ޕްރިންސް ހެރީ ބައްޕައަކަށް ވަނީ

15 އޮކްޓޯބަރ 2018

މިދިޔަ މެއި މަހު ކައިވެނި ބައްލަވައިގަތް އިނގިރޭސިވިލާތުގެ ޕްރިންސް ހެރީގެ އަނބިކަނބަލުން މޭގަމް މާކްލް އިންނެވީ އާލާސްކަންފުޅާ ކަން ޝާހީ އާއިލާ އިން ކަށަވަރުކޮށް ދީފި އެވެ.

އަހުމަދު އަދްޝަން

ޕްރިންސް ހެރީ އާއި ހޮލީވުޑްގެ ކުރީގެ ބަތަލާ މޭގަން މާކްލް ކައިވެނީ ބައްލަވައިގަތީ މެއި މަހުގެ 19 ވަނަ ދުވަހު އެވެ. މޭގަން އަލަތު ދަރިފުޅަށް އާލާސްކަންފުޅާ އިންނެވިކަން ކެންސިންޓަލް ޕެލަސް އިން ކަށަވަރުކޮށް ދީފައި މި ވަނީ އެ ވާހަކަ މީޑިއާތަކުގައި ދެކެމުންދާތާ ދުވަސްކޮޅެއް ފަހުންނެވެ.

ކެންސިންޓަން ޕެލެސް އިން ކުރި ޓްވީޓެއްގައި ބުނީ، ވިހާނީ އަންނަ އަހަރުގެ ބަހާރު މޫސުމުގައި ކަމަށެވެ.

Their Royal Highnesses The Duke and Duchess of Sussex are very pleased to announce that The Duchess of Sussex is expecting a baby in the Spring of 2019. pic.twitter.com/Ut9C0RagLk
— Kensington Palace (@KensingtonRoyal) October 15, 2018

ޕްރިންސް ހެރީ އާއި މޭގަން މިހާރު އުޅުއްވަނީ ގައުމުން ބޭރަށް ކުރައްވާ ރަސްމީ ދަތުރެއްގައި އޮސްޓްރޭލިއާގަ އެވެ.

ދެހާސް އެގާރައިގައި ކައިވެނި ބައްލަވައިގަތް ހެރީގެ ބޭބެ ޕްރިންސް ވިލިއަމާއި ކޭޓް މިޑްލްޓަން އަށް ތިން ބޭފުޅުން ލިބިވަޑައިގެންފައިވެ އެވެ. ހެރީ އާއި ވިލިއަމްއަކީ އަވަހާރަވެފައިވާ ޕްރިންސެސް ޑަޔާނާ އާއި ޕްރިންސް ޗާލްސްގެ ދެ ދަރިކަލުންނެވެ.

Comments