އަންނަ އަހަރުން ފެށިގެން ރޯދަމަހަށް ސްކޫލްތައް ބަންދު ކުރެވޭނެ ގޮތްތައް ހަމަޖައްސަން ރައީސް ޑރ. މުހައްމަދު މުއިއްޒު އަންގަވާފައިވާތީ، އެކަން ކުރެވިދާނެ ވިސްނުންތަކެއް އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު އާންމުންނާ ހިއްސާ ކުރައްވައިފި އެވެ.
އަންނަ އަހަރުން ފެށިގެން ރޯދަމަހަށް ސްކޫލްތައް ބަންދު ކުރެވޭނެ ގޮތްތައް ހަމަޖައްސަން ރައީސް ޑރ. މުހައްމަދު މުއިއްޒު އަންގަވާފައިވާތީ، އެކަން ކުރެވިދާނެ ވިސްނުންތަކެއް އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު އާންމުންނާ ހިއްސާ ކުރައްވައިފި އެވެ.
ރައީސްގެ އެންގެވުމާ ގުޅިގެން އާންމުންގެ މެދުގައި އޮތް ބައެއް ސުވާލުތަކަށް ޖަވާބު ދެއްވަމުން، ޝަފީއު ފޭސްބުކްގައި ކުރެއްވި ޕޯސްޓެއްގައި ރޭ ވިދާޅުވީ، ރޯދަމަހުގެ ފަހު 10 ގައި ސަރުކާރު ބަންދުވުމުން، އެ ދުވަސްތައް އުނިކޮށް، އެ މަހުގެ ބާކީ ސަރުކާރު ހުޅުވާ ދުވަސްތަކުގެ އަދަދަކީ 12 ނުވަތަ 13 ދުވަސް ކަމަށެވެ. އަދި އެ 12 ނުވަތަ 13 ދުވަހު ކިޔަވައި ދެވެނީ ރޯދަމަސް ނޫން އެހެން މަސްތަކާ އަޅާބަލާއިރު، ހައެއްކަ ދުވަހުގެ ކިޔެވުން ކަން މިނިސްޓަރު ފާހަގަކުރެއްވި އެވެ.
އިސްމާއިލް ވިދާޅުވި ގޮތުގައި، ރޯދަމަސް ބަންދުކުރުމަށް ގިނަ ބެލެނިވެރިން ރައީސް މުއިއްޒުގެ އަރިހުން އެދިފައިވަނީ މަދު ވަގުތުތަކަކަށް ސްކޫލަށް ކުދިން ގޮވައިގެން ދިއުމުގެ ތަކުލީފުގެ އިތުރަށް، ރޯދަމަހުގެ ތެރޭގައި ކިޔަވައިދިނުމަށް މިހާރު ހަމަޖެހިފައިވާ 12 ނުވަތަ 13 ދުވަހުގެ ކިޔަވައިދިނުން އެހެން މަސްތަކުގެ ހައެއްކަ ދުވަހުން ގެންދެވޭނެ ކަމަށް ބެލެވޭތީ އެވެ.
މީހަކު ކުޑަކުއްޖަކު ގޮވައިގެން ދަމު ނަމާދަށް މިސްކިތަށް އަރަނީ. --ފޮޓޯ: ފަޔާޒް މޫސާ | މިހާރު
ރޯދަމަހު ގިނަ އަދަދެއްގެ ކުދިން ގަވާއިދުން ސްކޫލަށް ހާޒިރުނުވުމާއި ޓީޗަރުންގެ ތެރޭގައި ވެސް އާންމު މަސްތަކާ ހިލާފަށް ރޯދަމަހު ސަލާމުގެ ނުވަތަ އާއިލީ ޒިންމާގެ ޗުއްޓީ ނެގުން އިތުރުކަމަށް ރެކޯޑުތަކުން ދައްކާތީ، ކިޔަވައިދިނުން އެންމެ އެކަށީގެންވާ ގޮތަށް ނުގެންދެވޭކަން ވެސް އިސްމާއިލް ފާހަގަކުރެއްވި އެވެ.
މިނިސްޓަރު ވިދާޅުވީ، ރޯދަމަހު އާންމު އުސޫލުން ކިޔަވައިދިނުމުގެ ބަދަލުގައި "ޕްރޮޖެކްޓް-ބޭސްޑް ލާނިން" ފަދަ ހަރަކާތްތަކާއި އިސްލާމްދީނަށް ހޭލުންތެރިކުރުވުމުގެ ޕްރޮގްރާމްތަކާއި ކީރިތި ޤުރުއާނަށް ދަރިވަރުންގެ ހިތްތަކުގައި ލޯބިޖެއްސުމުގެ ހަރަކާތްތަކާއި މުބާރާތްތަކުގެ އިތުރުން އަދަބީ ހަރަކާތްތަކަށް އިސްކަންދީގެން ހަރަކާތްތައް ކުރިއަށް ގެންދެވިދާނެ ކަމަށެވެ.
