11 ޖޫން 2017
މޫސުމަށް އަންނަ ބަދަލުތަކުގެ މައްސަލަތަކަށް އިމެއް ނެތް ކަމަށާއި ކޮންމެ އަހަރުތަކު ވެސް މައްސަލަތައް އަންނަނީ އިތުރުވަމުން ކަމަށްއެންވަޔަރަންމަންޓް މިނިސްޓަރު ތޯރިގު އިބްރާހިމް މިއަދު ވިދާޅުވެއްޖެ އެވެ.
މޫސުމަށް އަންނަ ބަދަލުތަކުގެ މައްސަލަތަކަށް އިމެއް ނެތް ކަމަށާއި ކޮންމެ އަހަރުތަކު ވެސް މައްސަލަތައް އަންނަނީ އިތުރުވަމުން ކަމަށްއެންވަޔަރަންމަންޓް މިނިސްޓަރު ތޯރިގު އިބްރާހިމް މިއަދު ވިދާޅުވެއްޖެ އެވެ.
މިހާރު އިޓަލީ ގައި ކުރިއަށްދާ ޖީ7 ގެ ތިމާވެށީގެ ވަޒީރުންގެ ބައްދަލުވުމުގައި ތޯރިގް ވިދާޅުވީ މޫސުމީ މައްސަލަތަކަށް އެންމެ ގައުމަކުން ނުވަތަ ބައެއް ގައުމުތަކުން މަސައްކަތްކޮށްގެން ހައްލެއް ނުހޯދޭނެ ކަމަށެވެ.
މިއަދުން ފެށިގެން މާދަމާގެ ނިޔަލަށް ބާއްވާ މިސަމިޓްގައި މިނިސްޓަރު ވިދާޅުވީ ހަނަފަސްކަމާއި ފެންބޮޑުވުމާއި ހޫނުމިން އިތުރުވުމާއި މޫސުމީ ކާރިސާތައް ކޮންމެ އަހަރަކު ވެސް އިތުރުވަމުން އަންނަ ކަމަށެވެ. އަދި މިފަދަ މައްސަލަތަކުގެ ސަބަބުން، ކުދި ޖަޒީރާ ގައުމުތަކަށް އިގުތިސާދީ ގޮތުންނާއި އެކި ދާއިރާތަކުން ގޮންޖެހުން ކުރިމަތިވާ ކަމަށްތޯރިގު ވިދާޅުވި އެވެ.
މިނިސްޓަރު ވަނީ ރާއްޖޭގައި އިޓަލީ ސަރުކާރުގެ އެހީގައި ހިންގާ، މޫސުމަށް އަންނަ ބަދަލުތަކާއި ތިމާވެއްޓާއި ބެހޭ ޕްރޮގްރާމްތަކާއި މި ދާއިރާއިން އިތުރު އެހީ ހޯދުމާ ބެހޭ ގޮތުން އިޓަލީގެ ތިމާވެށީގެ ވަޒީރާ ބައްދަލުކުރެއްވުމަށް ހަމަޖެހިފަ އެވެ. މީގެ އިތުރުން އިންޓަނޭޝަނަލް ރިނިވްބަލް އެނާޖީން ހިންގާ ތަފާތު މަޝްރޫއުތަކާ ބެހޭ ގޮތުން އެ އޭޖެންސީގެ ޑިރެކްޓަރު ޖެނެރަލްއާ މަޝްވަރާކުރުމަށް ވެސް ވަނީ ހަމަޖެހިފަ އެވެ.
މިނިސްޓަރު ތޯރިގު ވާހަކަފުޅު ދެއްކެވި ބައްދަލުވުމަކީ ޖީ7 ގެ މި ދައުރުގެ ރިޔާސަތު ބަލަހައްޓާ އިޓަލީން އިންތިޒާމުކޮށްގެން ބާއްވާ ބައްދަލުވުމެކެވެ. އެބައްދަލުވުމުގައި ޖީ7 ސަމިޓްގެ މެމްބަރު ގައުމުތައް ކަމަށްވާ އެމެރިކާ، އިގިރޭސިވިލާތް، ފްރާންސް، ޖަޕާން، ޖަރުމަން، ކެނެޑާ އަދި އިޓަލީގެ މިނިސްޓަރުން ބައިވެރިވި އެވެ. މީގެ އިތުރުންއީޔޫގެ އެންވަޔަރަމެންޓް އަދި ކްލައިމެޓް ޗޭންޖުގެ ކޮމިޝަނަރުން ވެސް ބައިވެރިވާނެ އެވެ.
ބައްދަލުވުންތަކުގެ މަގުސަދު ހާސިލްވޭ: ތޯރިގް
ކުރީގެ މިނިސްޓަރު ތޯރިގުގެ ޝުކުރު ރައީސަށް!
ޗައިނާ އިން ރާއްޖެ އަށް 35 ޖަނަރޭޓަރު ހަދިޔާކޮށްފި
ދެ ރަށެއްގައި ނަރުދަމާ އާއި ފެނުގެ ނިޒާމު ގާއިމުކުރަނީ
ކުނި ނައްތާލަން އިންޑަސްޓްރިއަލް ވިލެޖުން ބިން ދީފި
ފެނާއި ނަރުދަމާގެ ނިޒާމް ހަރުދަނާކުރަން ގާނޫނެއް ހަދަނީ
ސްޓާޓަޕްތަކަށް "ލޯ ކާބަން އާތު" ޕްރޮގްރާމުގެ ފުރުސަތު
މައިކަލް ޝިފާގެ އިންޓަވިއު: ރާއްޖެއިން ދައްކަނީ ނަމޫނާ
1.3 މިލިއަން ގަސް އިންދަން ޝައުގުވެރިކަން ފާޅުކޮށްފި
"ސިޑްސްގައި ރައީސުން ބައިވެރިނުވެ އޮތުމަކީ ދެރައެއް"