16 މެއި 2017
ޖުމްހޫރީ ޕާޓީގެ ނައިބު ލީޑަރު އަބްދުﷲ ރިޔާޒަށް އިތުރު ދެ މައްސަލައެއްގައި ދައުވާކުރަން ޕްރޮސެކިއުޓާ ޖެނެރަލް (ޕީޖީ) އޮފީހަށް ފޮނުވާފައިވާ ކަމަށް ރިޔާޒަށް ފުލުހުން އެންގިޔަސް ރިޔާޒްގެ އިތުރު މައްސަލައެއް ޕީޖީ އޮފީހުގައި ނެތް ކަމަށް އެ އޮފީހުން މިރޭ ބުނެފި އެވެ.
ޖުމްހޫރީ ޕާޓީގެ ނައިބު ލީޑަރު އަބްދުﷲ ރިޔާޒަށް އިތުރު ދެ މައްސަލައެއްގައި ދައުވާކުރަން ޕްރޮސެކިއުޓާ ޖެނެރަލް (ޕީޖީ) އޮފީހަށް ފޮނުވާފައިވާ ކަމަށް ރިޔާޒަށް ފުލުހުން އެންގިޔަސް ރިޔާޒްގެ އިތުރު މައްސަލައެއް ޕީޖީ އޮފީހުގައި ނެތް ކަމަށް އެ އޮފީހުން މިރޭ ބުނެފި އެވެ.
ފުލުހުންގެ ތަހުގީގެއްގައި ކޯޓު އަމުރެއްގެ ދަށުން ރިޔާޒްގެ ފޯނު ހިފަހައްޓައި، ފޯނު ހުޅުވަން އެންގުމުން އެކަން ނުކުރި ކަމަށް ރިޔާޒުގެ މައްޗަށް ދައުވާކޮށް ޝަރީއަތް ހިންގަމުން ދަނިކޮށް ރިޔާޒް މިއަދު ވިދާޅުވީ އިތުރު ދެ މައްސަލައެއްގައި އޭނާ އަށް ދައުވާކުރަން ޕީޖީ އަށް ފޮނުވާފައިވާ ކަމަށް ފުލުހުން އޭނާ އަށް އަންގާފައިވާ ކަމަށެވެ.
އެކަމަކު ޕީޖީ އޮފީހުގެ އޮފިޝަލަކު މިރޭ ވިދާޅުވީ ރިޔާޒްގެ އިތުރު އެއްވެސް މައްސަލައެއް އެ އޮފީހަށް ލިބިފައި ނެތް ކަމަށެވެ.
"ރިޔާޒްގެ މައްޗަށް މިހާރު ދައުވާ އުފުލާފައިވާ މައްސަލަ ފިޔަވައި ރިޔާޒްގެ އެހެން މައްސަލައެއް މި އޮފީހަކު ނެތް،" އޮފިޝަލް ވިދާޅުވި އެވެ.
ފުލުހުންގެ މީޑިއާ އޮފިޝަލް ފޯނަށް ޖަވާބު ނުދެއްވާތީ އެކަމުގައި ފުލުހުންގެ ބަހެއް ނުލިބެ އެވެ.
ކުރީގެ ޕޮލިސް ކޮމިޝަނަރު ރިޔާޒް ވިދާޅުވާ ގޮތުން އިތުރު ދެ މައްސަލައެއް ޕީޖީ އަށް ފޮނުވިކަން ފުލުހުން އެންގީ އޭނާގެ ކުށުގެ ރެކޯޑް ސާފުކުރަން ފުލުހަށް ހުށަހެޅުމުންނެވެ. ރިޔާޒަށް ފުލުހުން ދީފައިވާ ކުށުގެ ރެކޯޑް ފޯމް ބުނާގޮތުން ރިޔާޒަށް ދައުވާކުރަން ފޮނުވި އިތުރު ދެ މައްސަލައަކީ ފިތުނަ އުފެއްދުމުގެ ދެ މައްސަލަ އެކެވެ.
ރިޔާޒްގެ މައްޗަށް ދައުވާކުރާ މައްސަލައިގެ ޝަރީއަތް މިހާރު އޮތީ ހުކުމް އިއްވާ މަރުހަލާގަ އެވެ. އެ ހިސާބަށް މައްސަލަ ގޮސްފައި ވަނިކޮށް ރިޔާޒް ވަނީ އިތުރު ފުރުސަތު ޕްރޮގްރާމްގެ ދަށުން އެ ދައުވާ އަނބުރާ ގެންދަން ޕީޖީ އޮފީހުގައި މިއަދު އެދިވަޑައިގެންފަ އެވެ. އެކަމުގައި ޕީޖީން އަދި ގޮތެއް ނުނިންމަ އެވެ.
ގާސިމާއި ރިޔާޒްގެ މައްސަލާގައި ފުލުހުން ވާހަކަ ނުދެއްކި
ދައުވާއަކީ އަޑު ކަނޑުވާލުމުގެ ސިލްސިލާއެއް: މުއިއްޒު
ރިޔާޒަށް އިތުރު ފުރުސަތު ނުދޭން ޕީޖީން ނިންމައިފި
އިތުރު ދެ މައްސަލައެއް ޕީޖީއަށް ފޮނުވައިފި: ރިޔާޒް
އަބްދުﷲ ރިޔާޒަށް ދައުވާކޮށް ކޯޓަށް ފޮނުވައިފި
ގާސިމްގެ މައްސަލާގައި ޕީޖީން އަދި ގޮތެއް ނުނިންމާ
ކުށް ސާބިތުނުވުމުން ވީޑިއޯ ރިޕޯޓް ހަދާތީ ފާޑުކިޔުން
އޮރިޔާން ފޮޓޯ ޑައުންލޯޑްކުރި މީހާއާ އެކު އެއްބަސްވުމެއް
ނައީމާގެ މަރާ ގުޅޭ އިތުރު ރިޕޯޓްތަކެއް ހަދަނީ
ކޭޕާކް މައްސަލަ ފޮނުވަން ކުރަންޖެހޭ ކަންކަން ކުރަނީ