ޝަރީއަތްތަކުގައި ސިއްރުން ހެކި ބަސް ނެގުން ގާނޫނުން މަނާ ކުރާނެ ކަމަށް ކުރީގެ އެޓާނީ ޖެނެރަލް އަދި މަޝްހޫރު ގާނޫނީ ވަކީލު ހުސްނުއް ސުއޫދު މިއަދު ވިދާޅުވެއްޖެ އެވެ.
04 ޖޫން 2018
ޝަރީއަތްތަކުގައި ސިއްރުން ހެކި ބަސް ނެގުން ގާނޫނުން މަނާ ކުރާނެ ކަމަށް ކުރީގެ އެޓާނީ ޖެނެރަލް އަދި މަޝްހޫރު ގާނޫނީ ވަކީލު ހުސްނުއް ސުއޫދު މިއަދު ވިދާޅުވެއްޖެ އެވެ.
ސުއޫދު ކުރެއްވި ޓުވީޓެއްގައި ވިދާޅުވީ "އަހަރުމެން އެދޭ ވެރިކަމެއްގައި" ސިއްރު ހެކިން ބޭނުންކުރުމުގެ އިތުރުން ޝަރީއަތް ސިއްރު ކުރުން ވެސް ގާނޫނުގައި މަނާ ކުރާނެ ކަމަށެވެ.
Aharemen edhey verikamegga sirru hekin beynun kurumaai, shariah sirru kurun gaanoonugai manaa kuruvaanan. Mihaaruge sarukaaraai, JSC gai mihaaru thibi siyaasee meehun fandiyaarunnah nufoozu foaruvumah hingaa jareemaa thakah haggu adhabu dheynan.
— Husnu Al Suood (@hsuood) June 4, 2018
ސުއޫދު މިއަދު ކުރެއްވި ޓުވީޓު.
މީގެ އިތުރުން ރައީސް އަބްދުﷲ ޔާމީންގެ ސަރުކާރާއި ޖުޑިޝަލް ސާވިސް ކޮމިޝަން (ޖޭއެސްސީ) ގައި ތިއްބެވި ސިޔާސީ ބޭފުޅުން، ކޯޓުތަކުގެ އެކިއެކި ފަނޑިޔާރުންނަށް ނުފޫޒު ފޯރުވުމަށް ހިންގާ ޖަރީމާތަކަށް ހައްގު އަދަބު ދެއްވާނެ ކަމަށް ވެސް ސުއޫދު ވިދާޅުވި އެވެ.
Sihru heki dhinumakee Islam dheenugaives oiykameh noon Adhi QA gai ves oiy kameh noon ehen kamun mi dhekanthakaa khilaafah Qaanoonehves adhi Qavaaidhehves nuhedheene kamah QA bunanee .Veemaa Sihru heki e ee baathil . Eee Aniyaaveri vumah kuraakameh kamah Alhugadu dhekenee
— Qasim Ibrahim (@qasimibrahim) June 4, 2018
ގާސިމް ކުރެއްވި ޓުވީޓު.
ޖުމްހޫރީ ޕާޓީގެ ލީޑަރު ގާސިމް އިބްރާހިމް ކުރެއްވި ޓުވީޓެއްގައި ވިދާޅުވީ ސިއްރު ހެކި ދިނުމަކީ އިސްލާމް ދީނާއި ގާނޫނުއަސާސީގައި އޮތް ކަމެއް ނޫން ކަމަށެވެ. އެހެންވެ، މިއާ ހިލާފަށް ގާނޫނެއް ވެސް އަދި ގަވައިދެއް ވެސް ނުހެދޭނެ ކަމަށް ގާސިމް ވިދާޅުވި އެވެ.
Mihaaruves QA gai vanee Saree aiy hinganvaanee faalhukan bodukoh haamakamaaeku kamah Sareeaiy koh Hukum kuranvaanee QA aa Qaanoonaa Qaanoonaa khilaafu nuve hadhaafaivaa Ijuraa Aiythakaa ehgothah kamah . Mihen mikan vanikoh migothah thoa mihaaru kan kuranee . Noon Eaakhilaafah .
