ޓްރީ ޓޮޕްގެ އެސްތެޓިކް ހިދުމަތްތަކުން ދިރާގު އެލީޓް ކްލަބް ކަސްޓަމަރުންނަށް ޑިސްކައުންޓު ދެނީ

ދިރާގު އެލީޓް ކްލަބްގެ ކަސްޓަމަރުންނަށް ޓްރީ ޓޮޕް ހޮސްޕިޓަލުގެ "އެސްތެޓިކް" ހިދުމަތްތަކުން 10 ޕަސެންޓުގެ ޑިސްކައުންޓު ދޭން ފަށައިފި އެވެ.

އެ ހޮސްޕިޓަލުން ދޭ އެސްތެޓިކް ހިދުމަތްތަކުގެ ތެރޭގައި ހަންގަނޑު ރީތިކޮށް ބެހެއްޓުމާއި ދަތްޕިލަ ރީތިކުރުމުގެ ފަރުވާތައް ހިމެނެ އެވެ.

އެ ހޮސްޕިޓަލުގެ ހަމުގެ އެސްތެޓިކް ހިދުމަތްތަކުގެ ތެރޭގައި އިސްތަށި ނައްތާލުމާއި ލަކުނު ފިލުވުމާއި ޓެޓޫ ފިލުވުން އަދި ހަމުގެ ރޫ ފިލުވުން ފަދަ ހިދުމަތްތައް ހިމެނެ އެވެ. އަދި ދަތްޕިލަ ރީތިކުރުމުގެ ހިދުމަތްތަކުގެ ތެރޭގައި ޑެންޓަލް ބްލީޗިން އަދި ޑެންޓަލް ޕޮލިޝިން ހިމެނެ އެވެ.

ޓްރީ ޓޮޕް ހޮސްޕިޓަލުގެ ހަމުގެ ފަރުވާތަކަށް ބޭނުންކުރަނީ ދުނިޔޭގެ ގިނަ އެސްތެޓިކް ޑޮކްޓަރުންގެ އިތުބާރު ލިބިފައިވާ އަލްމާ ބްރޭންޑްގެ "އެކްސްއެލް ހާމޮނީ ޕްރޯ" ލޭޒާ މެޝިނެވެ. އަދި މި ފަރުވާ ފޯރުކޮށްދެނީ ހަމުގެ ބަލިތަކުގެ ހާއްސަ ކޮންސަލްޓަންޓުންގެ ޓީމެއްގެ އިރުޝާދާ އެކު އެވެ.

ދަތުގެ ފަރުވާތަކަށް ވެސް ރާއްޖެއިން ބޭރުގެ ތަޖުރިބާ ލިބިފައިވާ ކުޅަދާނަ ޑެންޓަލް ޓީމެއް ޓްރީ ޓޮޕް ހޮސްޕިޓަލުގައި ހަރަކާތްތެރިވެ އެވެ. އޭގެ ތެރޭގައި "އެސްތެޓިކް ޑެންޓިސްޓްރީ" ނުވަތަ ދަތްޕިލަ ރީތިކުރުމުގެ ފަރުވާތަކަށް ހާއްސަ ޑޮކްޓަރުން ވެސް ހިމެނެ އެވެ.

ދިރާގު އެލީޓް ކްލަބަކީ އެ ކުންފުނީގެ މޯބައިލް ޕޯސްޓްޕެއިޑް ކަސްޓަމަރުންގެ ތެރެއިން ގަވާއިދުން ބިލް ދައްކާ، "ލޯޔަލް" ކަސްޓަމަރުންނަށް ފޯރުކޮށްދޭ މެމްބާޝިޕެކެވެ. މި އެލީޓް ކްލަބުގެ މެމްބަރުންނަށް ދިރާގުން އެކި ޑިސްކައުންޓްތަކާއި އެހެނިހެން ހިދުމަތްތައް ހޯދުމަށް ފަސޭހަ މަގުތައް ތަނަވަސްކޮށްދެ އެވެ.