ދޭން އުޅޭ ހަމަލާގެ ތަފްސީލަށް މައުމޫން އެދިވަޑައިގެންފި

ދޭން އުޅޭ ގެއްލުމުގެ ތަފްސީލް ދިނުމަށް މައުމޫން އެދިވަޑައިގެންފި

09 ޖެނުއަރީ 2018

ކުރީގެ ރައީސް މައުމޫން އަބްދުލްގައްޔޫމްގެ ހަށިކޮޅަށް ގެއްލުމެއް ދޭން އުޅޭ ކަމަށް ބުނެ، އެމަނިކުފާނު ދިރިއުޅުއްވާ ގެކޮޅުގެ ސެކިއުރިޓީ، މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އިން ވަރުގަދަ ކުރުމުން، އެ ގެއްލުމުގެ ތަފްސީލް ދިނުމަށް ޑިފެންސް މިނިސްޓްރީ އަށް މައުމޫން ހުށަހަޅުއްވައިފި އެވެ.

އަހުމަދު ސާއިލް އަލީ

މައުމޫން ދިރިއުޅުއްވާ މ. އެންދެރިމާގޭގެ ސެކިއުރިޓީ ވަރުގަދަކޮށް ރެ އިން ފެށިގެން އެ ގެކޮޅުގެ ބޭރުގައި ސިފައިންގެ ދެ މީހުން އަންނަނީ ފޯރިމަރަމުންނެވެ.

Maumoon ah gellun dheyn ulhey kamah bune gekolhu ge security varugadha koffi

The most trusted news source in the Maldives

Mihaaru

ޑިފެންސް މިނިސްޓްރީ ޓެގްކޮށް މިރޭ ކުރެއްވި ޓުވީޓެއްގައި މައުމޫން ވިދާޅުވީ އެ މަނިކުފާނަށް ހަމަލާއެއް ދޭން އުޅޭ ކަމުގެ މައުލޫމާތު ލިބިވަޑައިގެންފައި ނުވާ ކަމަށެވެ. އެހެންކަމުން އެ ބުނާ ގެއްލުމެއްގެ ތަފްސީލް ހޯއްދެވުމަށް ޑިފެންސް މިނިސްޓްރީ އަށް ސިޓީއަކުން ދަންނަވާފައި ވާނެ ކަމަށާއި، އަމިއްލަފުޅަށް ސަލާމަތީ ކަންތައް ވަރުގަދަ ކުރެވޭނީ ވެސް އޭރުން ކަމަށް މައުމޫންގެ ޓުވީޓްގައިވެ އެވެ.

@MvDefence wrote to me yesterday about a potential physical threat to me & placed 2 mndf soldiers at my residence. I have no evidence of such a threat. I have written to them asking for clarification so that I could personally be on guard.
— Maumoon Abdul Gayoom (@maumoonagayoom) January 9, 2018

މައުމޫން މިރޭ ކުރެއްވި ޓުވީޓް.

ސަރުކާރާ އިދިކޮޅު ކޯލިޝަންގައި އިސްކޮށް ހަރަކާތްތެރިވާ މައުމޫނަށް ސިފައިން ދެމުން އައި ސެކިއުރިޓީ ވަރަށް ފަހުން ވަނީ ދަށްކޮށްފަ އެވެ. އަލުން ސެކިއުރިޓީ ވަރުގަދަކޮށް މައުމޫން ދިރިއުޅުއްވާ ގެކޮޅުގެ ބޭރުގައި ސިފައިން ހަރަކާތްތެރިވާން ފަށާފައިވާ އިރު އިދިކޮޅު ފަރާތްތަކުން ތުހުމަތު ކުރާ ގޮތުގައި އޭގެ މަގުސަދަކީ އެ ގެ އަށް ވަދެނުކުމެ އުޅޭ މީހުން ބެލުމެވެ.

Comments