ ކުދި ގައުމުތަކުގެ ފިނޭންސް މިނިސްޓަރުން ހިމެނޭ ގޮތަށް ކްލައިމެޓް ވަލްނަރަބަލް ފޯރަމް (ސީވީއެފް) އިން އުފައްދާފައިވާ ގްރޫޕެކެވެ.
ސީވީއެފްއަކީ ދުނިޔޭގެ މޫސުމަށް އަންނަ ނޭދެވޭ ބަދަލުތަކުން ސަލާމަތްވުމަށް އެކުގައި މަސައްކަތްކުރުމަށް ތިމާވެށީގެ ގޮތުން ނާޒުކު ގައުމުތައް ގުޅިގެން، ދިވެހި ސަރުކާރުން އިސްނަގައިގެން 2009 ވަނަ އަހަރު އުފައްދާފައިވާ ފޯރަމެކެވެ. އެ ފޯރަމްގެ އެންމެ ފުރަތަމަ ބައްދަލުވުން ބޭއްވީ، ހަމަ އެ އަހަރު، ކުރީގެ ރައީސް މުހައްމަދު ނަޝީދުގެ ވެރިކަމުގަ އެވެ.
ނަޝީދާކީ މިހާރު ވެސް އެ ފޯރަމްގެ ސެކްރެޓަރީ ޖެނެރަލެވެ. ސީވީއެފްގެ މިހާރުގެ ރިޔާސަތަކީ ގާނާ އެވެ. އެހެންވެ، ނަޝީދު މިހާރު ދިރިއުޅުއްވަނީ ވެސް ގާނާގަ އެވެ.
ވޯލްޑް ބޭންކާ އެކު ވީޓުވެންޓީން މިއަދު އެމެރިކާގައި ބޭއްވި ބައްދަލުވުމުގައި ވެސް ނަޝީދު ބައިވެރިވެވަޑައިގަތެވެ.
ވޯލްޑް ބޭންކާ އެކު ވީޓުވެންޓީން އެމެރިކާގައި ބޭއްވި ބައްދަލުވުމުގައި ކުރީގެ ރައީސް މުހައްމަދު ނަޝީދު ބައިވެރިވެވަޑައިގަންނަވަނީ.
އެ ބައްދަލުވުމުގައި ގައުމުތަކުން ވަނީ މޫސުމީ މާލީ އެހީއަށް އިންސާފުވެރި ގޮތެއްގައި ވާސިލުވުމަށާއި ދަރަންޏާ ގުޅޭ ހައްލުތަކާ އެކު ކާރިސާތަކުގެ އެހީތެރިކަން ހޯދުމަށާއި އަދި ދެމެހެއްޓެނިވި ތަރައްގީ އާއި ކާރިސާތަކާ ކުރިމަތިލުމުގެ ގާބިލުކަން އިތުރުކުރުމަށް ހުށަހެޅުނު ހުށަހެޅުންތަކަށް ތާއީދުކޮށްފަ އެވެ.
އެ ބައްދަލުވުމުގައި ބައެއް ގައުމުތަކުގެ ފިނޭންސް މިނިސްޓަރުން ފާހަގަކުރެއްވި ގޮތުގައި، މި ފަހުން ހިނގި ގުދުރަތީ އެކި ކާރިސާތަކުގެ ސަބަބުން ކުދި ގައުމުތަކުގެ ދަރަނި އިތުރުވެ، އަދި މޫސުމީ ނާޒުކުކަން ވެސް ވަނީ ބޮޑުވެފަ އެވެ. އެންމެ ފަގީރު ގައުމުތަކަށް ކަނޑައަޅާފައިވާ މުހިންމު ފަންޑުތައް މުއްސަނދި ގައުމުތަކަށް ދެމުންދާ ކަމަށް ބުނެ ވެސް މިނިސްޓަރުން ވަނީ ކަންބޮޑުވުން ފާޅުކޮށްފަ އެވެ.
ވީޓުވެންޓީން ބުނީ، ކުދި އަދި ތަރައްގީވަމުން އަންނަ ގައުމުތަކުގެ ދަރަނި އިންތިހާއަށް ބޮޑުވެ، މިދިޔަ އަހަރު ވެސް އެ ގައުމުތަކުން ބޭރުވި ފައިސާ 68 ބިލިއަން ޑޮލަރުން 200 ބިލިއަން ޑޮލަރަށް އިތުރުވެފައިވާ ކަމަށެވެ. އޭގެ ސަބަބުން ކުދި ގައުމުތަކުގައި ސިއްހަތަށާއި ތައުލީމަށް އަދި އުމްރާނީ ތަރައްގީއަށް ކުރަން ޖެހޭ ހަރަދުތައް ކުޑަކުރަން މަޖުބޫރުވެފައިވާ ކަމަށް ވީޓުވެންޓީން ބުންޏެވެ.
އެ ބައްދަލުވުމުގައި ވީޓުވެންޓީގެ ގައުމުތަކުން އެންމެ ބޮޑަށް ވާހަކަދެއްކީ އެ ގައުމުގެ ބޮޑުވެފައިވާ ދަރަނީގެ މައްސަލަ ހައްލުކުރުމަށް މުހިންމު އަދި އަވަސް ފިޔަވަޅުތަކެއް އެޅުމާ ގުޅޭ ގޮތުންނެވެ. އަދި ދަރަނި އަނބުރާ ދެއްކުމުގައި ލުއި ގޮތްތަކެއް ހަމަޖެއްސުމާ ގުޅޭ ގޮތުންނެވެ.
"ކްލައިމެޓް ފައިނޭންސިން ރާއްޖެެއަށް ވަރަށް މުހިއްމު"
"ހީކުރި ވަރަށްވުރެ ހޫނުމިން އަވަސް:ގެއްލުން ބޮޑުވާނެ"
ބިން ނުހިއްކައި އެއާޕޯޓު ވެސް އެޅެން އެބަހުރި: ނަޝީދު
ކްލައިމެޓްއެމްބެސެޑަރުކަމުގެ މަގާމު ނަޝީދު ފައްޓަވައިފި
އައްޑޫ ނޭޗާ ޕާކަށް އަޅައި ނުލެވި، ވީރާނާވަނީ؟!
ދަރިވަރުން މަޖިލީހަށް: ޕްލާސްޓިކް މަދުކޮށްދީ!
މޫސުމާ ބެހޭ މުއާހަދާ އިސްލާހުކުރަން ޖެހޭ: ނަޝީދު
ފިނިހޫނުމިން ދަށް ނުކުރެވޭ ނަމަ ސަލާމަތެއް ނެތް:ނަޝީދު
ރާއްޖޭގެ ވަފުދު އދ.ގެ ސެކްރެޓަރީ ޖެނެރަލްގެ އަރިހަށް
ދިވެހިން ތިބީ މަރުވާން ތައްޔާރުވެގެންނެއް ނޫން: ނަޝީދު