ބޮލީވުޑްގެ ޚަބަރުތައް ކުރުކޮށް

04 ޑިސެމްބަރ 2019

ބޮލީވުޑްގައި މިހާރު ކުރިއަރަމުން އަންނަ ޒުވާން ބަތަލާ ބޫމީ ޕެޑްނޭކަރު އަނެއްކާ ވެސް ބިރުވެރި ފިލްމަކަށް ސޮއިކޮށްފި އެވެ.

އަހުމަދު އަދްޝަން

ކަރަން ޖޯހަރު އަންނަ އަހަރު އެކްޓަރު ވިކީ ކޯޝަލްއާ އެކު ގެނެސްދޭ "ބޫތު-ޕާޓް ވަން: ދަ ހޯންޓެޑް ޝިޕް" ގެ ބަތަލާގެ ރޯލުން ވެސް ފެންނަ ބޫމީ އަލަށް ސޮއިކުރި ބިރުވެރި ފިލްމަކީ އަކްޝޭ ކުމާރާއި ބުޝަން ކުމާރުގެ އިތުރުން ވިކްރަމް މަލްއުތުރާ ޕްރޮޑިއުސަރެއްގެ ގޮތުގައި ހިއްސާވާ "ދުރުގާވަތީ" އެވެ.

އަންނަ މަހުގެ ތެރޭގައި ޝޫޓިން ފަށާ ފިލްމު ރަސްމީކޮށް އިއުލާންކުރި ނަމަވެސް މީގެ ބޮޑު ތަފުސީލެއް އަދި ހާމައެއްނުކުރެ އެވެ. "ދުރުގާވަތީ" ޑައިރެކްޓްކުރާނީ އަޝޯކެވެ.

ބޫމީ މިހާރު އަންނަނީ އޭނާގެ އެންމެ ފަހުގެ ފިލްމު ރިލީޒްކުރަން ތައްޔާރުވަމުންނެވެ. އެއީ ހުކުރު ދުވަހު ރިލީޒްކުރާ "ޕަތީ ޕަތުނީ އޯރް ވޯ" އެވެ.

މި އަހަރުގެ މިހާތަނަށް އޭނާ ފެނިގެން ދިޔަ ފިލްމުތަކުގެ ތެރޭގައި "ސޯންޗިރައްޔާ" އާއި "ބާލާ" ގެ އިތުރުން "ސާންޑް ކީ އާނކް" ހިމެނެ އެވެ.

I have waited so long to share this one with you. So excited to announce my next film #DURGAVATI. A scary-thriller going on floor mid-January. Thank you @akshaykumar sir for your constant belief in me. I am so excited for this one @itsBhushanKumar @vikramix. pic.twitter.com/SwPCXVti8z
— bhumi pednekar (@bhumipednekar) November 30, 2019

މީގެ އިތުރުން ބޫމީ މުހިއްމު ރޯލެއް ކުޅެފައިވާ "ޑޯލީ ކިޓީ އޯރް ވޯ ޗަމަތުކޭ ސިތާރޭ" އޮކްޓޯބަރު މަހު ބޭއްވި 24 ވަނަ ބުސާން އިންޓަނެޝަނަލް ފެސްޓިވަލްގައި ޕްރިމިއާ ވެސްކޮށްފައިވެ އެވެ.

އެ ފިލްމު ރިލީޒްކުރާނެ ތާރީހެއް އަދި އިއުލާނެއްނުކުރެ އެވެ.

ޖޯންގެ "އެޓޭކް" އޮގަސްޓް 2020 ގައި

ޖޯން އަބްރަހަމްގެ އެކްޝަން ތުރިލާ "އެޓޭކް" އަންނަ އަހަރުގެ އޮގަސްޓް މަހުގެ 14 ގައި ސިނަމާތަކަށް ގެންނަން ނިންމައިފި އެވެ.

Excited to share the RELEASE DATE of my film, ATTACK. Written & Directed by Lakshya Raj Anand, the film will release worldwide on 14th August, 2020. Happy to partner with ⁦@jayantilalgada⁩ @ajay0701 @PenMovies @johnabrahament ⁦⁦@LakshyaRajAnand⁩ pic.twitter.com/MFTXhXq4tE
— John Abraham (@TheJohnAbraham) November 30, 2019

ލަކްޝް ރާޖްް އާނަންދު ޑައިރެކްޓްކުރާ މި ފިލްމުން ޖޯންއާ އެކު ބަތަލާއިންގެ ރޯލުން ފެނިގެންދާނީ ޖެކްލިން ފެނަންޑޭޒާއި ރަކުލް ޕްރީތު ސިންގެވެ. "އެޓޭކް" ވެގެން ދާނީ ޖޯންއާ އެކު ރަކުލް ކުޅޭ ފުރަތަމަ ފިލްމަށެވެ.

ޖޯންއާ އެކު ޖެކްލިން ވަނީ "ހައުސްފުލް 2" އާއި "ރޭސް 2" ގެ އިތުރުން "ޑިޝޫމް" ގައި މަސައްކަތްކޮށްފަ އެވެ.

