ބޮލީވުޑްގެ ފަންނާނުންތަކެއް ގެވެށިއަނިޔާއާ ދެކޮޅަށް

21 އެޕްރީލް 2020

ކޮރޯނާވައިރަހާ އެކު ވަރަށް ގިނަ ގައުމުތަކުން ދަނީ ގެވެށިއަނިޔާ އާއި ނަފުސާނީ މައްސަލަތައް އާންމުންގެ ތެރޭގައި އިތުރުވަމުންދާކަން ފާހަގަކުރަމުންނެވެ. އެހެންވެ މިއީ ކޮވިޑް-19 ކަހަލަ ގޮތް ނޭނގޭ ބައްޔަކާ ދެކޮޅަށް މުޅި ދުނިޔޭގެ ފޯކަސް ހުއްޓިފައިވާ ވަގުތެއްގައި ވެސް ސަމާލުކަންދޭން ޖެހޭ މައްސަލަތަކެވެ.

އަހުމަދު އަދްޝަން

ގެވެށިއަނިޔާގެ މައްސަލަތައް ބޮޑު އަދި އަންހެނުންނާއި ކުޑަކުދިންނަށް ކުރާ އަނިޔާގެ މައްސަލަތައް ގިނަ އިންޑިއާގައި މިހާރު މި ވަނީ ގެވެށި އަނިޔާއާ ދެކޮޅަށް ހާއްސަ ކެމްޕޭނެއް ފަށައިފަ އެވެ.

އަކްޝަރާ ސެންޓަރު އިސްކޮށް އޮވެގެން ހިންގާ #ލޮކްޑައުންއޮންޑޮމެސްޓިކްވައިލެމްސްގެ ނަމުގައި ކުރިއަށް ގެންދާ ކެމްޕޭނާ ބޮލީވުޑްގެ ނުފޫޒުގަދަ ބައެއް ފަންނާނުން މިހާރު ވަނީ ގުޅިފަ އެވެ.

Lets put a #LockDownOnDomesticViolence !! #Dial100 @CMOMaharashtra @DGPMaharashtra @AUThackeray @aksharacentre pic.twitter.com/JHu0M2vD0O
— vidya balan (@vidya_balan) April 19, 2020

އޭގެ ތެރޭގައި މަދޫރީ ޑިކްސިޓާއި އަނުޝްކާ ޝަރުމާ އާއި ވިދިޔާ ބާލަން އާއި ދިއާ މިރްޒާ އާއި ކަރަން ޖޯހަރާއި ފަރުހާން އަޚްތަރާއި ރާހުލް ބޯސް އާއި ނަންދިތާ ދާސް އާއި ސުނިލް ޝެޓީ އާއި ޝަބާނާ އަޒްމީ އާއި ޝްރެޔަސް ތަލްޕަޅޭ އާއި ސޮނާލީ ކުލްކަރްނީ އާއި ސާކްޝީ ތަންވަރު ފަދަ ފަންނާނުން ހިމެނެ އެވެ.

I express my gratitude to the honorable Chief Minister @UddhavThackeray for this critical initiative! The cases of domestic violence have been rising rapidly across the country, and now is the time to stand up against it! #LockdownOnDomesticViolence #Dial100 @cmoMaharashtra pic.twitter.com/NPiw9UIxnx
— Karan Johar (@karanjohar) April 19, 2020

މީގެ އިތުރުން އިންޑިއާގެ ކްރިކެޓް ބައެއް ޝަހުސިއްޔަތުން ވެސް ގެވެށި އަނިޔާގެ ކެމްޕޭނުގައި ހިއްސާވެ އެވެ. އޭގެ ތެރޭގައި ސަޗިން ޓެންޑުލްކަރާއި ވިރާޓް ކޯލީ އާއި ރޯހިތު ޝަރުމާ އާއި މިތާލީ ރާޖް ހިމެނެ އެވެ.

