މަސްވެރިންގެ ދުވަހުގެ ރަސްމީ ޖަލްސާގައި ބައިވެރިވެވަޑައިގަތުމަށް ރައީސް ޑރ. މުހައްމަދު މުއިއްޒުގެ ދެކަނަބަލުން ރ. ދުވާފަރަށް މިއަދު ފުރާވަޑައިގެންފި އެވެ.
13 ޑިސެމްބަރ 2025
މަސްވެރިންގެ ދުވަހުގެ ރަސްމީ ޖަލްސާގައި ބައިވެރިވެވަޑައިގަތުމަށް ރައީސް ޑރ. މުހައްމަދު މުއިއްޒުގެ ދެކަނަބަލުން ރ. ދުވާފަރަށް މިއަދު ފުރާވަޑައިގެންފި އެވެ.
ޑިސެމްބަރު 10 ގައި ފާހަގަކުރާ މަސްވެރިންގެ ދުވަހުގެ ރަސްމީ ޖަލްސާ ދުވާފަރުގައި މިރޭ ބާއްވަން ތާވަލް ކޮށްފައިވީ ނަމަވެސް މީގެ ފަސް ދުވަސް ކުރިން ފެށިގެން އެ ދުވަހާ ގުޅޭ ހާއްސަ ހަރަކާތްތައް އެ ރަށުގައި އަންނަނީ ބާއްވަމުންނެވެ. އޭގެ ތެރޭގައި ތަފާތު މުބާރާތްތަކާއި މަސްވެރިންގެ ހިޔާލު ހޯދުމަށް ބޭއްވި ފޯރަމް ހިމެނެ އެވެ.
ރައީސް އޮފީހުން ބުނީ ސަރުކާރުން ދުވާފަރުގައި ހިންގާ ބައެއް މަޝްރޫއުތަކުގެ އަމަލީ މަސައްކަތް ރައީސްގެ ދަތުުރުފުޅުގައި މިއަދު ފަށްޓަވައި ދެއްވާނެ ކަމަށެވެ. އޭގެ އިތުރުން ބައެއް މަޝްރޫއުތަކުގެ އެއްބަސްވުންތަކުގައި ސޮއިކުރުން ވެސް މިއަދު ކުރިއަށް ގެންދާނެ އެވެ.
އޭގެ ތެރޭގައި ދުވާފަރުގެ ބިންހިންކުމުގެ ދެވަނަ ފިޔަވަހީގެ އަމަލީ މަސައްކަތް ފެށުމާއި އަދި މޯލްޑިވްސް އިސްލާމިކް ބޭންކް (އެމްއައިބީ) އިން ދުވާފަރުގައި ގާއިމްކޮށްފައިވާ އޭޓީއެމާއި އެސްޓީއޯ އިން ދުވާފަރުގައި ގާއިމްކުރި ޕެޓްރޯލްޝެޑް ހުޅުވުން އޮންނާނެ އެވެ. ދުވާފަރުގައި އާރްޓީލް ބަހުގެ ހިދުމަތް ވެސް މިއަދު ފަށަން ވަނީ ތާވަލްކޮށްފަ އެވެ.
- ދުވާފަރު ބަނދަރު ބޮޑުކުރުމުގެ މަޝްރޫއު
- ފުލުހުންގެ މަރުކަޒު ބިނާކުރުމުގެ މަޝްރޫއު
- އިއާދަކުރަނިވި ހަކަތައިގެ މަޝްރޫއު
- ދުވާފަރު ސިއްހީ މަރުކަޒު ހޮސްޕިޓަލަކަށް އަލަށް އަޅާ އިމާރާތުގެ މަސައްކަތް
- އައުޓްޑޯ ވޮލީކޯޓްގެ މަސައްކަތް
- ވޭސްޓްމެނޭޖްމަންޓް ސެންޓަރުގެ އަމަލީ މަސައްކަތް
- ދަނާލު އެޅުމުގެ މަސައްކަތް
މި މަސައްކަތްތައް ފަށްޓަވައިދެއްވުމުގެ އިތުރުން ދުވާފަރުގައި ސަރުކާރުން ހިންގާ ބައެއް އާ މަޝްރޫއުތަކުގެ އެއްބަސްވުމުގައި ސޮއިކުރުން ރައީސް މުއިއްޒުގެ ދަތުރުފުޅުގައި އޮންނާނެ އެވެ. މިއަދު އެއްބަސްވުމުގައި ސޮއިކުރާ މަޝްރޫއުތަކުގެ ތެރޭގައި ދުވާފަރުގެ ހިއްކި ބިމަށް ބޭނުންވާ ފެނާއި ނަރުދަމާ އެޅުމުގެ އެއްބަސްވުމާއި ދުވާފަރުގެ މަގު ހެދުމުގެ ދެވަނަ ފިޔަވަހީގެ މަސައްކަތުގެ އެއްބަސްވުން ހިމެނެ އެވެ. ދުވާފަރުގައި ސްޕޯޓްސް ކޮމްޕްލެކްސްއެއް އެޅުމުގެ މަސައްކަތުގެ އެއްބަސްވުމުގައި ވެސް މިއަދު ސޮއިކުރާނެ އެވެ.
މަސްވެރިންގެ ދުވަސް ފާހަގަކުރަން ދުވާފަރުގައި ކުރިއަށް ގެންދާ ބައެއް ހަރަކާތްތައް ރައީސްގެ ދެ ކަނބަލުން މިއަދު ބައްލަވައިލައްވާނެ އެވެ.
ކުދިމަސްކަމަށް ބަލާ މިންގަނޑު މަތިކުރުމުގެ ޝަކުވާ
ވައުދާ އެއްގޮތަށް 900 މިލިއަން ދޫކޮށްފި: މިނިސްޓަރު
އަމާޒަކީ މަސްވެރި އާއިލާތަކުގެ އާމްދަނީ އިތުރުކުރުން
މަސްވެރިންގެ މަސައްކަތް ބަލައިގަތުމަކީ ވާޖިބެއް: ރައީސް
މިފްކޯ ބޯޑުގައި މަސްވެރިން ހިމަނަން ރައީސް ނިންމަވައިފި
ކޮންމެ އޮޑިޔަކަށް ރެސްކިއު ޑައިވަރުން ފެންވަރުގެ މީހެއް
މަސްވެރިންނަށްވީ ވައުދުތައް ފުއްދާނެ ކަމުގެ ޔަގީންކަން
ނަމަކަށް އެއްވެސް ކަމެއް ކުރާކަށް ބޭނުމެއް ނޫން: ރައީސް
އެސްޓީއޯ ރޭޓުގައި ދުވާފަރުގައި ތެޔޮ ވިއްކަން ފަށައިފި
ބޮޑުކަންނެލީގެ މަސްވެރިން އަދިވެސް އިހުތިޖާޖުގައި