ސީރިއާގެ އިންތިގާލީ ރައީސް އަހްމަދު އަލް ޝަރާ، ވެރިކަމާ ހަވާލުވެވަޑައިގަތުމަށް ފަހު ގައުމުން ބޭރަށް ކުރެއްވި ފުރަތަމަ ދަތުރުގައި ސައުދީ ވަލީއަހުދު މުހައްމަދު ބިން ސަލްމާނާ އިއްޔެ ބައްދަލުކުރައްވައިފި އެވެ.
ސީރިއާގެ އިންތިގާލީ ރައީސް އަހްމަދު އަލް ޝަރާ، ވެރިކަމާ ހަވާލުވެވަޑައިގަތުމަށް ފަހު ގައުމުން ބޭރަށް ކުރެއްވި ފުރަތަމަ ދަތުރުގައި ސައުދީ ވަލީއަހުދު މުހައްމަދު ބިން ސަލްމާނާ އިއްޔެ ބައްދަލުކުރައްވައިފި އެވެ.
ޝަރާ، އޭނާގެ ހާރިޖީ ވަޒީރު އަސްއަދު އަލް ޝައިބާނީއާ އެކު ސައޫދީއަށް ވަޑައިގަތުމާ އެކު ސައުދީ އޮފިޝަލުން މަރުހަބާ ދަންނަވާ މަންޒަރު ދައުލަތުގެ ޓީވީން ވަނީ ދައްކައިފަ އެވެ.
ސައުދީގެ ރަސްމީ ނޫސް އެޖެންސީން ފަހުން ވަނީ ޝަރާއަށް މުހައްމަދު މަރުހަބާ ދަންނަވައި، ބައްދަލުކުރައްވާފައިވާ ކަމަށް ބުނެފަ އެވެ. ނަމަވެސް އެ މަޝްވަރާތަކުގެ ތަފްސީލެއް އަދި ހާމައެއް ނުކުރެ އެވެ.
ސީރިއާގެ އިންތިގާލީ ރައީސް އަހްމަދު އަލް ޝަރާ، ވެރިކަމާ ހަވާލުވެވަޑައިގަތުމަށް ފަހު ގައުމުން ބޭރަށް ކުރެއްވި ފުރަތަމަ ދަތުރުގައި ސައުދީ އަރަބިއްޔާގެ ރިޔާޟަށް ފައިބައިވަޑައިގަންނަވަނީ. -- ފޮޓޯ: އޭއެފްޕީ
މިދިޔަ ޑިސެމްބަރު މަހު ބައްޝާރުލް އަސަދުގެ ވެރިކަން ވައްޓާލުމުގައި އިސްކޮށް ހަރަކާތްތެރިވި ޝަރާ ސީރިއާގެ އިންތިގާލީ ރައީސަކަށް ހަމަޖެއްސީ މިދިޔަ ބުދަ ދުވަހު އެވެ. ސައުދީ ރަސްގެފާނު ސަލްމާނާއި ދަރިކަލުން މުހައްމަދު ހިމެނިވަޑައިގަތީ ޝަރާ އަށް ފުރަތަމަ މަރުހަބާ ދެންނެވި ބޭފުޅުންގެ ތެރޭގަ އެވެ.
ސީރިއާ އިން އަންނަނީ ހަނގުރާމައިގެ ސަބަބުން ހަލާކުވެފައިވާ ގައުމު އާރާސްތުކުރުމަށް ގަލްފުގެ މުއްސަނދި ގައުމުތަކުގެ އެހީ ހޯދަން ވަރަށް ބޮޑަށް މަސައްކަތްކުރަމުންނެވެ.
ސީރިއާގެ ހަމަނުޖެހުންތަކުގައި ހާހެއްހާ މީހުން މަރު
ސީރިއާއަށް ދަތިކުރުމުގެ ފިޔަވަޅު އުވާލަންޖެހޭ: ސައޫދީ
ސީރިއާއަށް އެހީވާން ބޮޑު ސަމިޓެއް ސައޫދީގައި ފަށަނީ
އީރާނުން ހޯދިއްޔާ، ސައޫދީ ވެސް ނިއުކްލިއާ ހޯދާނެ
ސައޫދީ އާއި އިޒްރޭލުގެ ގުޅުން އެބަ ކައިރިވޭ
ސައޫދީން ފުރަތަމަ ފަހަރަށް ފަލަސްތީނަށް ސަފީރެއް
13 އަހަރަށް ފަހު ބައްޝާރު ސައުދީ އަށް ވަޑައިގެންފި
އަރަބި ޚާރިޖީ ވަޒީރުން ސީރިޔާ އަށް މަރުހަބާ ކިޔައިފި
ސައޫދީ ވަލީއަހުދަށް ޚާޝުގްޖީގެ މަރުގެ ދައުވާ ނުކުރެވޭނެ
ބިލިއަން ޑޮލަރުގެ މަސްތުވާތަކެތި ސައުދީން އަތުލައިގެންފި