އަދަބީ އީދު ނިންމުމުގެ ރަސްމިއްޔާތަށް ރައީސް މަނަދު އަށް

ދިވެހިބަހުގެ އެކެޑެމީން އިންތިޒާމުކޮށްގެން ނ. އަތޮޅުގައި ކުރިއަށް ގެންދިޔަ "މިލަދެކުނު އަދަބީ އީދު 2019" ނިންމުމުގެ ރަސްމިއްޔާތުގައި ބައިވެރިވެވަޑައިގަތުމަށް ރައީސް އިބްރާހިމް މުހައްމަދު ސޯލިހް އެ އަތޮޅު މަނަދޫ އަށް ވަޑައިގެންނެވުމުން އެމަނިކުފާނަށް މިއަދު ހޫނު މަރުހަބާއެއް ދަންނަވައިފި އެވެ.

އަދަބީ އީދު ނިންމުމުގެ ރަސްމިއްޔާތުގައި ބައިވެރިވެވަޑައިގަތުމަށް ރައީސް މަނަދު އަށް ވަޑައިގަތީ ހަވީރެވެ.

މި ޖަލްސާ އޮންނާނީ މިރޭ ނުވައެއް ޖަހާ އިރު، މަނަދޫ ސުކޫލް ހޯލްގަ އެވެ.

ރައީސް މަނަދު އަށް ވަޑައިގެންނެވުމުން އެމަނިކުފާނަށް ހޫނު މަރުހަބާއެއް ދެންނެވީ ސަގާފީ ހަރަކާތްތަކާ އެކީގަ އެވެ.

މަނަދޫގައި ކުރިއަށް ދިޔަ އީދުގައި އެ އަތޮޅުގެ ރަށްރަށުގެ ސުކޫލްތަކުގެ މެދުގައި ވާދަވެރި މުބާރާތްތަކެއް ވަނީ ކުރިއަށް ގެންގޮސްފައެވެ. މަނަދޫގައި ކުރިއަށް ދިޔަ މުބާރާތްތަކުގެ ތެރޭގައި ޅެން ހެދުމާއި ރައިވަރު ކިޔުމާއި އަތު ލިޔުމުގެ މުބާރާތެއް ވެސް ބޭއްވި އެވެ.