06 އެޕްރީލް 2020
ކޮވިޑް-19 ގެ ނުރައްކާ ކުރިމަތިނުވި ނަމަ، އަންނަ ހުކުރު ދުވަސް ވެގެންދިޔައީހީ ދުވުމަށް ލޯބިކުރާ ދިވެހިންނަށް އަނެއްކާ ވެސް އީދަކަށެވެ. އެއީ ރާއްޖޭގައި ދިގު ރާސްތާ ދުވުމުގެ ފޯރި އާލާކުރުމުގައި ހިއްސާވާ، ޓީއެފްޖީ ކޮކާކޯލާ ލޯންގް ރަންގެ މި އަހަރުގެ ދުވުން ބާއްވަން ރޭވި ދުވަހެވެ. ކޮވިޑުން ރައްކާތެރިވުމުގެ ފިޔަވަޅެއްގެ ގޮތުން އެ ދުވުން މިހާރު ވަނީ ޖުލައި 17 އަށް ފަސްކޮށްފަ އެވެ.
ކޮވިޑް-19 ގެ ނުރައްކާ ކުރިމަތިނުވި ނަމަ، އަންނަ ހުކުރު ދުވަސް ވެގެންދިޔައީހީ ދުވުމަށް ލޯބިކުރާ ދިވެހިންނަށް އަނެއްކާ ވެސް އީދަކަށެވެ. އެއީ ރާއްޖޭގައި ދިގު ރާސްތާ ދުވުމުގެ ފޯރި އާލާކުރުމުގައި ހިއްސާވާ، ޓީއެފްޖީ ކޮކާކޯލާ ލޯންގް ރަންގެ މި އަހަރުގެ ދުވުން ބާއްވަން ރޭވި ދުވަހެވެ. ކޮވިޑުން ރައްކާތެރިވުމުގެ ފިޔަވަޅެއްގެ ގޮތުން އެ ދުވުން މިހާރު ވަނީ ޖުލައި 17 އަށް ފަސްކޮށްފަ އެވެ.
އެއީ އެ ދުވުމަށް، ބުންވަރު ރަނގަޅުކޮށް ދުވެލި ބާރުކޮށްލި ދުވުންތެރިންނާއި އަލަށް ރޭހެއްގައި ދުވެލައި ކަރުގައި މެޑަލް އަޅުވާލަން ތައްޔާރުވި އެތައް ބަޔަކަށް ލިބުނު ފޫހިކަމެކެވެ. އެ ފޫހިކަން ފިލުވާލާށާއި، ގޭގައި އަބަދު ތިބެން ޖެހުމުން ތާއްޔާޖެހިފައިވާ ރޫހު، އާކޮށްލަން ޓީއެފްޖީން މިހާރު ވަނީ #ޓީއެފްޖީހޯމްރަން ގެ ނަމުގައި ވާޗުއަލް ދުވުމުގެ އިވެންޓެއް ހުކުރު ދުވަހަށް ރާވައިފަ އެވެ.
"ވައިރަހަށް، އެއްވުންތައް ހުއްޓުވިދާނެ. އަދި އެންމެން ލޮކްޑައުނަށް ވެސް ލެވިދާނެ. އެކަމަކު އަހަރެމެން އެންމެން ނުހަނު ލޯތްބާ އެކު ދުވާ ދުވުން، ނަގައެއް ނުލެވޭނެ،"
ready to conquer your “HOME RUN” with us? as we could not hold #CocaColaLONGRUN2020 as planned, we’ve decided to try and bring your spirits up by running at your homes on the 10th april 2020! get connected with us on @3000tfg or on strava! #TfGhomerun pic.twitter.com/YUdsbaf6Cr
— Total Fitness Group (@3000TfG) April 4, 2020
އެ ޝިޔާރާ އެކު، ޓީއެފްޖީން އެންމެންނަށް ދައުވަތު ދެނީ ހުކުރު ދުވަހު ގޭގައި "ހޯމް ރަން" އެއް ދުވެލުމަށެވެ. ގޭގައި 2.5 ކިލޯމީޓަރު، ފަސް ކިލޯމީޓަރު، 10 ކިލޯމީޓަރު ނުވަތަ ހާފް މެރެތަންއެއް ދުވެލައި، އެ ދުވުން އިންސްޓަގްރަމް، ފޭސްބުކް ނުވަތަ ދުވުމަށް ހާއްސަ އެޕްލިކޭޝަން ސްޓްރާވާ މެދުވެރިކޮށް ޓީއެފްޖީއާ ހިއްސާކޮށްލަންވީ އެވެ. ކޮވިޑް ފެތުރުން ހުއްޓުވުމަށްޓަކައި ފަރުދީ ޒިންމާއަދާކުރުމުގެ ގޮތުން ގޭގައި، ހަރަކާތްތެރިކޮށް ތިބެން ކުރާ މަސައްކަތުގެ ނިޝާނެއްގެ ގޮތުގަ އެވެ.
