18 ފެބުރުއަރީ 2020
ދިވެހި ޒުވާނުންނަށް ދީނީ ނަސޭހަތް ދިނުމަށްޓަކައި، މަޝްހޫރު ދީނީ އިލްމުވެރިޔާ ޑރ. ބިލާލް ފިލިޕްސް ރާއްޖެ ގެނައުމަށް ޔޫތު އެންޑް ސްޕޯޓްސް މިނިސްޓްރީން ނިމުމުން އެއީ ހަރުކަށި ފިކުރުގެ ބޭފުޅެއް ކަމަށް ވިދާޅުވެ، އެމްޑީޕީގެ ބައެއް އިސް ބޭފުޅުން އެ ނިންމުމާ ދެކޮޅު ހައްދަވަން ފައްޓަވައިފި އެވެ.
އާސިމާ ނިޒާރު
ދިވެހި ޒުވާނުންނަށް ދީނީ ނަސޭހަތް ދިނުމަށްޓަކައި، މަޝްހޫރު ދީނީ އިލްމުވެރިޔާ ޑރ. ބިލާލް ފިލިޕްސް ރާއްޖެ ގެނައުމަށް ޔޫތު އެންޑް ސްޕޯޓްސް މިނިސްޓްރީން ނިމުމުން އެއީ ހަރުކަށި ފިކުރުގެ ބޭފުޅެއް ކަމަށް ވިދާޅުވެ، އެމްޑީޕީގެ ބައެއް އިސް ބޭފުޅުން އެ ނިންމުމާ ދެކޮޅު ހައްދަވަން ފައްޓަވައިފި އެވެ.
ކެނެޑާ އަށް އުފަން ބިލާލް، މިހާތަނަށް ފަސް ފަހަރެއްގެ މަތިން ރާއްޖެ ވަޑައިގެން ދީނީ ނަސޭހަތް ދެއްވާފައި ވިޔަސް އެއީ ހަރުކަށި ފިކުރުގެ ބޭފުޅެއް ކަމަށް ނިންމައި ބައެއް ގައުމުތަކަށް އޭނާ އެތެރެވުން ވަނީ މަނާކޮށްފަ އެވެ. އޭގެ ތެރޭގައި ޕާކިސްތާނާއި ބަންގްލަދޭޝް ފަދަ ގައުމުތައް ހިމެނެ އެވެ.
ނަމަވެސް، ޔޫތު އެންޑް ސްޕޯޓްސް މިނިސްޓަރު އަހުމަދު މަހްލޫފް މިއަދު ކުރެއްވި ޓުވީޓެއްގައި ވިދާޅުވީ، ޒުވާނުންނަށް ހާއްސަ ކޮށްގެން، ތަހައްމަލު ކުރުމާއި އަމާންކަމާއި ރައްކާތެރިކަން ޕްރޮމޯޓު ކުރުމަށް އަންނަ މަހުގެ 12-18 ވަނަ ދުވަހާ ހަމައަށް ބިލާލް ރާއްޖޭގައި ހުންނަވާނެ ކަމަށެވެ. އެ ދައުވަތު ގަބޫލު ކުރެއްވުމުން މަހުލޫފު ވަނީ އޭނާ ބިލާލަށް ޝުކުރު އަދާކުރައްވައިފަ އެވެ.
Yes. We are much in need of “Tolerance, Peace & Harmony.” The world is. However, even a perfunctory glance at Google would show that Bilal Philips is not the man for the job. He propagates extremism, violence against women,not to mention his destructive views on democracy. Stop. https://t.co/vG3lxmCISw
— Eva Abdulla ?❓ (@evattey) February 18, 2020
މަހުލޫފުގެ ޓްވީޓަށް ރައްދު ދެއްވަމުން ރައްޔިތުންގެ މަޖިލީހުގެ ނައިބު ރައީސް އަދި ގަލޮޅު އުތުރު ދާއިރާގެ އެމްޑީޕީގެ މެމްބަރު އީވާ އަބްދުﷲ ވިދާޅުވީ، އަހަރެމެން އެންމެން މިތިބީ ތަހައްމަލު ކުރުމާއި އަމާންކަމާއި ރައްކާތެރިކަން ވަރަށް ބޭނުންވެފައި ކަމަށެވެ. އެކަމަކު، އީވާ ވިދާޅުވީ ގޫގުލް އިން ސާޗް ކުރުމުން ވެސް އެކަމަށް އެންމެ އެކަށީގެން ވަނީ ބިލާލް ނޫންކަން އެނގޭނެ ކަމަށެވެ.
