އެލައިޑުން "އަސްލު ބްރޭކް"ގެ ނަމުގައި ޚާއްސަ ޕްރޮމޯޝަނެއް

"އަސްލު ބްރޭކް"ގެ ނަމުގައި ޚާއްސަ ޕްރޮމޯޝަނެއް އެލައިޑު އިންޝުއަރެންސުން ފަށައިފި އެވެ.

ރާއްޖޭގައި ފުޅާ ދާއިރާއެއްގައި އިންޝުއަރެންސްގެ ޚިދުމަތް ފޯރުކޮށްދޭ ކުންފުނިން ބުނީ ރެއިން ފެށިގެން، އަންނަ އަންގާރަ ދުވަހުގެ ނިޔަލަށް ކުރިއަށް ގެންދާ ޕްރޮމޯޝަންގައި ބައިވެރިވެވޭނީ، އެލައިޑުގެ ކަސްޓަމާ ސާވިސް ބޮޓް "އެޖެންޓް 1600" މެދުވެރިކޮށް ކަމަށެވެ.

އެގޮތުން، ޕްރޮމޯޝަންގައި ބައިވެރިވާން ބޭނުންވާ މީހުން އެޖެންޓް 1600 ގައި "އަސްލު ބްރޭޖް" ހޭޝްޓެގް ޖަހަން ޖެހެ އެވެ. އަދި "އެލައިޑް ލައިފް" ކުއިޒްގެ ސުވާލުތަކަށް ޖަވާބުދޭން ޖެހެ އެވެ.

ޕްރޮމޯޝަންގައި ބައިވެރިވާ މީހުންގެ ތެރެއިން ގުރުއަތުން ހޮވޭ މީހަކަށް އިނާމެއްގެ ގޮތުގައި، ވ. ތިނަދޫގައި ހިންގާ މަޝްހޫރު ގެސްޓް ހައުސް ޕްލޫމޭރިއާ މޯލްޑިވްސް އިން ދެ މީހަކަށް، ދެ ދުވަހުގެ ފުލްބޯޑް ސްޓޭއެއް ލިބޭނެ އެވެ.

ކަސްޓަމަރުންގެ ސުވާލުތަކަށް ބަލައިގެން އަމިއްލަ އަށް ކަންކަން ދަސްކުރާ ގޮތަށް ފަރުމާ ކޮށްފައިވާ އެޖެންޓް 1600 ބޮޓް ބޭނުން ކުރެވޭނީ ވައިބާގެ އިތުރުން ޓެލެގްރާމްގަ އެވެ.