މިއީ އަމާޒުވާނެ ސުވާލުތަކެކެވެ. ރާއްޖޭގެ އާބާދީގެ ބޮޑުބަޔެއް ދިރިއުޅޭ މާލޭގެ ގިނަ ގޭގޭގައި ދުވެލަން ކީއްކުރަން ހަމަޖެހިލައިގެން ތިބެލެވޭނެ ޖާގައެއް ވެސް ނެތެވެ. ބަޔެއް ގެތަކުގައި ދުވާ މެޝިން ހުރެ އެވެ. ނެތިއްޔާ ހަދާނީ ކިހިނެއް ހެއްޔެވެ؟ މިކަން ޗެލެންޖަކަށްވަނީ އެ ހިސާބުންނެވެ. ކުރިން ލަފާކުރެވިފައި ނެތް މި ހާލަތު އައުމާ ގުޅިގެން ގޭގައި ތާށިވީ އެތައް ބަޔަކު އަންނަނީ ގޭގައި އޮތް ޖާގައެއްގެ ބޭނުން ހިފައި ދުވަމުންނެވެ. ޓީއެފްޖީގެ ސީއީއޯ އަދި ލޯންގް ރަންގެ ޑިރެކްޓަރު މުހައްމަދު މިސްތޯ އަކީ އޭގެން އެކަކެވެ. ކޮންމެ ދުވަހަކު ހެނދުނު މާލެ ވަށައި ދުވެނުލާ ހިތަށް ހަމަޖެހުމެއް ނުލިބޭ މިސްތޯ ގޭގައި ބަންދުވުމުން، މިހާރު ދުވަނީ ގޭތެރޭގައި އެންމެ "ހަ މީޓަރުގެ ޓްރެކެއް"ގަ އެވެ.
"އުނދަގޫ ވެސް ވި. ފޫހިވެސް ވި. ކުޑަތަންކޮޅެއް ދުވެލާފައި އަނބުރާލަން މި ޖެހެނީ. އެކަމަކު ގޭގައި ހުންނަން ޖެހުނު ހިސާބުން ފެށިގެން އެވްރެޖްކޮށް ކޮންމެ ދުވަހަކު 10 ކިލޯމީޓަރު އެބަ ދުވަން،" މިސްތޯ ބުންޏެވެ.
home run: treadmill ✅ (as long as in the house), on the spot ✅ (as long as you can count), on your limited space ✅ (room, toilet, kitchen, terrace, balcony) .. and that’s what it takes to run a home run this Friday
— Total Fitness Group (@3000TfG) April 5, 2020
މާނައަކީ އާއްމުކޮށް އޭނާ މާލެ ވަށައި ކޮންމެ ދުވަހަކު ދެ ބުރުން ފުރިހަމަކުރާ 10 ކިލޯމީޓަރުގެ ރާސްތާ މިހާރު ކަޑައްތުކުރަން ޖެހެނީ "ހަ މީޓަރުގެ ޓްރެކެއް" ގައި 1600 ބުރުންނެވެ. ޓީއެފްޖީގެ އެހެން އިންސްޓްރަކްޓަރަކު ދުވަނީ ސިޑިން އަރައި ފައިބައިގެންނެވެ. މިވަގުތު އެހެން ގޮތެއް ނެތެވެ. ދިފާއީ ނިޒާމް ވަރުގަދަކުރުމަށްޓަކައި، ކަސްރަތަކީ އެހާމެ މުހިއްމު ކަމަކަށްވާއިރު އަމުދުން މި ދުވަސްވަރު ހަރަކާތްތެރިކޮށް އުޅުން ވަރަށް މުހިއްމެވެ.
މި ފަދަ ހާލަތެއްގައި ވެސް ދުވުން ނުވަތަ ކަސްރަތު ކުރަން ޓީއެފްޖީން ބާރު އަޅާ އަނެއް ސަބަބަކީ މިކަމުން އަރައިގަނެވި އާއްމު ދިރިއުޅުމަކަށް ރުޖޫއުވާއިރު، ކަސްރަތު ދިރިއުޅުމުގެ މުހިއްމު ބަޔަކަށް އަލުން ހެދޭނީ މި ދުވަސްވަރު ވެސް އެކަމުގައި ދެމިހުރެގެން ކަމަށް ވުމެވެ. މީގެ އިތުރުން، ކޮންމެ ދުވަހަކު ކޮވިޑް-19 ގެ ނެގެޓިވް ހަބަރުތަކާއި މައުލޫމާތުން ސިކުނޑި ފުރި އެ ލިބޭ ހާސްކަމުން އަރައިގަތުމަށްޓަކައި ކަސްރަތު ވަރަށް މުހިއްމު އަދާކުރާނެ އެވެ.
