26 ސެޕްޓެމްބަރ 2018
އަންނަ އަހަރަށް ކަނޑައަޅާ ދައުލަތުގެ ބަޖެޓް މި މަހުގެ 30ގެ ކުރިން ރައްޔިތުންގެ މަޖިލީހަށް ފޮނުވާއިރު، އާ ސަރުކާރުގެ ސިޔާސަތުތައް އެ ބަޖެޓްގައި ނުހިމެނޭނެ ކަމަށާއި އެ ސިޔާސަތުތައް ބަޖެޓްގައި ހިމަނާނީ މަޖިލީހުން ކަމަށް ފިނޭންސް މިނިސްޓަރު އަހުމަދު މުނައްވަރު މިއަދު ވިދާޅުވެއްޖެ އެވެ.
އަބްދުﷲ ޖަމީލު
އަންނަ އަހަރަށް ކަނޑައަޅާ ދައުލަތުގެ ބަޖެޓް މި މަހުގެ 30ގެ ކުރިން ރައްޔިތުންގެ މަޖިލީހަށް ފޮނުވާއިރު، އާ ސަރުކާރުގެ ސިޔާސަތުތައް އެ ބަޖެޓްގައި ނުހިމެނޭނެ ކަމަށާއި އެ ސިޔާސަތުތައް ބަޖެޓްގައި ހިމަނާނީ މަޖިލީހުން ކަމަށް ފިނޭންސް މިނިސްޓަރު އަހުމަދު މުނައްވަރު މިއަދު ވިދާޅުވެއްޖެ އެވެ.
"މިހާރު"އާ ވާހަކަދައްކަވަމުން މިނިސްޓަރު ވިދާޅުވީ އަންނަ އަހަރުގެ ބަޖެޓްގައި އާ ސަރުކާރުގެ ސިޔާސަތުތައް ނުހިމަނާނެ ކަމަށެވެ. އަދި އާ ސަރުކާރުގެ ސިޔާސަތުތައް ބަޖެޓްގައި ހިމެނުމާ މެދު ގޮތެއް ނިންމަންވާނީ މަޖިލީހުން ކަމަށް ދެކެވަޑައިގަންނަވާ ކަމަށް ވެސް މުނައްވަރު ވިދާޅުވި އެވެ.
"އަޅުގަނޑުމެން މިގެންދަނީ ބަޖެޓް ތައްޔާރުކުރަމުން. އަދި ބަޖެޓް މަޖިލީހަށް ފޮނުވާނީ ވަޒީރުންގެ މަޖިލީހުގައި މަޝްވަރާ ކުރުމަށް ފަހު، ވަރަށް އަވަހަށް ވަޒީރުންގެ މަޖިލީހަށް ބަޖެޓް ފޮނުވާނަން،" މިނިސްޓަރު ވިދާޅުވި އެވެ.
މުނައްވަރު ވިދާޅުވީ މީގެ ކުރިން ސަރުކާރު ބަދަލުވުމުން އަލަށް އަންނަ ސަރުކާރުން ސަޕްލިމެންޓްރީ ބަޖެޓް ވެސް ހުށަހަޅާފައިވާ ކަމަށެވެ. އަދި މި ފަހަރުގެ ބަޖެޓް ހުށަހެޅުމުން އާ ސަރުކާރުގެ ސިޔާސަތުތައް އެ ބަޖެޓްގައި ހިމެނުމާ މެދު ގޮތެއް ނިންމާނީ މަޖިލީހުގެ ތަޅުމުން ކަމަށް ވެސް މިނިސްޓަރު ވިދާޅުވި އެވެ.
މުނައްވަރު ވިދާޅުވީ ގާނޫނުގައިވާ ގޮތުގެ މަތިން އަންނަ އަހަރުގެ ބަޖެޓް މިމަހުގެ 30ގެ ކުރިން މަޖިލީހަށް ފޮނުވާނެ ކަމަށެވެ.
އިދިކޮޅުން ހުށަހެޅި އިސްލާހާ ނުލައި ބަޖެޓް ފާސްކޮށްފި
ފައިސާ ޗާޕްކުރުމުގެ މުއްދަތު އިތުރު ކޮށްދޭން އެދިއްޖެ
ގަމުގައި ކެންސަރު ހޮސްޕިޓަލް އަޅަން 98 މިލިއަން ރުފިޔާ
ހިންގުން ރަނގަޅު ނުކުރާ ވެރިން ބަދަލުކުރާނަން: އަމީރު
ދަތުރުފަތުރަށް ހާއްސަ ކުންފުންޏެއް އުފައްދަނީ
ޖަޕާނަށް 300 މިލިއަން ޑޮލަރުގެ ބޮންޑެއް ވިއްކަނީ
ބަޖެޓު ހުށަހެޅުމުގެ ޖަލްސާ މާދާމާ ބާއްވަނީ
ސޮވްރިން ފަންޑް ރައްކާތެރިކުރަން ގާނޫނެއް ހަދަން ޖެހޭ
ބޮޑު ފައިދާ ކޮށްދޭނީ ބީއެެމްއެލް، ދިރާގު އަދި އެސްޓީއޯ
އާ ސަރުކާރުން ސަޕްލިމެންޓްރީ ބަޖެޓެއް ހުށަހަޅަނީ