— Qasim Ibrahim (@qasimibrahim) June 4, 2018
ގާސިމް ކުރެއްވި ޓުވީޓު.
ގާސިމް ސިފަ ކުރެއްވި ގޮތުގައި ސިއްރު ހެއްކަކީ ބާތިލު، އަނިޔާވެރިވުމަށް ކުރާ ކަމެކެވެ. ޝަރީއަތް ހިންގަންވާނީ ފާޅުކަން ބޮޑުކޮށް ހާމަކަމާ އެކު ކަމަށް ގާނޫނުއަސާސީގައި ބުނެފައިވާ އިރު، ޝަރީއަތްކޮށް، ހުކުމް ކުރަންވާނީ ގާނޫނުއަސާސީއާ ހިލާފު ނުވެ ހަދާފައިވާ އިޖުރާއަތްތަކާ އެއްގޮތަށް ކަމަށް އޭނާ ވިދާޅުވި އެވެ. އެކަމަކު، މިހާރު އަމަލުތައް ހުރީ މިއާ ހިލާފަށް ކަމަށް ވެސް އޭނާ ވިދާޅުވި އެވެ.
ދައުވާ ސާބިތު ކުރުމުގައި، ސިއްރު ހެއްކާއި ސިއްރު ރިޕޯޓް ބޭނުން ކުރުމުގެ މިންގަނޑުތަކެއް ކުރިން ސުޕްރީމް ކޯޓުން ކަނޑައަޅާފައި އޮތް ނަމަ ސިއްރު ހެކި ބޭނުން ކުރުމަކީ އާންމު އުސޫލަކަށް ވެގެން ނުދިޔައީސް ކަމަށް ކުރީގެ އުއްތަމަ ފަނޑިޔާރު އަހުމަދު ފާއިޒް ހުސައިން ވެސް ރޭ ވަނީ ވިދާޅުވެފަ އެވެ.
ފާއިޒް އެ މަނިކުފާނުގެ ފޭސްބުކްގައި ލިޔުއްވާފައި ވަނީ ސިއްރު ހެއްކާއި ސިއްރު ރިޕޯޓްތަކަކީ ނުރައްކާތެރި ދެ ވަސީލަތް ކަމަށެވެ. އެކަމަކު، ހިތާމައަކީ ޖިނާއީ އިޖުރާއާތުގެ ގާނޫނުގެ ދަށުން ސިއްރު ހެއްކާއި ރިޕޯޓްތަކުގެ މައްޗަށް ބިނާކޮށް ދައުވާތައް ސާބިތު ކުރަމުން ދިއުން ކަމަށް ފާއިޒް ވިދާޅުވި އެވެ.
ޝުޖޫންގެ ބަދަލުގައި ޖޭއެސްސީއަށް ފަނޑިޔާރު ސުއޫދު
"ވަކީލުކަމުގެ ހުއްދަ އަތުލާ އިސްލާހަކީ ނުރައްކަލެއް"
އަޅުގަނޑު ގައިގައި އަތްލެވޭނެ ގޮތެއް ނޯންނާނެ: ޔާމީން
އަންހެނުންގެ ދިފާއުގައި އީވާ އާއި ޖީހާން!
ޖުޑިޝަރީ އަށް އެންމެން ނުފޫޒު ފޯރުވާ: އާދަމް ޝަރީފް
ވަގުތު ބޭކާރުނުކޮށް ފަނޑިޔާރުން ވަކިކޮށްދީ: ޔައުގޫބް
މާކުރަތު ކޯޓުގެ އިސް މެޖިސްޓްރޭޓް ސަސްޕެންޑްކޮށްފި
ތިނަދޫ މެޖިސްޓްރޭޓް މަގާމުން ވަކިކުރަން ފާސްކޮށްފި
ސުޕްރީމް ކޯޓުގެ ފަނޑިޔާރުންގެ ޝަރުތު ހަމަވޭތޯ ބަލަނީ
ސުޕްރީމްކޯޓަށް ފަހުގެ އިންޒާރުދޭން މަޖިލިހަށް ގަރާރެއް!
