ޓްވިޓާގެ ވެރިޔާ އެއް ބިލިއަން ޑޮލަރު ހަދިޔާކޮށްފި

09 އެޕްރީލް 2020

ޓްވިޓާގެ ވެރިޔާ ޖެކް ޑޯޒީގެ ބައިވެރިވުން އޮންނަ ޕޭމަންޓް ކުންފުނި ސްކެއާގައި އޮތް އޭނާގެ ހިއްސާގެ އެއް ބިލިއަން ޑޮލަރު ހައިރާތަށް ދޭން ނިންމައިފި އެވެ.

އަހުމަދު އަދްޝަން

މީޑިއާތަކުން ބުނިގޮތުގައި ޑޯޒީ އެ ފައިސާ ހާއްސަކޮށްފައި ވަނީ ކޮރޯނާވައިރަހާ ގުޅިގެން ހުޅުވާލާފައިވާ ރިލީފް ފަންޑްގެތަކުގެ އިތުރުން އެހީ އަށް ބޭނުންވާ އެކި ޖަމާއަތްތަކަށެވެ. އެގޮތުން އެންމެ ފުރަތަމަ އެހީ ފޯރުކޮށްދިނީ މިދިޔަ ހަފުތާގައި ހޮލީވުޑްގެ މަޝްހޫރު އެކްޓަރު ލިއޮނާޑޯ ޑި ކެޕްރިއާ ހިއްސާވެގެން އުފެއްދި "އެމެރިކާ ފުޑް ފަންޑް" އަށެވެ. އެ ޖަމާއަތަށް ޑޯޒީގެ ފަރާތުން 100،000 ޑޮލަރު ހަދިޔާކޮށްފައިވެ އެވެ.

I’m moving $1B of my Square equity (~28% of my wealth) to #startsmall LLC to fund global COVID-19 relief. After we disarm this pandemic, the focus will shift to girl’s health and education, and UBI. It will operate transparently, all flows tracked here: https://t.co/hVkUczDQmz
— jack (@jack) April 7, 2020

ބިލިއަން ޑޮލަރުގެ އެހީއެއް ދޭން ޑޯޒީ ނިންމި އިރު އެއީ އޭނާގެ މިލްކިއްޔާތުގެ 28 ޕަސަންޓެވެ. ޑޯޒީގެ ޖުމްލަ މިލްކިއްޔާތަކީ 3.3 ބިލިއަން ޑޮލަރެވެ.

Why now? The needs are increasingly urgent, and I want to see the impact in my lifetime. I hope this inspires others to do something similar. Life is too short, so let’s do everything we can today to help people now. ✌?
— jack (@jack) April 7, 2020

މިކަމާ ބެހޭ ގޮތުން އޭނާ ބުނީ މިއީ އެހީ ދޭންވީ ވަގުތު ކަމަށާއި ކޮރޯނާވައިރަހުގެ މި ހާލަތަކީ އެކަމަށް އެންމެ މުނާސަބު ވަގުތު ކަމަށެވެ. ޑޯޒީ ބުނިގޮތުގައި އެހީދޭ ފަރާތްތައް ނަމޫނާއަކަށް ބަލައިގެން ވީހާ ވެސް ގިނަ ފަރާތްތަކުން އެހީތައް ދެމުން ގެންދާނެ ކަމަށް އުންމީދުކުރާ ކަމަށެވެ.

"އުމުރަކީ ވަރަށް ކުރު އެއްޗެއް. އެހެންވީމާ ހިނގާ ހުރިހާ އެންމެން އެކަކު އަނެކަކަށް އެހީވަމާ." ޑޯޒީ ބުންޏެވެ.

ޓްވިޓާގެ ސީއީއޯ ޖެކް، 43، އަކީ މި ވަގުތު ޓްވިޓާގެ އިތުރުން ފަސް ބިލިއަން ޑޮލަރުގެ ރައުސުލްމާލެއް އޮތް އިތުރު ކުންފުންޏެއްގެ ހަމައެކަނި ސީއީއޯ ވެސް މެ އެވެ. އެގޮތުން މޮބައިލް ޕޭމަންޓް ކުންފުނި ސްކެއާގެ ވެސް ސީއީއޯ އަކީ ވެސް އޭނަ އެވެ.

Comments