घरगुती हिंसेची टाळेबंदी करण्यासाठी डायल करा १००

To put a #LockdownOnDomesticViolence ? please #Dial100 ?. ?? pic.twitter.com/by9NHkqz9o
— Sachin Tendulkar (@sachin_rt) April 19, 2020

އަކްޝަރާ ސެންޓަރު ކޯ-ޑިރެކްޓަރު ނަންދިތާ ޝާހް ބުނީ ކޮރޯނާވައިރަހާ ދިމާކޮށް އިންޑިއާގައި ލޮކްޑައުން އިއުލާންކުރި ފަހުން ގެވެށިއަނިޔާގެ އެކި ކަހަލަ މައްސަލަތައް އިތުރުވަމުންދާކަން ފާހަގަކުރެވިފައިވާ ކަމަށެވެ. އެހެންވެ މި ދަނޑިވަޅަކީ މިކަމާ ދެކޮޅަށް ވަކިން ހާއްސަކޮށް މަސައްކަތްތަކެއް ނުކޮށްފި ނަމަ، ވަރަށް ގިނަ އިޖުތިމާއީ މައްސަލަތަކެއް ފެންމަތިވެ، ބޮއްސުންލައިގެން ހިނގައިދާނެ ކަމެއް ކަމަށް ބުންޏެވެ.

It's so disappointing to see a rise in the cases of domestic violence when we're fighting with a pandemic. Let's all put a #LockdownOnDomesticViolence and #Dial100 if we're aware of any such thing happening around us. Now is the time when we all need each other the most! pic.twitter.com/ryQYkvsnSl
— Madhuri Dixit Nene (@MadhuriDixit) April 19, 2020

"އެހެންވެ އެންމެން ގުޅިގެން އެބަޖެހޭ މިކަމާ ދެކޮޅަށް މަސައްކަތްތަކެއް ކުރަން. އަހަރެން ވަރަށް އުފާކުރަން އަހަރެމެންގެ މި އިނިޝިއޭޓިވާ ފިލްމީ ދާއިރާ އާއި ކްރިކެޓްގެ ތަރިން ހިއްސާވާތީ. އެ މީހުންގެ ހިއްސާއާ އެކު ކާމިޔާބު މަސައްކަތްތެއް ކުރެވޭނެ ކަމަށް އުންމީދުކުރަން." އޭނާ ބުންޏެވެ.

If you have been a victim, witness or a survivor of the domestic violence, please report. ??#LockdownOnDomesticViolence #Dial100 @CMOMaharashtra @DGPMaharashtra @AUThackeray @aksharacentre pic.twitter.com/WVYNcVs6x3
— Virat Kohli (@imVkohli) April 19, 2020

ނަންދިތާ ބުނިގޮތުގައި އެންމެ މުހިއްމު އެއް ކަމަކީ ގެވެށި އަނިޔާގެ މައްސަލަތައް ސިއްރުނުކޮށް ކަމާބެހޭ ފަރާތްތަކަށް ރިޕޯޓްކުރަމުން ދިއުމެވެ.

"އަހަރެމެންގެ މައިގަނަޑު މަސައްކަތަކަށްވާނެ މިކަމަށް އިތުރަށް ހޭލުންތެރިކަން އުފެއްދުން." މަހަރަޝްތުރާ ސްޓޭޓްގެ ސަރުކާރުގެ ސަޕޯޓް ވެސް ލިބިގެން ހިންގާ ކެމްޕޭނާ ބެހޭ ގޮތުން އޭނާ ބުންޏެވެ.

ގެވެށިއަނިޔާއާ ދެކޮޅަށް މިހާރު ވަނީ ހާއްސަ ވީޑިއޯއެއް ވެސް ސޯޝަލް މީޑިއާގައި އާންމުކޮށްފަ އެވެ. އަދި އެ ވީޑިއޯ ވަރަށް ގިނަ ފަންނާނުންގެ ޓްވިޓާ އެކައުންޓްތަކުގައި ހިއްސާކޮށްފައިވެ އެވެ.

Comments