މައިކްރޮސޮފްޓް 2030 ގައި ކާބަން ނިއުޓްރަލް ވަނީ

19 ޖެނުއަރީ 2020

ތިމާވެއްޓަށް ގެއްލުން ހުރި ހަކަތަ ބޭނުންކުރުން ހުއްޓާލައި، 2030 އަންނަންވާ އިރަށް ތިމާވެއްޓާ ރައްޓެހި ހަކަތަކާ އެކު ކާބަން ނިއުޓްރަލް ވާން އަމާޒު ހިފާފައިވާ ކަމަށް މައިކްރޮސޮފްޓުން ބުނެފި އެވެ.

އަހުމަދު އަދްޝަން

ޒީރޯ އެމިޝަން އަމާޒަކަށް ހަދައި، ކްލީން ޓެކްނޮލޮޖީއާ ދިމާއަށް މިސްރާބު ޖަހާފައިވާކަން ބުރާސްފަތި ދުވަހު އިއުލާންކޮށް، އެ ކުންފުނިން ބުނީ އެ އަމާޒަށްވުމަށްޓަކައި ކުރިއަށް އޮތް 10 އަހަރަށް ބިލިއަން ޑޮލަރު އިންވެސްޓްކުރަން ނިންމާފައިވާ ކަމަށެވެ.

16 million tons of carbon a year ➡️ below zero.

Microsoft will be #carbon negative by 2030: https://t.co/H3e0tYqlnH pic.twitter.com/BH4gcFqo9b
— Microsoft On the Issues (@MSFTIssues) January 16, 2020

ދުނިޔޭގައި ދެވަނަ އަށް އެންމެ މުއްސަނދި މީހާ ބިލް ގޭޓްސްގެ މައިކްރޮސޮފްޓްގެ ރައީސް ބްރެޑް ސުމިތު ނެރުއްވި ބަޔާނެއްގައި ވިދާޅުވީ މުޅި ދުނިޔެ ވެސް ޒީރޯ އެމިޝަނަށް ދާން ޖެހިފައިވާ މި ދަނޑިވަޅުގައި އެ ކުންފުނީގެ އަމާޒަކަށްވާނީ ވީހާ ވެސް އަވަހަކަށް ލަނޑުދަނޑި އަށް ވާސިލުވާން މަސައްކަތްކުރުން ކަމަށެވެ.

Today we announced a bold plan to become carbon negative by 2030. Reaching this goal starts by understanding – and getting real – on carbon math. Here’s a quick explainer. WATCH: https://t.co/LSSjWxKkBD
— Brad Smith (@BradSmi) January 16, 2020

"އަހަރެމެން ބުނަން އޮތް ވާހަކަ އަކީ މިކަން މިހާރުން މިހާރަށް ވެސް ފަށައިގަނެ، މިކަމާ އުޅެވެން ތިބި ބަޔަކު މިކަން އަވަސްކުރަން ޖެހެއޭ،" އޭނާ ވިދާޅުވި އެވެ.

Today, Microsoft announces its plan to be carbon negative by 2030. pic.twitter.com/xtm7NfQaIf
— Microsoft On the Issues (@MSFTIssues) January 16, 2020

މައިކްރޮސޮފްޓުން ބުނިގޮތުގައި އެ ކުންފުނިން މި އަހަރު އެކަނި ވެސް 16 މިލިއަން މެޓްރިކް ޓަނުގެ ކާބަން އެމިޝަން މަދުކުރާނެ އެވެ.

"ހަމަމިއާ އެކު ކުންފުނީގެ އެތެރޭގެ ކާބަން ފީ ފުޅާކޮށް، މިކަމަށް ހޭދަކުރާ ފަންޑް އިތުރުކުރާނެ،" ސުމިތު ވިދާޅުވި އެވެ.

"Each of us must commit to do more, in order for us to collectively achieve more.” - @satyanadella ?

Learn more about Microsoft's plan to be carbon negative by 2030: https://t.co/B72tmH6jbt #sustainability
— Microsoft (@Microsoft) January 16, 2020

މައިކްރޮސޮފްޓިން ބުނިގޮތުގައި ކާބަން ނިއުޓްރަލްވާން ކުރާ މަސައްކަތުގެ ތެރޭގައި 2025 އާ ހަމައަށްދާ އިރު 100 ޕަސަންޓް އިޔާދަކުރަނިވި ހަކަތަ ބޭނުންކުރުމާއި ކުންފުނީގެ މުވައްޒަފުން މަސައްކަތްކުރާ ކެމްޕަސްތަކުގައި 2030 އާ ހަމައަށް އަންނަ އިރު މުޅިން ވެސް އިލެކްޓްރިކް ވެހިކަލްތައް ބޭނުންކުރުމާއި ކާބަން ރިޑަކްޝަން ޓެކްނޮލޮޖީ ތަރައްގީކުރަން "ކްލައިމެޓް އިނޮވޭޝަން ފަންޑް' ގެ ނަމުގައި ބިލިއަން ޑޮލަރުގެ ފަންޑެއް ހުޅުވބުން ހިމެނެ އެވެ.

ދުނިޔޭގެ މަޝްހޫރު ބޮޑެތި ކުންފުނިތަކުގެ ތެރެއިން ގޫގްލް އަކީ 2007 އިން ފެށިގެން ކާބަން ނިއުޓްރަލް ކުންފުންޏެކެވެ. އެ އަމާޒަށް ވާސިލުވާން މަސައްކަތްކުރާ ކުންފުނިތަކުގެ ތެރޭގައި އެމެޒޯނާއި އެޕަލް ހިމެނެ އެވެ.

Comments