އަންހެން ކުދިން ހިތާނުކުރަން ޖެހޭ އަސާސެއް ނެތް: މައުމޫން

22 ޖެނުއަރީ 2020

އަންހެން ކުދިން ހިތާނު ކުރަން ޖެހޭ އެއްވެސް އަސާސެއް އިސްލާމީ ޝަރީއަތުގައި ނެތް ކަމަށް ކުރީގެ ރައީސް މައުމޫން އަބްދުލްގައްޔޫމް މިއަދު ވިދާޅުވެއްޖެ އެވެ.

އަހުމަދު ސާއިލް އަލީ

ރައީސް މައުމޫން އެގޮތަށް ވިދާޅުވެ މިއަދު ޓްވީޓް ކުރެއްވީ އެ މައްސަލާގައި އިސްލާމީ ފަތުވާ ދޭ އެންމެމަތީ މަޖިލީހުގެ ރައުޔެއް ހޯދަން އިސްލާމިކް މިނިސްޓްރީން ހުށަހަޅައިފައި ވަނިކޮށެވެ.

އިނގިރޭސި ބަހުން ކުރެއްވި ޓްވީޓްގައި މައުމޫން ވިދާޅުވީ އިސްލާމް ދީނުން އިންސާނުން ވަނީ ޖިސްމާނީ ގޮތުންނާއި ނަފްސާނީ ގޮތުން އަދި ރޫހާނީ ގޮތުން ވެސް ރައްކާތެރި ކުރައްވާފައި ކަމަށެވެ. އެއަށްފަހު ވިދާޅުވީ އަންހެން ކުދިން ހިތާނުކުރަން ޖެހޭ އެއްވެސް އަސާސެއް އިސްލާމް ދީނުގައި ނެތް ކަމަށެވެ.

Islam calls for the protection of the physical, mental and spiritual well-being of all human beings. Therefore, there can be no basis for FGM in Islamic law. ⁦@MRM_Office⁩
— Maumoon Abdul Gayoom (@maumoonagayoom) January 22, 2020

މައުމޫން ކުރެއްވި ޓްވީޓް--

އިސްލާމިކް މިނިސްޓަރު ޑރ. އަހުމަދު ޒާހިރު އަލީ ސޮއިކުރައްވައި ފަތުވާ މަޖިލީހުގެ ރައީސް ޝައިހް މުހައްމަދު ރަޝީދު އިބްރާހިމަށް މިމަހު 5 ވަނަ ދުވަހު ފޮނުއްވި ސިޓީގައި ވިދާޅުވެފައި ވަނީ އަންހެނުން ހިތާނުކުރުމާ ގުޅޭ ރައުޔެއް ވީ އެންމެ އަވަހަކަށް ފޮނުއްވައި ދެއްވުން އެދޭ ކަމަށެވެ.

ހެލްތު މިނިސްޓަރު އަބްދުﷲ އަމީން ވަނީ އެޗްޕީއޭގެ އެ އެންގުން އަނބުރާ ގެނައުމަށް އަންގަވައިފަ އެވެ. އޭނާ ވިދާޅުވީ އަންހެން ކުދިން ހިތާނު ކުރުމަކީ ސަރުކާރުގެ ސިޔާސަތެއް ނޫން ކަމަށެވެ. އަދި އެކަމަށް ހިތްވަރު ނުދެއްވާ ކަމަށް ވިދާޅުވި އެވެ.

Anhenun hithaanu kurumakee sarukaaruge siyaasatheh noon: Ameen

The most trusted news source in the Maldives

Mihaaru

މިނިސްޓަރު އަމީން އެޗްޕީއޭއަށް އެންގުން

އަންހެނުން ހިތާނުކުރުމުގެ ކަންކަން ރާއްޖޭގައި ވެސް ކުރާ ކަމަށް ވާހަކަ ދެކެވެ އެވެ. އަންހެނުން ހިތާނުކުރުމުގެ ސަބަބުން ސިއްހީ އެކި މައްސަލަތައް ކުރިމަތިވާތީ އެކަން ނުކުރުމަށް ބައިނަލްއަގުވާމީ ސިއްހީ އިދާރާތަކުން ލަފާދެ އެވެ.

Comments