މިނިސްޓަރު ދެކެވަޑައިގަންނަވާ ގޮތުގައި ޓީޗަރުންގެ ފަންނީ ގާބިލުކަން އިތުރުކުރުމުގެ ހަރަކާތްތައް ވެސް ރޯދަމަހުގެ ތެރޭގައި ކުރިއަށް ގެންދެވިދާނެ އެވެ.
ދ. ކުޑަހުވަދޫ ސްކޫލްގެ ދަރިވަރުންތަކެއް. --ފޮޓޯ: މިހާރު
"މިފަދަ ބަދަލެއް ގެނައި ކަމުގައި ވިޔަސް، ބައިނަލްއަގުވާމީ އިމްތިހާނުތަކަށް ތައްޔާރުވާ ކީ ސްޓޭޖް 4 އަދި 5 ގެ ދަރިވަރުންގެ ކިޔެވުން އޮންނާނެ އެވެ،" އޭނާ ވިދާޅުވި އެވެ.
އިސްމާއިލް ވިދާޅުވި ގޮތުގައި، މި ދުވަސްތަކުގައި ހުރިހާ ޓީޗަރުން ރަސްމީކޮށް މަސައްކަތަށް ނުކުންނާނެ އެވެ. ޓީޗަރުންނަށް އަހަރީ ޗުއްޓީ ލިބޭނީ އަބަދުވެސް އޮންނަ ގޮތަށް ކޮންމެ އަހަރެއްގެ ދިރާސީ އަހަރު ނިމުމުން ކަަމަށް ވެސް މިނިސްޓަރު ވިދާޅުވި އެވެ.
ރޯދަމަހު ސްކޫލްތައް ބަންދުކުރުމުގައި ގެންގުޅުއްވާ ވިސްނުންތައް ހިއްސާ ކުރެއްވިޔަސް، އަންނަ މަހުގެ ހަ ވަނަ ދުވަހު ދިރާސީ އާ އަހަރު ފެށުމަށް ފަހު އެކަމާ ގުޅޭގޮތުން، ޓީޗަރުންނާއި ޕްރިންސިޕަލުން އަދި ބެލެނިވެރިންނާ މަޝްވަރާކުރަން ނިންމަވާފައިވާ ކަން މިނިސްޓަރު ހާމަކުރެއްވި އެވެ.
ދިރާސީ ކަލަންޑަރަށް ގެނައި ބަދަލުތަކުން، މި ރޯދަމަހަކީ ސްކޫލު ބޮޑު ޗުއްޓީ އެވެ. ނަމަވެސް، މި އަހަރުގެ ބޮޑު ޗުއްޓީ ޑިސެމްބަރު 28 އިން ޖެނުއަރީ 27 އަށް ލިބޭއިރު، އަންނަ އަހަރުގެ ރޯދަމަހު ސްކޫލުތައް ބަންދުކޮށްފި ނަމަ ކިޔަވައިދޭން ލިބޭނީ މަދު ދުވަސްތަކެކެވެ. ކަލަންޑަރު ދައްކާ ގޮތުން އަންނަ އަހަރުގެ ރޯދަމަސް ފެށޭނީ ފެބްރުއަރީ މެދުތެރޭގަ އެވެ.
ރޯދަމަހު ސްކޫލްތައް ބަންދުކުރެވޭނެ ގޮތެއް ހޯދަން ރައީސް މުއިއްޒު އެންގެވީ، ސްކޫލްތަކުގައި ކިޔަވައިދޭ ދުވަސްތައް ނޫނީ ގަޑިތައް މުޅި އަހަރުގެ ތެރެއިން އެއްވެސް ވަރަކަށް ނުގެއްލޭނެ ގޮތަކަށެވެ.
ދަރިންނަށް ކިޔަވައިދޭން އެންމެ އުތުރުން ކުޑަހުވަދު އަށް
"އެކްޓިވިޓީ ކަލަންޑަރު" ހެދުމުގެ ކުރިން ހިޔާލު ހޯދަނީ
އޯވަލޯޑު ނުވާނެ ގޮތަކަށް ހަރަކާތްތައް ބާއްވަން އެދިއްޖެ
ހުޅުމާލެއަށް 3 ސްކޫލް، މި އަހަރު މަސައްކަތް ފަށަނީ
ސަލާހުއްދީންގެ ކިޔެވުން ދެ ދަންފަޅި އަށް ބަދަލުކުރަނީ
ސްކޫލް ބޮޑު ޗުއްޓީގެ ބޭނުން ނުހިފި ބޭކާރު!
ސްކޫލްތަކުގެ އަހަރީ ޗުއްޓީ އަށް ބަދަލު ގެނެސްފި
ކިޔެވުން ނިމި، ބޮޑު ޗުއްޓީ ފެށިއްޖެ
ސްކޫލުތަކަށް ޓީޗަރުންނާއި ފޮތްތައް ހަމަވާނެ: މިނިސްޓަރު
ރޯދައަށް ސްކޫލު ބަންދުކުރެވޭ ގޮތް ހަމަޖައްސަން އެދިއްޖެ