"އޭނާ އަކީ އޭނާ ޑިމޮކްރަސީއާ މެދު ގެންގުޅޭ ފަނާ ކުރަނިވި ވިސްނުުމުގެ އިތުރުން، ހައްދުފަހަނައަަޅައި ދިއުމުގެ ވިސްނުން ފެތުރުމާއި އަންހެނުންނާ މެދު ހަރުކަށި އަމަލުތައް ހިންގާ މީހެއް. މި ކަންތައް ހުއްޓާލާ،" އީވާގެ ޓްވީޓުގައި ވެ އެވެ.
Respected my foot. He preaches hate and banned from entering to many countries including Bangladesh, UK and Australia. @NCTCMaldives are you aware of this?
— Hasanfutha (@hasanfutha) February 18, 2020
މާފަންނު އުތުރު ދާއިރާގެ އެމްޑީޕީ މެމްބަރު އިމްތިޔާޒް ފަހުމީ ވިދާޅުވި ގޮތުގައި، ބިލާލް އަކީ އެކަމަށް އެންމެ އެކަށީގެންވާ ބޭފުޅާއެއް ނޫނެވެ. އޭނާގެ ހަރުކަށި ފިކުރުގެ ވިސްނުމުގެ ސަބަބުން މިހާރު ވެސް ގިނަ ގައުމުތަކަށް ވަނުން މަނާކޮށްފައިވާ ކަމަށް ވިދާޅުވި އެވެ.
With due respect Minister @AhmedMahloof, I beg to differ. Dr Bilal Philips is not the right scholar for that purpose. In fact he’s currently banned from entering into many countries for his extreme views.
— ???????? ????? (@Imthiyazfahmy) February 18, 2020
އެހެން މީހެއްގެ ޓްވީޓެއްގައި ބުނީ، ބިލާލް ރާއްޖެ ގެނައުމާ މެދު އެމްއެންޑީއެފް އަދި މޯލްޑިވް އިމިގްރޭޝަނުން ދެވަނަ ވިސްނުމަކަށް ދާންޖެހޭ ކަމަށެވެ.
ޑރ. ބިލާލް ގެނައުން މަޑު ޖައްސާލުމުން ފާޑުކިޔަނީ
ބިލާލް ގެނައުން، ފިއްތުންތަކާ ގުޅިގެން މަޑުޖައްސާލައިފި
ބިލާލް ފިލިޕްސް ރާއްޖެ ގެނައުމާ ދެކޮޅަށް ނަޝީދު ވެސް
"އޭސީސީ އަށް ބަލަން އެނގެނީ ކުދިކުދި މައްސަލަތައް"
ސަރުކާރު ހަލާކުވާ ގޮތަށް އެބަ މަސައްކަތްކުރޭ: މަހުލޫފް
ބޮންޑޭއަށް އަނިޔާކުރި ވީޑިއޯ މަޖިލީހުގައި ދައްކައިފި
ސަލަފްގެ މައްސަލާގައި މަހުލޫފް މަޖިލީހަށް ހާޒިރުކުރަނީ
"އިންތިހާބަކާ ގުޅުވައިގެން އެއްވެސް ކަމެއް ނުކުރާނަން"
އިއްތިހާދުގެ ކަންބޮޑުވުންތައް ހިފައިގެން އެންއައިސީއަށް
ގާނޫނާ ހިލާފުވާ ފުލުހުންނަށް ފިޔަވަޅު އަޅަން އެދެނީ