އަންނަ އަހަރު ރިލީޒްކުރާ ޖޯންގެ ފިލްމުތަކުގެ ތެރޭގައި "މުމްބާއީ ސާގާ" އާއި "ސަތިޔަމޭޖް ޖަޔަތޭ 2" ވެސް ހިމެނެ އެވެ.

"މުންނާ ބަދުނާމް ހުއާ" ދައްކާލައިފި

އަހަރުގެ އެންމެ ވަރުގަދަ އައިޓަމް ލަވައަށްވެގެން ދާނެ ސަލްމާން ޚާންގެ އާ ފިލްމު "ދަބަންގް 3" ގެ އައިޓަމް ލަވަ "މުންނާ ބަދުނާމް ހުއާ" ދައްކާލައިފި އެވެ.

Humaare dil se ye tohfaa aap sab keliye! Jao, or dekho ki #MunnaBadnaamHuapar kaise!https://t.co/zeRQriN6kG @arbaazSkhan @sonakshisinha @saieemmanjrekar @PDdancing @KicchaSudeep @nikhil_dwivedi @Warina_Hussain @SajidMusicKhan @wajidkhan7 @Its_Badshah @imKamaalKhan
— Chulbul Pandey (@BeingSalmanKhan) November 30, 2019

ފޯރިގަދަ ނެށުންތަކެއް ފެނިގެންދާ މި ލަވައިގައި ހަރަކާތްތެރި ވަނީ ސަލްމާނާއި ފިލްމުގެ ޑައިރެކްޓަރު ޕްރަބޫދޭވާގެ އިތުރުން ސަލްމާން މިދިޔަ އަހަރު ޕްރޮޑިއުސްކުރި ފިލްމު "ލަވްޔާތުރީ" އިން ބޮލީވުޑަށް ތައާރަފުވި ވަރީނާ ހުސައިނެވެ.

މި މަހުގެ 20 ގައި ރިލީޒްކުރާ "ދަބަންގް 3" ގެ އައިޓަމް ލަވަ "މުންނާ ހުއާ ބަދުނާމް" އަކީ މި ސީރީޒްގެ ފުރަތަމަ ފިލްމު 2010 ގެ "ދަބަންގް" ގައި ހިމެނޭ "މުންނީ ބަދުނާމް ހުއީ" ގެ ފިރިހެން ވާޝަނެވެ. ލަވަކިޔާފައި ވަނީ ބާދްޝާ އާއި މަމްތާ ޝަރުމާގެ އިތުރުން ކަމާލް ޚާނެވެ.

"ދަބަންގް 3" ބަތަލާއިންނަކީ ސޮނާކްޝީ ސިންހާ އާއި އަލަށް ތައާރަފުވާ ސާއީ މުކަރްޖީ އެވެ.

"ސަބާޝް މިތޫ" އަށް ތާޕްސީ ސޮއިކޮށްފި

އިންޑިއާގެ މަޝްހޫރު އަންހެން ކްރިކެޓް ތަރި މިތާލީ ރާޖްގެ ވާހަކަ ކިޔައިދޭ ފިލްމަށް ބަތަލާ ތާޕްސީ ޕައްނޫ ސޮއިކޮށްފި އެވެ.

Happy Birthday Captain @M_Raj03 On this Birthday, I don’t know what gift I can give you but this promise that I shall give it all I have to make sure you will be proud of what you see of yourself on screen with #ShabaashMithu
P.S- I’m all prepared to learn THE ‘cover drive’ pic.twitter.com/a8Ha6BMoFs
— taapsee pannu (@taapsee) December 3, 2019

ފިލްމުގެ ޓައިޓްލް ރޯލް ކުޅެން ތާޕްސީ ހަމަޖެއްސި އިރު، ފިލްމުގެ ނަމަކަށް ހަމަޖައްސާފައި ވަނީ "ޝަބާސް މިތޫ" އެވެ. ވަޔަކޮމް 18 ސްޓޫޑިއޯސް އިން ޕްރޮޑިއުސްކުރާ ފިލްމު ޑައިރެކްޓްކުރަނީ ރާހުލް ދޮލާކިއާ އެވެ. އޭނާ އެންމެ ފަހުން ގެނެސްދިން ހިންދީ ފިލްމަކީ 2017 ގައި ޝާހްރުކް ޚާން ކުޅުނު "ރައީސް" އެވެ.

"ޝަބާޝް މިތޫ" ގެ އިތުރުން ތާޕްސީ އަތުގައި މިހާރު ވެސް އިތުރު ކުޅިވަރު ޝަހުސިއްޔަތެއްގެ ބައޮގްރަފިކަލް ޑްރާމާއެއް އެބައޮތެވެ. އެއީ ގުޖުރާތަށް އުފަން ދުވުންތެރިޔާ ރާޝްމީގެ ވާހަކަ ކިޔައިދޭ "ރާޝްމީ ރޮކެޓް" އެވެ.

އަންނަ އަހަރު ރިލީޒްކުރާ މި ފިލްމަކީ ރޯނީ ސްކޫރޫވާލާ ޕްރޮޑިއުސްކޮށް، އާކާޝް ކްރާނާ ޑައިރެކްޓްކުރާ ފިލްމެކެވެ.

Comments