09 އޯގަސްޓް 2018
ރިޔާސީ އިންތިޚާބުގެ ވޯޓުލާ ދުވަހަކީ ސަރުކާރު ބަންދު ދުވަހެއްގެ ގޮތުގައި ކަނޑައަޅަން ކުރީގެ ބަންޑާރަ ނައިބު ހުސްނުއްސުއޫދު ސުޕްރީމް ކޯޓަށް ހުށަހެޅުއްވި މައްސަލަ ބަލައިނުގަތުމަށް އެ ކޯޓުން ނިންމައިފި އެވެ.
މުއިއްޒު އިބްރާހިމް
ރިޔާސީ އިންތިޚާބުގެ ވޯޓުލާ ދުވަހަކީ ސަރުކާރު ބަންދު ދުވަހެއްގެ ގޮތުގައި ކަނޑައަޅަން ކުރީގެ ބަންޑާރަ ނައިބު ހުސްނުއްސުއޫދު ސުޕްރީމް ކޯޓަށް ހުށަހެޅުއްވި މައްސަލަ ބަލައިނުގަތުމަށް އެ ކޯޓުން ނިންމައިފި އެވެ.
ރިޔާސީ އިންތިޚާބުގެ ވޯޓުލާ ދުވަސް ކަމަށްވާ އަންނަ މަހުގެ 23 ވަނަ ދުވަސް ދިމާވަނީ އާދިއްތަ ދުވަހާ އެވެ. އެއީ ސަރުކާރު ބަންދު ދުވަހެއްގެ ގޮތުގައި ކަނޑައެޅުމާ މެދު ރައީސް އަބްދުﷲ ޔާމީން އަދި ވަކި ގޮތެއް ނުނިންމަވަ އެވެ.
އެދުވަހަކީ ސަރުކާރު ބަންދު ދުވަހެއްގެ ގޮތުގައި ކަނޑައަޅަން ރައީސް ޔާމީންގެ މައްޗަށް އަމުރު ކޮށްދިނުމަށް އެދި ސުއޫދު ސުޕްރީމް ކޯޓަށް ދުސްތޫރީ މައްސަލައެއް ހުށަހެޅުއްވީ ރައްޔިތުންނަށް ފަސޭހަ ކަމާ އެކު ވޯޓުލުމުގެ ހައްގުގެ ބޭނުން ކުރުމަށް މަގުފަހި ކުރުމުގެ ގޮތުންނެވެ.
އެ މައްސަލަ ބަލައިނުގަތުމަށް ސުޕްރީމް ކޯޓުން ނިންމީ އެއީ ސުޕްރީމް ކޯޓުގެ ގަވާއިދުގެ ދަށުން ބަލައިގަނެވޭނެ މައްސަލައަކަށް ނުވާތީ ކަމަށް ސުޕްރީމް ކޯޓުން ސުއޫދަށް ފޮނުވި ޖަވާބުގައިވެ އެވެ.
ސުޕްރީމް ކޯޓަށް ހުށަހެޅޭ މައްސަލަތައް ބަލައިގަތުމާ މެދު ގޮތެއް ނިންމާނީ އެ ކޯޓުގެ ފަނޑިޔާރުންގެ މަޖިލީހުންނެވެ.
އިލެކްޝަންސް ކޮމިޝަނުން ބުނެފައިވާ ގޮތުގައި ވޯޓުލާ ދުވަސް ބަންދު ދުވަހެއްގެ ގޮތުގައި ހަމަޖައްސަން ރައީސް އޮފީހުގައި ވަނީ އެދިފަ އެވެ. އެދުވަސް ބަންދު ކުރާނެ ކަމުގެ އުއްމީދު ބޮޑު ކަމަށް ވެސް އީސީން ބުނެ އެވެ.
މިހާތަނަށް ރާއްޖޭގެ އެއްވެސް އިންތިހާބެއް ހުކުރު ނުވަތަ ހޮނިހިރުދުވަހުގައި ނޫނީ ބާއްވާފައެއް ނުވެ އެވެ.
ބައި އިލެކްޝަންތައް ހުއްޓުވަން ކޯޓަށް ދެވޭނެ: ސުއޫދު
ޑީޖޭއޭގެ އިހުމާލުން ގެއްލުނު ކެންޑިޑެސީ އަލުން ދެނީ
އިންތިޚާބަށް ހުޅުވާލުން: މައްސަލަ ބަލައެއްނުގަތް
އެމްޑީޕީގެ ކެންޑިޑޭޓަކު ވޯޓަކާ ނުލައި ހޮވިއްޖެ
ޕީޕީއެމް ކެންޑިޑޭޓެއްގެ ކެންޑިޑެސީ ބާތިލްކުރަން ކޯޓަށް
އިންތިޚާބު ފަސް،ކުރާ މައްސަލަ ސުޕްރީމް ކޯޓަށް
އިންތިޚާބު ބާތިލް ކުރެވޭކަށް ނެތް: ސުޕްރީމް ކޯޓު
އިންތިޚާބުގެ މައްސަލާގެ ބަޔާންތަކުގައި ސޮއިކޮށްފި
ސުޕްރީމް ކޯޓުގެ ނިންމުމަށް މުޅި ގައުމު އިންތިޒާރުގައި
ސިއްރު ހެކި ނުނަގައި، އަޑުއެހުންތައް ނިންމާލައިފި