"ވަރަށް މުހިއްމު (އާއްމު ދުވަހެކޭ އެއްފަދައިން) ހަމަ ހެނދުނު ހެނދުނާ ހޭލައިގެން ދުވުން. މުޅި ދުވަހު އަހަރެމެން އެންމެންނަށް އިވޭނީ ދެރަވާ ކަހަލަ ހަބަރުތައް. އެހެންވެ ކޮންމެ ދުވަހަކު ހެނދުނު ދުވެލައި، ރަނގަޅު ފެށުމަކުން ދުވަސް ފަށައި ތާޒާކޮށް ހުރުމަކީ ޕޮޒިޓިވް މޫޑެއްގައި ހުރުމަށް މަގުފަހިވާނެ ކަމެއް،" މިސްތޯ ބުންޏެވެ.
Yes. I’ll be joining the #TfGhomerun. Good stuff! ?? ?
— Athif (@hammettz) April 5, 2020
މި ހުކުރު ދުވަހަކީ އެކަމަށް ރަނގަޅު ފެށުމަކަށް ހެދިދާނެ އެވެ. #ޓީއެފްޖީހޯމްރަން ގައި ރަޖިސްޓްރޭޝަނެއް ނޯންނާނެ އެވެ. ލޯންގް ރަންގެ ބެނާގެ ދަށުން އަދި އެ ދުވުމުގެ ޕާޓްނަރުންގެ ވެސް ބައިވެރިވުމާ އެކު ރޭވި ނަމަވެސް މިއީ ނުރަސްމީ، ވާޗުއަލް އިވެންޓެކެވެ. އެހެންވެ އެ އިވެންޓް ފުރިހަމަކޮށްލުމަށް ފަހު ކަރުގައި އަޅުވާލާ މެޑެއްޔަކީ ވެސް، ދަރިފުޅު ނުވަތަ އާއިލާގެ މެމްބަރަކު ލައްވާ ހައްދުވާ ރަމްޒީ އުފެއްދުންތެރި މެޑެއްޔަކަށް ވެއްޖެ ނަމަ މި ދުވުން އިތުރަށް ހަނދާނީވީ އެވެ.
މިކަމުން އަރައިގަނެވިއްޖެ ނަމަ ޖުލައި 17 ގައި ޓީއެފްޖީ ލޯންގް ރަން އަހަރެމެންނާ ބައްދަލުކުރާނެ އެވެ. ހުޅުމާލޭގެ ހިތްގައިމު މާހައުލުގައި، އެހާމެ ފަސޭހަ ރޫޓެއްގައި ދުވެލައި، ރީތީ މެޑެއްޔެއް ކަރުގައި އަޅުވާލެވޭނެ އެވެ. އެ ދުވަސް ގެނެވެން އޮތީ ވެސް ކޮވިޑް-19 ފެތުރޭ "ކާވް" ހިންދާލެވިގެންނެވެ. އެކަން ކުރެވެން އޮތީ ގޭގައި ތިބެގެންނެވެ. ޓީއެފްޖީން މި ހިތްވަރު ދެނީ ގޭގައި ތިބޭ ދުވަސްކޮޅުގައި ވެސް ހަރަކާތްތެރި ދިރިއުޅުމެއް އުޅޭށެވެ. އަދި ދުވުމުން ހިތްހަމަޖެހުން ހޯދައި ފޯރި ނަގައި އެންމެން ރޫހު އާކޮށް އުފާވެރިކަން އާލާކޮށްލާށެވެ.
ޓީއެފްޖީ ޒިނާން، ދިވެހި ދުވުންތެރިން އާ ހަރުފަތަކަށް
ޓީއެފްޖީ ލޯންގް ރަންގެ ދުވުންތެރިންނަށް މެޑަލް ދީފި
ޓީއެފްޖީ ލޯންގްރަން މިރޭ ދަންވަރު 2:00 ގައި ފަށާނެ
ޓީއެފްޖީ ލޯންގް ރަންގެ ރަޖިސްޓްރޭޝަން ކުރިއަށް ދަނީ
ހާހެއް ދުވުންތެރިންނާ އެކު ލޯންގް ރަން ބާއްވައިފި
މަރިޔަމް ވަހީދާގެ ފުރަތަމަ މެރެތަން، ތާރީޚީ ކާމިޔާބެއް
ކޮކާކޯލާ ލޯންގް ރަން އޭޕްރީލް މަހު
ޓީއެފްޖީ ލޯންގް ރަން: މި ފަހަރު 1500 ޖާގަ!
ޓީއެފްޖީގެ މި އަހަރުގެ ލޯންގް ރަން އޭޕްރިލް 20 ގައި
"ރަން އިން ލާމު": މިއީ އެއް ވަނައިގެ ރޫޓެއް!